Connect with us

ព័ត៌មានអន្ដរជាតិ

តើលោក ត្រាំ អាចឈរឈ្មោះជាបេក្ខជនប្រធានាធិបតីបានទេ ក្រោយត្រូវកាត់ទោស?

បានផុស

នៅ

នៅថ្ងៃសុក្រទី៣១ខែឧសភា អតីតប្រធានាធិបតីអាមេរិក លោក ដូណាល់ ត្រាំ ត្រូវបានរកឃើញថាមានពិរុទ្ធ ពីបទក្លែងបន្លំកំណត់ត្រាអាជីវកម្មដើម្បីជួយដល់ការជាប់ឆ្នោតឆ្នាំ២០១៦ ហើយករណីនេះក៏ពាក់ព័ន្ធនឹងការចោទប្រកាន់ថា លោកបានបង់ប្រាក់បំបិទមាត់ដល់តារាសិច Stormy Daniels ផងដែរ។

អតីតប្រធានាធិបតីអាមេរិក លោក ដូណាល់ ត្រាំ (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាលក្រមនេះ ធ្វើឲ្យលោក ត្រាំ ក្លាយជាប្រធានាធិបតីអាមេរិកដំបូងគេ ដែលត្រូវបានកាត់ទោសពីបទល្មើសព្រហ្មទណ្ឌកម្រិតធ្ងន់។

ទាក់ទងនឹងករណីនេះដែរ មានសំណួរជាច្រើនសួរថាតើ ពេលត្រូវបានកាត់ទោសរួច តើលោក ត្រាំ អាចឈរឈ្មោះជាបេក្ខជនប្រធានាធិបតី ក្នុងការបោះឆ្នោតខែវិច្ឆិកាបានដែរឬទេ?

ចម្លើយគឺថា ពិតជាអាច! អាមេរិក មិនមានច្បាប់រារាំងបេក្ខជនដែលមានកំណត់ត្រាព្រហ្មទណ្ឌ ពីការឈរឈ្មោះបោះឆ្នោតឡើយ។

អតីតប្រធានាធិបតីអាមេរិក លោក ដូណាល់ ត្រាំ (រូបថត៖ AP)

តាមរដ្ឋធម្មនុញ្ញអាមេរិក លក្ខខណ្ឌដែលបេក្ខជនមានសិទ្ធិឈរឈ្មោះបោះឆ្នោតប្រធានាធិបតីបានគឺត្រូវតែជាបុគ្គលមានអាយុយ៉ាងតិច៣៥ឆ្នាំ, ជាពលរដ្ឋកើតនៅអាមេរិកផ្ទាល់តែម្តង និងរស់នៅសហរដ្ឋអាមេរិកយ៉ាងតិច១៤ឆ្នាំ។

ទោះបីជាយ៉ាងណាក៏ដោយ សាលក្រមនេះ ក៏ជះឥទ្ធិពលអវិជ្ជមានដល់លោក ត្រាំ ផងដែរ ព្រោះបើយាមការស្ទង់មតិពី Bloomberg និង Morning Consult កាលពីដើមឆ្នាំនេះបានរកឃើញថា ៥៣% នៃអ្នកបោះឆ្នោតនៅក្នុងរដ្ឋសំខាន់ៗ បានបដិសេធបោះឆ្នោតឲ្យគណបក្សសាធារណរដ្ឋ ប្រសិនបើលោក ត្រាំ ត្រូវបានកាត់ទោសមែន។

អតីតប្រធានាធិបតីអាមេរិក លោក ដូណាល់ ត្រាំ (រូបថត៖ Getty)

សូមបញ្ជាក់ថា មេធាវីសង្កាត់ Manhattan លោក Alvin Bragg នៅខាងគណបក្សប្រជាធិបតេយ្យ បានចោទប្រកាន់លោក ត្រាំ ជាមួយនឹងបទល្មើសព្រហ្មទណ្ឌចំនួន៣៤ករណី ដោយចោទថា អ្នកនយោបាយគណបក្សសាធារណរដ្ឋរូបនេះ ព្យាយាម លាក់បាំងព័ត៌មានខុសឆ្គងនិងសកម្មភាពខុសច្បាប់ពីប្រជាជនអាមេរិក មុននិងក្រោយការបោះឆ្នោតឆ្នាំ២០១៦។

ការចោទប្រកាន់ទាំង៣៤ករណីនេះ គឺសំដៅទៅលើវិក្កយបត្រចំនួន១១សន្លឹក, បង្កាន់ដៃ១២សន្លឹកនិងមូលប្បទានប័ត្រ១១សន្លឹក ដែលលោក ត្រាំ ផ្តល់ជូនអតីតមេធាវីរបស់គាត់ឈ្មោះ Michael Cohen ឲ្យប្រគល់ប្រាក់ ១៣០ ០០០ដុល្លារដើម្បីបំបិទមាត់តារាសិច Daniels ជុំវិញរឿងអាស្រូវផ្លូវភេទ ហើយដោយសាររឿងទាំងនេះហើយ ទើបលោកមេធាវី Bragg អះអាងថា វាស្មើនឹង “ការក្លែងបន្លំកំណត់ត្រាអាជីវកម្ម”៕

អត្ថបទ៖ សុខ សុវណ្ណ

ចុចអាន៖ លោក ត្រាំ ក្លាយជាប្រធានាធិបតីអាមេរិកដំបូងគេ ត្រូវបានកាត់ទោសពីបទឧក្រិដ្ឋធ្ងន់ធ្ងរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម