វេជ្ជបណ្ឌិត តៃវ៉ាន់ ម្នាក់ ប្រាប់បទពិសោធន៍​រងជំងឺមហារីក ព្រោះតែទម្លាប់ទទួលទានអាហារប្រចាំថ្ងៃ

អ្នកឯកទេសជំងឺបេះដូងនៅតៃវ៉ាន់ លោក Chen Weihua ត្រូវបានគេធ្វើរោគវិនិច្ឆ័យថា មានជំងឺមហារីកឆ្អឹងជាលើកដំបូង នៅពេលគាត់មានអាយុ ៣២ ឆ្នាំ។ បន្ទាប់មក​ ទើបរកឃើញថាមាន​ជំងឺ​មហារីក​ក្រលៀន​ ដោយសារ​មាន​សញ្ញា​នៃ​ការ​ឈឺ​ខ្នង​។ ក្រោយមក ទើបរកឃើញដុំរឹងមួយនៅក​ ទាក់ទិននឹងជំងឺមហារីកក្រពេញទីរ៉ូអ៊ីត។

បន្ទាប់ពីធ្វើការស្កេន CT ជាច្រើន វេជ្ជបណ្ឌិតបានរកឃើញថា គាត់មានជំងឺមហារីកឈាម lymphocytic រ៉ាំរ៉ៃ ដែលជាក្រុមនៃជំងឺសាហាវនៃឈាម និងខួរឆ្អឹង ទាំងអស់ត្រូវបានរកឃើញក្នុងរយៈពេល ១៥ ឆ្នាំ។ លោកជឿជាក់ថា មូលហេតុនៃជំងឺមហារីក អាចទាក់ទងនឹងទម្លាប់រស់នៅរបស់គាត់តាំងពីក្មេងមកម្ល៉េះ។ នៅពេលនោះគាត់តែងតែផឹកភេសជ្ជៈជំនួសទឹកធម្មតា ក៏ដូចជាអាហារបំពង អាហារខ្លាញ់ និងប្រៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនឹងនោះ ក្នុងអំឡុងពេលនៃការសិក្សា និងការងារផ្នែកវេជ្ជសាស្ត្រ ដោយសារតែមមាញឹក និងសម្ពាធការងារខ្ពស់ លោកវេជ្ជបណ្ឌិតតែងតែគេងមិនលក់រាល់យប់ រហូតធ្លាក់ក្នុងស្ថានភាពគេងមិនលក់ជាប្រចាំ។ មិនត្រឹមតែប៉ុណ្ណោះ នៅពេលដែលគាត់ស្ត្រេស គាត់តែងតែញ៉ាំផ្អែមច្រើន និងជក់បារីពីរកញ្ចប់ក្នុងមួយថ្ងៃ។ វាមកពីទម្លាប់ទាំងនេះដែលគាត់បានជួបប្រទះបញ្ហារាងកាយជាច្រើន។

លោកវេជ្ជបណ្ឌិតតៃវ៉ាន់រូបនេះបាននិយាយបន្ថែមទៀតថា ដ្បិតថានាពេលនេះលោករស់នៅជាមួយជំងឺមហារីកក៏ដោយ ប៉ុន្តែអ្វីៗបានប្រសើរឡើងច្រើន ដោយសារការព្យាបាលសកម្ម ក៏ដូចជាការព្យាយាមផ្លាស់ប្តូរទម្លាប់រស់នៅ និងការសម្រួលអារម្មណ៍ឲ្យកាន់តែប្រសើរឡើង។

ទោះយ៉ាងណា តាមរយៈបទពិសោធន៍នៃការទទួលទានអាហារប្រចាំថ្ងៃរបស់លោកវេជ្ជបណ្ឌិតតៃវ៉ាន់ Chen Weihua បានធ្វើឲ្យមនុស្សជាច្រើនមានការភ្ញាក់ផ្អើលយ៉ាងខ្លាំង។ សឹងតែមិនជឿថាការទទួលទានអាហារធម្មតាៗសោះ តែអាចធ្វើឲ្យយើងកើតជំងឺមហារីកបានយ៉ាងងាយ។ ដូចនេះដើម្បីរក្សាសុខភាពឲ្យមាំទាំយើងក៏គួរចៀសវាងអាហារដុត, ចៀន និងសាច់ក្រហម ឬអាហារកែច្នៃជ្រុលជាប្រចាំ។​ ជាពិសេសសូម្បីតែ អាហារផ្អែមផ្សេងទៀតក៏រងនូវហានិភ័យដែរ។​ មិនត្រឹមប៉ុណ្ណឹងទេ ការចូលចិត្តជក់បារី និងផឹកស្រាក៏ជាបញ្ហាដែលយើងគួរចៀសឲ្យបានដូចគ្នា៕

អត្ថបទ៖ សាង ស្រីល័ក្ខ

ចុចអាន៖គ្រូពេទ្យ​អាមេរិកម្នាក់ ព្រមានពី​​រោគសញ្ញាលើ​ស្បែក​មួយ​ប្រភេទ ​មានឱកាសកើត​មហារីក