ព័ត៌មានអន្ដរជាតិ
លោក ពូទីន ទៅចិន លើកនេះ នឹងពិភាក្សាបញ្ហាក្តៅចំនួន ២
វិមានក្រឹមឡាំងបញ្ជាក់ថា នៅថ្ងៃទី១៦-១៧ខែឧសភានេះ ប្រធានាធិបតិរុស្ស៊ីលោក វ្ល៉ាឌីមៀរ ពូទីន នឹងទៅបំពេញទស្សនកិច្ចផ្លូវរដ្ឋក្នុងប្រទេសចិន តបតាមការអញ្ជើញរបស់សមភាគីលោក ស៊ី ជីនពីង ហើយនេះជាដំណើរចេញក្រៅប្រទេសលើកដំបូងរបស់លោកពូទីន ចាប់តាំងពីការឡើងកាន់តំណែងក្នុងអាណត្តិថ្មី។
![](https://www.kampucheathmey.com/wp-content/uploads/2024/05/image-719-1024x576.png)
តាមការបញ្ជាក់ពីវិមានក្រឹមឡាំង, ក្រៅពីការបង្ហាញសាមគ្គីភាពនិងរឹតចំណងទាក់ទងរវាងមិត្តទាំងពីរ ដំណើរទស្សនកិច្ចរបស់លោកពូទីនទៅចិន លើកនេះ ក៏នឹងពិភាក្សាលើបញ្ហាក្តៅជាសកលចំនួន២ផងដែរ នោះគឺសេដ្ឋកិច្ចនិងសង្គ្រាម ជាពិសេសសង្គ្រាមអ៊ុយក្រែនតែម្តង។
សេចក្តីរាយការណ៍របស់ Sputnik បានឲ្យដឹងថា អំឡុងដំណើរទស្សនកិច្ចនេះ មិនត្រឹមតែជួបជាមួយលោក ស៊ី ទេ, លោក ពូទីន ក៏នឹងជួបជាមួយនាយករដ្ឋមន្ត្រីចិន លី ឈាង ផងដែរដើម្បីពិភាក្សាអំពីកិច្ចសហប្រតិបត្តិការសេដ្ឋកិច្ច ហើយលោកពូទីន នឹងធ្វើដំណើរទៅទីក្រុងហាប៊ីន ភាគឦសាន សម្រាប់ចូលរួមពិធីតាំងពិព័រណ៍ពាណិជ្ជកម្មនិងការវិនិយោគ។
![](https://www.kampucheathmey.com/wp-content/uploads/2024/05/image-720-1024x697.png)
បន្ទាប់ពីកិច្ចពិភាក្សា ចិននិងរុស្ស៊ី នឹងត្រូវចុះហត្ថលេខាលើសេចក្តីថ្លែងការណ៍រួមមួយរបស់ប្រមុខរដ្ឋទាំងពីរ និងលើឯកសារទ្វេភាគីមួយចំនួនទៀត។ មិនត្រឹមប៉ុណ្ណឹង មេដឹកនាំទាំងពីរនឹងកំណត់ទិសដៅសម្រាប់ការអភិវឌ្ឍបន្ថែមទៀតនៃកិច្ចសហប្រតិបត្តិការ និងកិច្ចពិភាក្សាអំពីបញ្ហាសំខាន់ៗបំផុត។
ដោយឡែក បើតាមការបញ្ជាក់ពីអ្នកនាំពាក្យក្រសួងការបរទេសចិន លោក Wang Wenbin វិញ, ក្នុងដំណើរទស្សនកិច្ចនេះ ប្រធានរដ្ឋចិន ស៊ី ជីនពីននិងប្រធានាធិបតីរុស្ស៊ី វ្ល៉ាឌីមៀរ ពូទីន នឹងផ្លាស់ប្តូរទស្សនៈគ្នាស្តីពីទំនាក់ទំនងទ្វេភាគី និងកិច្ចសហប្រតិបត្តិការលើវិស័យផ្សេងៗ ក៏ដូចជាលើបញ្ហាអន្តរជាតិ និងតំបន់ដែលជាផលប្រយោជន៍រួម ក្នុងបរិបទនៃខួបលើកទី ៧៥នៃការបង្កើតទំនាក់ទំនងការទូតរវាងចិននិងរុស្ស៊ី ផងដែរ។
![](https://www.kampucheathmey.com/wp-content/uploads/2024/05/image-722.png)
គេនៅចាំបានថា កាលពីដើមឆ្នាំ២០២២ លោក ពូទីន ក៏បំពេញទស្សនកិច្ចនៅទីក្រុងប៉េកាំងដែរ ហើយក្រោយពេលចិន-រុស្ស៊ី ប្រកាសពីភាពជាដៃគូគ្មានដែនកំណត់មិនបានប៉ុន្មានផង ស្រាប់តែលោកពូទីន ដាក់ទ័ពរាប់ម៉ឺននាក់ ចូលទៅវាយលុកប្រទេសអ៊ុយក្រែន តែម្តង។
ម្យ៉ាងវិញទៀត ម្តងនេះនឹងក្លាយជាដំណើរទស្សនកិច្ចលើកទីពីររបស់លោក ពូទីន ទៅកាន់ប្រទេសចិនក្នុងរយៈពេលត្រឹមតែជាងប្រាំមួយខែប៉ុណ្ណោះ បន្ទាប់ពីបស្ចិមប្រទេស ដាក់ទណ្ឌកម្មលើការវាយលុកយោធារបស់ទីក្រុងមូស្គូ នៅអ៊ុយក្រែន៕
អត្ថបទ៖ សុខ សុវណ្ណ
ចុចអាន៖ ក្រោយឈ្នះឆ្នោត តើលោក ពូទីន នឹងហោះទៅទស្សនកិច្ចប្រទេសមហាមិត្តណាមុនគេ?
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២៣ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់