ព័ត៌មានអន្ដរជាតិ
ចិន ថា បទឈប់បាញ់ឆាប់រហ័សនៅហ្គាហ្សាជាកូនសោដោះស្រាយភាពតានតឹងក្នុងតំបន់
បទឈប់បាញ់ឆាប់រហ័ស និងការបញ្ចប់សង្គ្រាមនៅក្នុងតំបន់ហ្គាហ្សា គឺជាកូនសោដែលអាចដោះស្រាយភាពតានតឹងនៅក្នុងតំបន់។ នេះជាការលើកឡើងរបស់លោក ស៊ី ជីនពីង ប្រធានាធិបតីចិន ក្នុងជំនួបជាមួយលោក Masoud Pezeshkian ប្រធានាធិបតីអ៊ីរ៉ង់ អំឡុងពេលកិច្ចប្រជុំកំពូល BRICS នៅប្រទេសរុស្ស៊ី កាលពីថ្ងៃទី២៣ខែតុលា។
ការអត្ថាធិប្បាយនេះ ត្រូវបានធ្វើឡើងក្នុងពេលដែលប្រទេសជុំវិញពិភពលោកកំពុងអំពាវនាវឲ្យមានបទឈប់បាញ់នៅហ្គាហ្សា ដោយក្នុងនោះរដ្ឋមន្ត្រីការបរទេសអាមេរិក លោក Antony Blinken កាលពីថ្ងៃទី២៣ខែតុលាបានជំរុញឲ្យបញ្ឈប់ការប្រយុទ្ធគ្នានៅតំបន់ហ្គាហ្សា និងដំណោះស្រាយការទូតចំពោះជម្លោះនៅលីបង់។
ក្រៅតែនិយាយពីបញ្ហាសង្គ្រាមនៅហ្គាហ្សា លោក ស៊ី ជីនពីង បានប្រាប់ថា រដ្ឋាភិបាលក្រុងប៉េកាំង នឹងបង្កើនកិច្ចសហប្រតិបត្តិការមិត្តភាពឥតងាករេជាមួយក្រុងតេហេរ៉ង់ បើទោះជាស្ថានភាពក្នុងតំបន់ និងអន្តរជាតិកំពុងផ្លាស់ប្ដូរក៏ដោយ។ មេដឹកនាំចិន បានបន្ថែមថា អ៊ីរ៉ង់ជាប្រទេសមួយដែលមានឥទ្ធិពលក្នុងតំបន់ និងអន្តរជាតិដ៏សំខាន់ ហើយនិងជាមិត្ត ក៏ដូចជាដៃគូដ៏ល្អរបស់ចិន។
លោក ស៊ី បានបន្តទៀតថា ភាគីចិនគាំទ្រអ៊ីរ៉ង់ក្នុងការការពារអធិបតេយ្យភាពជាតិ សន្តិសុខ និងសេចក្តីថ្លៃថ្នូររបស់ជាតិ ជំរុញការអភិវឌ្ឍសេដ្ឋកិច្ច និងសង្គមរបស់ខ្លួនយ៉ាងខ្ជាប់ខ្ជួន ព្រមទាំងធ្វើឲ្យប្រសើរឡើង និងស៊ីជម្រៅនូវទំនាក់ទំនងល្អ និងមិត្តភាពជាមួយប្រទេសជិតខាង៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៤ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា២ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៣ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ៤ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា២ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ២ ថ្ងៃ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ
-
ព័ត៌មានជាតិ៥ ថ្ងៃ agoកូរ៉េខាងត្បូង ស្នើឲ្យ កម្ពុជា ធ្វើម្ចាស់ផ្ទះសន្និសីទ ICPC លើកទី ២