ព័ត៌មានអន្ដរជាតិ

មហាជនបើកភ្នែកធំៗ មើលសម្រស់ភរិយានាយករដ្ឋមន្ត្រីថ្មី សិង្ហបុរី ទោះមានវ័យ ៤៤ ឆ្នាំក៏ដោយ

បានផុស

២ years មុន

នៅ

ថ្ងៃសៅរ៍ ១៨ ឧសភា ២០២៤

ដោយ

គ្រប់ភ្នែកទាំងអស់កំពុងសម្លឹងមើលនាយករដ្ឋមន្ត្រី ដែលទើបនឹងតែងតាំងគឺលោក Lawrence Wong មានមានវ័យ ត្រឹមតែ ៥១ ឆ្នាំ ខណៈដែលគាត់ចូលកាន់តំណែងជំនួសអតីតនាយករដ្ឋមន្ត្រី លោក Lee Hsien Loong កាលពីថ្ងៃ១៥ខែ ឧសភា ។ ប៉ុន្តែងាកទៅកាន់ភរិយារបស់លោក គឺលោកស្រី Loo Tze Lui អមដំណើរស្វាមីមកជាមួយ បានក្លាយចំណាប់អារម្មណ៍ពីភ្នែកមហាជនសឹងតែគ្រប់គ្នា ដោយសារតែសម្រស់ក្នុងវ័យ៤៤ឆ្នាំ។

**លោក Lawrence Wong នាយករដ្ឋមន្ត្រីថ្មីសិង្ហបុរី និងភរិយា**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Loo Tze Lui ធ្លាប់ជាធនាគារិក និងជាប្រធានក្រុមប្រឹក្សាភិបាលសម្រាប់សមាគមគ្រិស្តបរិស័ទយុវជន (YMCA) រហូតដល់ឆ្នាំ ២០២៣។ យោងតាមរបាយការណ៍ បច្ចុប្បន្នកាត់ធ្វើការក្នុងការគ្រប់គ្រងទ្រព្យសម្បត្តិ។

កាលពីខែកញ្ញាកន្លងទៅ ស្រ្តីវ័យ៤៤ឆ្នាំរូបនេះ ត្រូវបានគេឃើញអមដំណើរជាមួយនឹងលោកនាយករដ្ឋមន្ត្រី Wong ក្នុងពិធីសម្ពោធលោកប្រធានាធិបតី Tharman នៅឯ Istana។ រូបរាងរបស់គាត់ បានប្រែក្លាយទៅជាប្រធានបទពិភាក្សាយ៉ាងទូលំទូលាយនៅលើប្រព័ន្ធផ្សព្វផ្សាយសង្គម ដោយមានអ្នកលេងអ៊ីនធឺណិតជាច្រើនបានកត់សម្គាល់ពីភាពឆើតឆាយ និងភាពស្រស់ស្អាតរបស់គាត់លើសពីអ្នកផ្សេងទៀត។

មនុស្សមួយចំនួនធំដែលបានឃើញសម្រស់លោកស្រីផ្ទាល់នៅឯអង្គពិធីបានដាក់ឈ្មោះគាត់ថាជា “ភរិយានាយករដ្ឋមន្ត្រីដែលស្អាតបំផុតរបស់សិង្ហបុរី” ខណៈអ្នកលេងអ៊ីនធឺណិតផ្សេងទៀតនិយាយថា គាត់បញ្ចេញភាពស្រស់ស្អាតតាមបែបស្ទាយតារាកូរ៉េខាងត្បូង ដែលមានស្ទីលតុបតែងខ្លួនបែបនេះ។

ទន្ទឹមនោះទៀតសោត ភរិយាលោក Lawrence Wong បានធ្វើឲ្យមនុស្សជាច្រើនចាប់អារម្មណ៍នឹងភាពស្រស់ស្អាតរបស់គាត់កាលពីយប់ថ្ងៃដែលស្វាមីបង្ហាញវត្តមានក្នុងពិធីស្បថចូលកាន់តំណែង។ នាពេលនោះគាត់បានស្លៀករ៉ូបពណ៌ខ្មៅ និងខ្សែកដ៏សាមញ្ញ ស្រដៀងនឹងសម្លៀកបំពាក់បុរាណដែលគាត់ធ្លាប់ស្លៀកក្នុងពិធីចូលកាន់តំណែងរបស់ប្រធានាធិបតី Tharman ដូចគ្នា។

ភ្លាមៗនោះដែររូបភាពរបស់លោកស្រី Loo Tze Lui បានសាយភាយពាសពេញបណ្ដាញសង្គម រហូតអ្នកទស្សនាអត់ទ្រាំនឹងសរសើរលើរូបសម្រស់របស់ស្រ្តីរូបនេះពុំបាន មិនមែនត្រឹមប៉ុណ្ណឹងនោះទេ។ ជាពិសេសនោះគឺភាពដាក់ខ្លួននិងចរិតចរិយារបស់ភរិយានាយករដ្ឋមន្ត្រីថ្មីសិង្ហបុរី ដែលស្រគត់ស្រគំនិងយល់កាលៈទេសៈសំខាន់បំផុត។

ទោះយ៉ាងណាក៏ដោយ លោកស្រី Loo Tze Lui ត្រូវបានគេស្គាល់ថា លោកស្រីនិយមរក្សាជីវិតឯកជន ថ្វីដ្បិតតែទទួលបានភាពជោគជ័យជាសាធារណៈក៏ដោយ។ ជាពិសេស លោកស្រីកម្រនឹងបង្ហាញមុខក្នុងការបង្ហោះតាមប្រព័ន្ធផ្សព្វផ្សាយសង្គមរបស់ស្វាមី Lawrence Wong ខ្លាំងណាស់។ នេះក៏ព្រោះតែគាត់បានឲ្យតម្លៃលើភាពឯកជន និងចូលចិត្តនៅឲ្យឆ្ងាយពីបណ្ដាញសង្គម។

យ៉ាងណាមិញ អាពាហ៍ពិពាហ៍រវាងលោកនាយករដ្ឋមន្ត្រីថ្មីសិង្ហបុរី Lawrence Wong ជាមួយនឹងភរិយា Loo Tze Lui នេះគឺជាលើកទីពីរ ហើយសព្វថ្ងៃអ្នកទាំងពីរមិនមានកូននោះទេ។ ពីមុន លោករៀបការក្នុងវ័យ២០ឆ្នាំ ប៉ុន្តែដោយសារជីវិតគ្រួសារមិនចុះសម្រុង លោកក៏លែងលះជាមួយភរិយាទីមួយតែម្ដង៕