Connect with us

ព័ត៌មានអន្ដរជាតិ

ទីក្រុងមូស្គូ គំរាមសងសឹក ក្រោយអាមេរិក បើកដៃ ឲ្យអ៊ុយក្រែនប្រើអាវុធខ្លួន បាញ់ចូលដីរុស្ស៊ី

បានផុស

នៅ

ក្រោយពេលលោក ចូ បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដីរុស្ស៊ីបាន ស្រាប់តែលោក Andrei Kartapolov ប្រធានគណៈកម្មាធិការការពារជាតិនៃសភាជាន់ទាបរុស្ស៊ី បានចេញមុខគំរាមថា ទីក្រុងមូស្គូនឹងសងសឹកចាស់ដៃ បើអ៊ុយក្រែន ហ៊ានប្រើអាវុធដែលផ្តល់ដោយទីក្រុងវ៉ាស៊ីនតោន យកមកបាញ់ចូលដីរុស្ស៊ីមែន។

លោក Andrei Kartapolov (រូបថត៖ TASS)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ តាមការចុះផ្សាយរបស់កាសែត RIA Novosti នៅថ្ងៃព្រហស្បតិ៍ទី៣១ខែឧសភា លោក Kartapolov និយាយថា ការសម្រេចចិត្តរបស់លោក បៃដិន អនុញ្ញាតឲ្យទីក្រុងកៀវ ប្រើប្រាស់អាវុធអាមេរិកបាញ់ចូលដីរុស្ស៊ី នឹងមិនធ្វើឲ្យប៉ះពាល់ដល់ប្រតិបត្តិការយោធារបស់ទីក្រុងមូស្គូ នៅអ៊ុយក្រែនឡើយ។

ស្របពេលជាមួយគ្នានោះដែរ មន្ត្រីសន្តិសុខរុស្ស៊ីជាន់ខ្ពស់ លោក Dmitry Medvedev ក៏និយាយដែរថា រុស្ស៊ីមិនងាករេឡើយ នៅពេលនិយាយអំពីលទ្ធភាពនៃការប្រើប្រាស់អាវុធនុយក្លេអ៊ែរយុទ្ធសាស្ត្រប្រឆាំងនឹងអ៊ុយក្រែន ហើយថា ជម្លោះរបស់ខ្លួនជាមួយលោកខាងលិចអាចក្លាយជាសង្គ្រាមទ្រង់ទ្រាយធំតែម្តង។

លោក Dmitry Medvedev (រូបថត៖ WTAQ)

សូមបញ្ជាក់ថា មុននេះ លោក ចូ បៃដិន បានផ្តល់សិទ្ធិដល់អ៊ុយក្រែន ឲ្យប្រើអាវុធរបស់អាមេរិក យកទៅវាយប្រហារគោលដៅនានាក្នុងប្រទេសរុស្ស៊ីបាន ប៉ុន្តែគោលដៅទាំងនោះមិនមែននៅឆ្ងាយពេកទេ ពោលគឺត្រឹមកៀកៗតំបន់ Kharkiv បានហើយ។

មន្ត្រីដែលសុំមិនបញ្ចេញឈ្មោះ បានប្រាប់ BBC ថា ថ្មីៗនេះ លោកប្រធានាធិបតីបានបញ្ជាក្រុមរបស់គាត់ឲ្យធានាថា អ៊ុយក្រែនអាចប្រើប្រាស់អាវុធរបស់អាមេរិក សម្រាប់គោលបំណងប្រឆាំងការបាញ់ប្រហារនៅទីក្រុង Kharkiv បាន ដូច្នេះអ៊ុយក្រែន អាចវាយបកទៅលើកងកម្លាំងរុស្ស៊ីដែលវាយប្រហារពួកគេ ឬកំពុងត្រៀមមកវាយប្រហារពួកគេបាន។

(រូបថត៖ EPA)

មន្ត្រីដដែលបន្តថា “គោលនយោបាយរបស់យើងទាក់ទងនឹងការហាមប្រាមប្រើប្រាស់ប្រព័ន្ធមីស៊ីលយុទ្ធសាស្ត្រ ATACMS ឬការវាយប្រហារចូលជ្រៅទៅក្នុងប្រទេសរុស្ស៊ី នៅតែមិនផ្លាស់ប្តូរដដែល ប៉ុន្តែពួកគេអាចបាញ់ទម្លាក់យន្តហោះរបស់លោក ពូទីន នៅលើដីរុស្ស៊ី ដែលកំពុងហោះមកក្នុងគោលបំណងបាញ់ពួកគេ”។

ទោះបីជាយ៉ាងណាក៏ដោយ សេតវិមាននិងក្រសួងការបរទេសអាមេរិក មិនទាន់ចេញបកស្រាយអ្វីឡើយ ពាក់ព័ន្ធរឿងនេះ៕

អត្ថបទ៖ សុខ សុវណ្ណ

ចុចអាន៖ លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦០ នាទី មុន

កម្ពុជា កំណត់យកម៉ោង ៩:០៩នាទីព្រឹក សម្រាប់ទូងស្គរ បើកការដ្ឋានព្រែកជីកហ្វូណនតេជោ

ព័ត៌មានជាតិ២ ម៉ោង មុន

នាយករដ្ឋមន្ត្រី បញ្ជាឱ្យក្រសួងកសិកម្ម និងអាជ្ញាធរពាក់ព័ន្ធចុះអន្តរាគមន៍សត្វល្អិតចង្រៃបំផ្លាញដំណាំកសិករ

ព័ត៌មានជាតិ២ ម៉ោង មុន

កម្ពុជា ​បញ្ជូនទ័ពមួកខៀវ ២៤៤នាក់ ទៅអាហ្រ្វិកកណ្តាល ក្នុងបេសកកម្មថែរក្សាសន្តិភាពពិភព​លោក

ព័ត៌មានអន្ដរជាតិ២ ម៉ោង មុន

ឥណ្ឌូណេស៊ី បើក​ការ​ស៊ើប​អង្កេត​លើ​បុគ្គល​រដ្ឋ​៦​នាក់ ជុំវិញ​រឿង​លួច​ផលិត​មាស​ជាង​១០០​តោន

ព័ត៌មានជាតិ២ ម៉ោង មុន

សម្ដេច ហ៊ុន ម៉ាណែត រំពឹងថា រដ្ឋាភិបាលអាណត្តិទី៧ នឹងបញ្ចប់ឆ្នាំដំបូងរបស់ខ្លួនប្រកបដោយជោគជ័យ

ព័ត៌មានជាតិ៩ ម៉ោង មុន

កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ

សន្តិសុខសង្គម២៤ ម៉ោង មុន

ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ

ព័ត៌មានជាតិ២២ ម៉ោង មុន

លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»

សន្តិសុខសង្គម៥ ម៉ោង មុន

អាជ្ញាធរខណ្ឌប្ញស្សីកែវចុះស្ដារព្រែកអូវែងក្រោយមានភ្លៀងធ្លាក់២ថ្ងៃជាប់គ្នា

ព័ត៌មានជាតិ២២ ម៉ោង មុន

ជើងទី១ Air Asia Malaysia ដឹកភ្ញៀវ១៤០នាក់ ពីកូឡាឡាំពួរ មកចុះចតនៅព្រលានយន្តហោះអន្តរជាតិព្រះសីហនុ

Sokha Hotels

ព័ត៌មានពេញនិយម