Connect with us

ព័ត៌មានអន្ដរជាតិ

កូរ៉េ​ខាង​ត្បូង ពិចារណា​សំណើ​ឥណ្ឌូណេស៊ី​ រឿង​កាត់​បន្ថយ​ថវិកា​ផលិត​យន្តហោះ​ KF-21

បានផុស

នៅ

សំណើ​កាត់​បន្ថយ​​ចំណែក​ថវិកា​ចូលរួម​កម្មវិធី​​ផលិត​យន្តហោះ​ចម្បាំង KF-21 Boramae របស់​ឥណ្ឌូណេស៊ី ត្រូវ​បាន​រដ្ឋាភិបាល​ក្រុង​សេអ៊ូល​​សម្រេច​យក​ទៅ​ពិចារណា​ហើយ។ នេះ​បើ​យោង​តាម​សេចក្ដី​ប្រកាស​របស់​ក្រុម​ភ្នាក់ងារ​​ការពារ​ជាតិ​កូរ៉េ​ខាង​ត្បូង កាល​ពី​ថ្ងៃ​ទី​១៣ ខែ​ឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូរ៉េ​ខាង​ត្បូង បាន​​​រៀបរាប់​ថា សំណើ​​នេះ អាច​នឹង​ធ្វើ​ទៅ​រួច ក្រោម​លក្ខខណ្ឌ​​​តម្រូវ​ឲ្យ​មាន​ការ​កាត់​បន្ថយ​បច្ចេកវិទ្យា​មួយ​ចំនួន​​បំពាក់​​នៅ​លើ​យន្តហោះ KF-21 ដែល​ត្រូវ​បញ្ជូន​ទៅ​ឥណ្ឌូណេស៊ី។ ឥណ្ឌូណេស៊ី មាន​បំណង​កាត់​បន្ថយ​ការ​ចំណាយ​មក​ត្រឹម​ ៤៣៩​លាន​ដុល្លារ ដែល​ពី​ដើម​ឡើយ​​គម្រោង​ដែល​យល់​ព្រម​គ្នា​​ជាមួយ​កូរ៉េ​ខាង​ត្បូង​មាន​ដល់ ១,២​ពាន់​លាន​ដុល្លារ​ឯណោះ។

ថ្វី​ត្បិត​តែ​​ឥណ្ឌូណេស៊ី​​​មាន​បញ្ហា​ហរិញ្ញវត្ថុ និង​ខកខាន​ថ្ងៃ​កំណត់​ប្រគល់​ថវិកា​ក៏​ពិត​មែន តែ​​បើ​​​គិត​មក​ដល់​បច្ចុប្បន្ន រដ្ឋាភិបាល​រដ្ឋធានី​ហ្សាកាតា បាន​ឲ្យ​​ប្រាក់​​ចំនួន ២២០​លាន​ដុល្លារ​ហើយ សម្រាប់​​កម្មវិធី​វិនិយោគ​​រួម​គ្នា​លើ​ការ​ផលិត KF-21 ​ជាមួយ​កូរ៉េ​ខាង​ត្បូង។

កូរ៉េ​ខាង​ត្បូង បាន​ប៉ាន់​ស្មាន​ថា ការ​ផលិត​យន្តហោះ​ KF-21 ជំនាន់៤.៥ នឹង​អាច​លេច​ចេញ​ជា​រូបរាង​ជា​ជំហាន​ដំបូង នៅ​ត្រឹម​ឆ្នាំ​២០២៦​ខាង​មុខ។

សូម​រំឭក​ថា មិន​មែន​តែ​ឥណ្ឌូណេស៊ី​ទេ ដែល​បាន​ស្នើ​សុំ​កាត់​បន្ថយ​ថវិកា​ផលិត KF-​21 គឺ​កូរ៉េ​ខាង​ត្បូង ក៏​ធ្លាប់​ប្រកាស​ផង​ដែរ​កាល​ពី​ខែ​មីនា​កន្លង​ទៅ​ថា កម្មវិធី​ផលិត KF-21 របស់​ខ្លួន សម្រាប់​ជំហាន​ដំបូង ត្រូវ​បន្ថយ​ពាក់​កណ្ដាល​ឯណោះ​​ ដោយ​​ចុះ​​ពី​៤០​គ្រឿង មក​សល់​ត្រឹម ២០​គ្រឿង​ប៉ុណ្ណោះ។ ការ​សម្រេច​ចិត្ត​នេះ ធ្វើ​ឡើង​​​ក្រោយ​ពី​​មាន​ការ​ព្រួយ​បារម្ភ​អំពី​លទ្ធភាព​ ដែល​តម្រូវ​​​​ឲ្យ​យន្តហោះ​ទាំង​នោះ​ត្រូវ​​ឆ្លង​កាត់​ការ​ធ្វើ​តេស្ត​សមត្ថភាព​រ៉ាដា និង​មីស៊ីល​លើ​អាកាស​បន្ថែម​ទៀត។

កូរ៉េ​ខាង​ត្បូង មាន​គម្រោង​ផលិត KF-21 ឲ្យ​បាន ១២០​គ្រឿង ត្រឹម​ឆ្នាំ​២០៣០ ដោយ​​ត្រៀម​យក​​ពួក​វា​ទៅ​​ជំនួស​យន្តហោះ​ចម្បាំង​ចាស់ៗ​ដូចជា យន្តហោះ F-4 និង យន្តហោះ F-5 ដែល​ប្រើប្រាស់​តាំង​តែ​ពី​ឆ្នាំ​១៩៦៩​មក​ម៉្លេះ៕

ដោយ៖ ឈាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២៧ នាទី មុន

ក្រសួងសុខាភិបាល ធ្វើតេស្តរហ័សស្វែងរកសារធាតុញៀន​ដល់ថ្នាក់ដឹកនាំមន្ត្រីរាជការ និងមន្ត្រីជាប់កិច្ចសន្យា

ព័ត៌មានអន្ដរជាតិ៣១ នាទី មុន

ចិន គំរាម​ព្យួរ​ ក ​ប្រហារ​ជីវិត​ជន​ផ្ដាច់​ខ្លួន​និយម​តៃវ៉ាន់

ព័ត៌មានជាតិ៥៩ នាទី មុន

រដ្ឋមន្ត្រីសុខាភិបាល ជំរុញមន្ត្រី ត្រូវពង្រីកសមត្ថភាពបន្ថែមទៀត ដើម្បីផ្តល់សេវាជូនពលរដ្ឋកាន់តែមានប្រសិទ្ធភាពខ្ពស់

ព័ត៌មានជាតិ៩ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ២០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៦ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ១៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម