អ្នកលក់ត្រីនៅ ចិន បង្អួតក្បាលពោះ៦កង់ ក្នុងវ័យ៥០ឆ្នាំ តែមិនធ្លាប់ហាត់ប្រាណម្ដងឡើយ

ដើមឡើយគាត់ធ្វើការជាអ្នកលក់ត្រីនៅផ្សារទេ ប៉ុន្តែបុរសវ័យ ៥០ ឆ្នាំរូបនេះស្រាប់តែបង្ហាញនូវការភ្ញាក់ផ្អើលនៅលើបណ្តាញសង្គមចិន ដោយសារតែសាច់ដុំនិងក្បាលពោះ ៦ កង់របស់គាត់ ទោះបីជាគាត់មិនដែលទៅកន្លែងហាត់ប្រាណក៏ដោយ។

លោក Chau កំពុងធ្វើការជាអ្នកលក់ត្រីនៅផ្សារមួយក្នុងខេត្ត Zhejiang ប្រទេសចិន។ ពេល​គាត់​មាន​អាយុ​២០​ឆ្នាំ គាត់​ធ្លាប់​ចូល​ចិត្ត​ធ្វើ​ចលនា​រុញរទះត្រី ប៉ុន្តែ​ពេល​គាត់​ចាស់​គាត់​ឈប់​ធ្វើ។ នៅក្នុងឆ្នាំ ២០២២ បុរសដដែលនេះបានចាប់ផ្តើមធ្វើលំហាត់ប្រាណម្តងទៀត ជាមួយនឹងគោលដៅហ្វឹកហាត់ឆន្ទៈរបស់គាត់។

ជាការពិតណាស់ ឧបករណ៍ហាត់ប្រាណត្រូវបានដំឡើងជាទូទៅនៅតាមទីសាធារណៈ និងតំបន់លំនៅដ្ឋានក្នុងប្រទេសចិនសម្រាប់ប្រជាជនប្រើប្រាស់ដោយឥតគិតថ្លៃ។ លោកបានឆ្លៀត​យក​ប្រយោជន៍​ពី​ឧបករណ៍​ទាំង​នេះ ដោយ​ហាត់​នៅ​ពេល​អាហារ​ថ្ងៃត្រង់​ជា​រៀង​រាល់​ថ្ងៃ​នៃ​សប្តាហ៍​លុះ​ត្រា​តែ​មាន​ភ្លៀង។ ខ្លួនគាត់មានការភ្ញាក់ផ្អើលជាខ្លាំង នៅពេលដែលបានរកឃើញសមត្ថភាពរបស់គាត់ក្នុងការធ្វើលំហាត់ប្រាណ ហើយឃើញថាវាងាយស្រួលណាស់។

បុរសវ័យ ៥០ ឆ្នាំរូបនេះបាននិយាយថា គាត់មិនចាំបាច់ប្រឹងប្រែងធ្វើចលនាពិបាកៗដូចជាការរុញ ហើយងាយស្រួលអនុវត្តការទាញឡើង ដែលបង្កើតឡើងដោយមេអ្នកហាត់ប្រាណតាមដងផ្លូវ របស់ជនជាតិអាមេរិក Hannibal For King។

លើសពីនេះដែរ លោកបាននិយាយបន្ថែមទៀតថា យុវជន​មួយ​ចំនួន​បាន​ព្យាយាម​អនុវត្ត​តាម​ផ្លូវ​របស់​គាត់​ តែ​មិន​បាន​ជោគជ័យ។ គាត់កើតមកមានដៃ និងម្រាមដៃដ៏រឹងមាំ “វា​មិន​គួរ​ឲ្យ​ជឿ​ទេ​ ដែល​ខ្ញុំ​អាច​ឈាន​ដល់​កម្រិត​បែប​នេះ​ក្នុង​វ័យ​របស់​ខ្ញុំ”។

ទោះបីជាយ៉ាងណាក៏ដោយ Chau មិនបានរៀបរាប់លម្អិតអំពីរបបអាហាររបស់គាត់ទេ ប៉ុន្តែមនុស្សជាច្រើនជឿថា ដើម្បីមានកម្លាំងរាងកាយបែបនេះ គាត់ត្រូវតែញ៉ាំប្រូតេអ៊ីនច្រើន ដែលជាធាតុផ្សំសំខាន់ដែលជួយដល់ការលូតលាស់សាច់ដុំ និងកម្លាំង។

នៅលើបណ្ដាញសង្គមអ៉ិនធើណេតចិនបានផ្តល់ការសរសើរជាច្រើនដល់អ្នកលក់ត្រីវ័យកណ្តាលម្នាក់នេះថា គាត់មានអាយុ ៥០ ឆ្នាំ ប៉ុន្តែមានរាងកាយដូចបុរសអាយុ ២០ ឆ្នាំ ។ គាត់បង្ហាញថា គ្រប់គ្នាមិនចាំបាច់ទៅកន្លែងហាត់ប្រាណដើម្បីមានសុខភាពល្អទេ សូម្បីតែឧបករណ៍ឥតគិតថ្លៃនៅឧទ្យានក៏អាចធ្វើបាន ប្រសិនបើអ្នកមានឆន្ទៈ។ សព្វថ្ងៃនេះមនុស្សវ័យកណ្តាល និងក្មេងៗមានម្លាំងមាំមួន​តែបែរតំអូញហើយខ្ចិលទៅវិញ។

យ៉ាងណាមិញ សម្រាប់​មនុស្សវ័យកណ្តាល និងវ័យចំណាស់ដែលមានកម្លាំងកាយល្អ អាចធ្វើឲ្យមានការចាប់អារម្មណ៍យ៉ាងខ្លាំងនៅលើបណ្តាញសង្គមចិន។ នៅឆ្នាំ ២០២៣ ស្ត្រីអាយុ ៧៨ ឆ្នាំម្នាក់ដែលមាននាមត្រកូល Bai នៅទីក្រុង Tianjin មានភាពល្បីល្បាញដោយសាររឿងរបស់នាងចាប់ផ្តើមហាត់ប្រាណនៅអាយុ ៦០ ឆ្នាំ។ មុននោះ នាងបានឆ្លងកាត់ការវះកាត់មហារីកចំនួន ៣ដង ដែលធ្វើឲ្យនាងដឹងពីសារៈសំខាន់នៃសុខភាព និងកាយសម្បទា។ .

ដោយឡែក ក្នុងឆ្នាំ ២០១៨ បុរសអាយុ ៥៣ ឆ្នាំម្នាក់​ បានបង្កឲ្យមានការភ្ញាក់ផ្អើលដោយសារតែគាត់ចំណាយពេលត្រឹមតែ ៦ ខែដើម្បីបង្វែរក្បាលពោះរបស់គាត់ទៅជា ៦កង់។ គាត់​ធ្លាប់​រស់នៅ​មិន​សុខ​ស្រួល ហើយ​ដួល​នៅ​កណ្តាល​ផ្លូវ ដោយសារ​រាងកាយ​ដ៏​ធំ​។ មួយសន្ទុះក្រោយមក គាត់ក៏ចាប់ផ្តើមរត់លេង ហើយបន្តទៅហាត់ប្រាណនៅកន្លែងហាត់ប្រាណដល់សព្វថ្ងៃ៕

អត្ថបទ៖ សាង  ស្រីល័ក្ខ

ចុចអាន៖អ្នកផាត់មុខចិនម្នាក់ ប្រែលោកតាវ័យ៦៦ឆ្នាំ ទៅជាបុរសសង្ហា ផ្អើលអ្នកគាំទ្រសឹងមិនជឿទឹកដៃ