ព័ត៌មានអន្ដរជាតិ
មនុស្សរាប់ម៉ឺននាក់តវ៉ាប្រឆាំងនឹងកំណែទម្រង់សភា តៃវ៉ាន់
មនុស្សរាប់សិបនាក់បានដើរតាមដងផ្លូវជុំវិញសភាតៃវ៉ាន់ ដើម្បីធ្វើបាតុកម្មប្រឆាំងនឹងកំណែទម្រង់សភា បូករួមនឹងការតវ៉ាដោយកំហឹងជុំវិញការរយល់ឃើញរបស់ចិនលើឥទ្ធិពលលទ្ធិប្រជាធិបតេយ្យរបស់កោះនេះ ។ នេះបើយោងតាមការចេញផ្សាយរបស់សារពត៌មាន CNA កាលពីថ្ងៃទី២៦ ខែឧសភាកន្លងទៅ ។
ការប្រមូលផ្តុំគ្នានៅខាងក្រៅសភាកើតមានឡើងតែមួយថ្ងៃប៉ុណ្ណោះ បន្ទាប់ពីប្រទេសចិនដែលទាមទារតៃវ៉ាន់ជាទឹកដីរបស់ខ្លួនបានធ្វើសមយុទ្ធរយៈពេល ២ ថ្ងៃនៅជុំវិញកោះតៃវ៉ាន់ដើម្បីកំញើញប្រធានាធិបតីថ្មីលោក Lai Ching-te ដែលចិនចាត់ទុកថា ជនក្បត់ជាតិបំបែកខ្លួន ។
គណបក្សប្រឆាំងដ៏ធំរបស់កោះតៃវ៉ាន់ គឺ Kuomintang (KMT) ដែលគាំទ្រទំនាក់ទំនងជិតស្និទ្ធជាមួយប្រទេសចិនបាននិយាយថា ខ្លួនកំពុងព្យាយាមនាំមកនូវការទទួលខុសត្រូវបន្ថែមទៀតដល់រដ្ឋាភិបាល ដោយបានចោទប្រកាន់គណបក្សវឌ្ឍនភាពប្រជាធិបតេយ្យ (DPP) របស់លោក Lai ពីការព្យាយាមផ្សព្វផ្សាយពាក្យចចាមអារ៉ាម និងលាបពណ៌បក្សកុម្មុយនិស្តដែលកំពុងកាន់អំណាចរបស់ប្រទេសចិន ក្នុងគោលបំណងរារាំងកំណែទម្រង់ ។
គណបក្ស DPP កំពុងព្យាយាមបញ្ឈប់គណបក្សប្រឆាំងដែលរួមគ្នាមានអាសនៈភាគច្រើននៅក្នុងសភា ពីការបង្ខំតាមរយៈវិធានការផ្តល់ឲ្យសមាជិកសភាត្រួតពិនិត្យបន្ថែមទៀតលើរដ្ឋាភិបាល ។ កំណែទម្រង់នេះនឹងផ្តល់អំណាចដល់សមាជិកសភាក្នុងការស្នើសុំឲ្យយោធា ក្រុមហ៊ុនឯកជន ឬបុគ្គលនានាបញ្ចេញព័ត៌មានដែលចាត់ទុកថាពាក់ព័ន្ធនឹងសមាជិកសភា ខណៈកំណែទម្រង់នេះក៏មានការដាក់ទោសឧក្រិដ្ឋលើមន្ត្រីរដ្ឋាភិបាលដែលមើលងាយសមាជិកសភា និងធ្វើឲ្យបទល្មើសនេះត្រូវផ្តន្ទាទោសដាក់ពន្ធនាគារផងដែរ ។
គួរបញ្ជាក់ថា បាតុករភាគច្រើនជានិស្សិត ឬអ្នកជំនាញវ័យក្មេងបានកាន់បដាចោទប្រកាន់ក្រុមប្រឆាំងថា ព្យាយាមរំលោភលើកំណែទម្រង់នេះ ។ ទោះបីជាយ៉ាងណា ការតវ៉ានេះបានប្រព្រឹត្តទៅដោយសន្តិវិធី ពោលមិនមានការបង្ករហេតុណាមួយនោះទេ ៕
អត្ថបទ៖ ប៊ុន សុភាព
-
KPT+២៦ នាទី ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៥ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»