ព័ត៌មានអន្ដរជាតិ
លោក គីម៖ អាមេរិក ជាអ្នកអុជអាលឲ្យឈានដល់ការផ្ទុះសង្គ្រាមនុយក្លេអ៊ែរ
មេដឹកនាំកូរ៉េខាងជើង លោក គីម ជុងអ៊ុន បានចោទប្រកាន់សហរដ្ឋអាមេរិក ថាបានបង្កើនភាពតានតឹង និងការបង្ករឿងកាន់ច្រើន ហើយគ្មានពេលណាណាដូចជាពេលឥលូវនេះទេដែលឧបទ្វីបកូរ៉េ ប្រឈមនឹងហានិភ័យនៃការកើតមានសង្គ្រាមនុយក្លេអ៊ែរ។ នេះបើយោងតាមការចុះផ្សាយរបស់ទីភ្នាក់ងារព័ត៌មានរដ្ឋ KCNA នៅថ្ងៃទី២២ខែវិច្ឆិកាឆ្នាំ២០២៤។
នៅសុន្ទរកថាក្នុងកម្មវិធីពិព័រណ៍យោធានៅរដ្ឋធានីព្យុងយ៉ាងកាលពីថ្ងៃព្រហស្បតិ៍ លោក គីម បាននិយាយថា បទពិសោធន៍ចរចាពីមុនៗជាមួយអាមេរិក បានត្រឹមបង្ហាញពីគោលនយោបាយឈ្លានពាន និងអរិភាពប្រឆាំងនឹងរដ្ឋាភិបាលកូរ៉េខាងជើងតែប៉ុណ្ណោះ។
មេដឹកនាំកូរ៉េខាងជើងវ័យ៤០ឆ្នាំ បានបន្តថា៖ «មិនធ្លាប់ទាល់តែសោះដែលភាគីសង្គ្រាមនៅលើឧបទ្វីបកូរ៉េ ពើបប្រទះនឹងគ្រោះថ្នាក់ និងការប្រឈមមុខបែបនេះ ដែលវាអាចឈានទៅជាសង្គ្រាមនុយក្លេអ៊ែរដ៏បំផ្លិចបំផ្លាញបំផុត។ យើងធ្លាប់ព្យាយាមអស់ពីសមត្ថភាពក្នុងការចរចាជាមួយសហរដ្ឋអាមេរិក ប៉ុន្តែអ្វីដែលយើងដឹងច្បាស់ពីលទ្ធផលគឺមិនមែនជាឆន្ទៈរបស់មហាអំណាចក្នុងការរួមរស់ជាមួយគ្នានោះទេ ប៉ុន្តែជាជំហរដ៏ហ្មត់ចត់នៃអំណាច និងគោលនយោបាយឈ្លានពាន និងអរិភាពចំពោះយើង ដែលមិនអាចផ្លាស់ប្តូរបាន»។
ទន្ទឹមនោះ លោក គីម ក៏បានអំពាវនាវឲ្យមានការអភិវឌ្ឍ និងទំនើបកម្មលើសព្វាវុធកូរ៉េខាងជើង និងបានប្ដេជ្ញាបន្តបង្កើនសមត្ថភាពការពារខ្លួន ដើម្បីតតាំងនឹងសត្រូវរបស់ក្រុងព្យុងយ៉ាង៕
ដោយ៖ ឈាង
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន