ព័ត៌មានអន្ដរជាតិ

លោក Modi ហោះទៅរុស្ស៊ី ដើម្បីរឹតបន្តឹងចំណងមិត្តភាព មិនខ្លាចរអាលោកខាងលិច

បានផុស

២ years មុន

នៅ

ថ្ងៃចន្ទ ៨ កក្កដា ២០២៤

ដោយ

Chheang

នាយករដ្ឋមន្ត្រីឥណ្ឌា លោក Narendra Modi នឹងធ្វើទស្សនកិច្ចជាលើកដំបូងក្នុងទីក្រុងមូស្គូនៅថ្ងៃច័ន្ទទី៨ ខែកក្កដា ឆ្នាំ២០២៤នេះ គិតចាប់តាំងពីរុស្ស៊ីបានធ្វើសង្គ្រាមឈ្លានពានអ៊ុយក្រែន។ អ្នកជំនាញជឿជាក់ថា ដំណើរទស្សនកិច្ចនេះមានគោលបំណងធ្វើឲ្យទំនាក់ទំនងទ្វេភាគីរវាងប្រទេសទាំង២កាន់តែស៊ីជម្រៅ ព្រមទាំងជំរុញទំនាក់ទំនងសេដ្ឋកិច្ច និងពាណិជ្ជកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥណ្ឌា គឺជាដៃគូដ៏យូរអង្វែងរបស់រុស្ស៊ី ហើយរដ្ឋាភិបាលក្រុងញូវដែលី បានព្យាយាមបន្តទំនាក់ទំនងរបស់ខ្លួនជាមួយទីក្រុងមូស្គូ បើទោះបីជាសហរដ្ឋអាមេរិក និងប្រទេសលោកខាងលិច ជំរុញឲ្យប្រទេសនានាកាត់ផ្តាច់ទំនាក់ទំនងជាមួយរុស្ស៊ី ដោយគំរាមកំហែងដាក់ទណ្ឌកម្មសម្រាប់ទំនាក់ទំនងពាណិជ្ជកម្មក្នុងវិស័យមួយចំនួនក៏ដោយ។

ដំណើរទស្សនកិច្ចរយៈពេល២ថ្ងៃរបស់លោក Modi ធ្វើឡើងតបតាមការអញ្ជើញរបស់ប្រធានាធិបតីរុស្ស៊ី លោក វ៉្លាឌឺមៀរ ពូទីន សម្រាប់កិច្ចប្រជុំកំពូលប្រចាំឆ្នាំរុស្ស៊ី-ឥណ្ឌាលើកទី២២ ដែលជាយន្តការសន្ទនាខ្ពស់បំផុតក្នុងភាពជាដៃគូរវាងប្រជាជាតិទាំង២។ នេះក៏ជាដំណើរទស្សនកិច្ចបរទេសលើកដំបូងរបស់លោក Modi ចាប់តាំងពីជាប់ឆ្នោតជានាយករដ្ឋមន្ត្រីឥណ្ឌាជាលើកទី៣ កាលពីខែមិថុនាកន្លងទៅ។

ក្រសួងកិច្ចការបរទេសឥណ្ឌា បាននិយាយថា លោក Modi និងលោក ពូទីន នឹងពិនិត្យឡើងវិញនូវទំនាក់ទំនងពហុវិស័យ និងផ្លាស់ប្តូរទស្សនៈស្តីពីបញ្ហាតំបន់ និងសកលនាពេលបច្ចុប្បន្ន ដែលជាប់ពាក់ព័ន្ធនឹងប្រទេសទាំង២។

ទស្សនកិច្ចចុងក្រោយរបស់លោក Modi នៅទីក្រុងមូស្គូ ធ្វើឡើងកាលពីឆ្នាំ២០១៩ ចំណែកឯទស្សនកិច្ចចុងក្រោយរបស់លោក ពូទីន នៅទីក្រុងញូវដែលី គឺនៅក្នុងឆ្នាំ២០២១។ ប៉ុន្តែមេដឹកនាំទាំង២ បានជួបគ្នាជាច្រើនដងរួចមកហើយនៅក្នុងកិច្ចប្រជុំកំពូលអន្តរជាតិមួយចំនួន ក៏ដូចជាតាមរយៈការហៅទូរស័ព្ទ។

សូមបញ្ជាក់ថា រដ្ឋាភិបាលក្រុងញូវដែលី បានបដិសេធមិនថ្កោលទោសចំពោះការលុកលុយរបស់ទីក្រុងមូស្គូលើអ៊ុយក្រែននោះទេ និងបានបដិសេធម្តងហើយម្តងទៀតពីការបោះឆ្នោតលើដំណោះស្រាយដែលគាំទ្រដោយលោកខាងលិចនៅអង្គការសហប្រជាជាតិ ចាប់តាំងពីសង្គ្រាមបានផ្ទុះឡើងក្នុងខែកុម្ភៈ ឆ្នាំ២០២២៕

ដោយ៖ ឈាង

Related Topics:ប្រទេសរុស្ស៊ី ប្រទេសឥណ្ឌា

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា