Connect with us

ព័ត៌មានអន្ដរជាតិ

ពូទីន៖ កងទ័ពរុស្ស៊ីប្រយុទ្ធនៅសមរភូមិជាមួយអ៊ុយក្រែន គឺដើម្បី យុត្តិធម៌

បានផុស

នៅ

ក្នុងទិវាអ្នកការពារមាតុភូមិកាលពីថ្ងៃអាទិត្យទី២៣ខែកុម្ភៈឆ្នាំ២០២៥ ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានជួបជាមួយឥស្សរជនក្នុងជួរកងទ័ព ហើយបានកោតសរសើរមិនដាច់ពីមាត់ចំពោះវីរភាពដ៏អង់អាចរបស់ពលទាហាន នៅសមរភូមិ ដោយបញ្ជាក់ថា ពួកគេកំពុងប្រយុទ្ធដើម្បីយុត្តិធម៌និងអនាគតរបស់ប្រទេសរុស្ស៊ី។

លោក ពូទីន ជួបជាមួយឥស្សរជនក្នុងជួរកងទ័ពរុស្ស៊ី (រូបថត៖ Sputnik)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, ក្នុងឱកាសនោះ មេដឹកនាំរុស្ស៊ីថ្លែងថា «អ្នកចូលរួមប្រតិបត្តិការយោធាពិសេសនៅអ៊ុយក្រែន គឺជាអ្នកការពារកេរដំណែលដ៏រុងរឿងរបស់ដូនតាយើង។ ពួកគេបង្ហាញភាពក្លាហាន ការពារប្រទេសរុស្ស៊ី និងតស៊ូដើម្បីការពិត យុត្តិធម៌ សន្តិភាព និងអនាគតរបស់ប្រជាជនយើង»។

ការអបអរទិវានេះកើតឡើងចំពេលរុស្ស៊ី បើកការវាយប្រហារដោយយន្តហោះគ្មានមនុស្សបើក (ដ្រូន) ​ជាទ្រង់ទ្រាយធំបំផុតមិនធ្លាប់មានសោះចាប់តាំងពីសង្គ្រាមជាមួយអ៊ុយក្រែន ផ្ទុះឡើងកាលពី៣ឆ្នាំមុន។

លោក ពូទីន ជួបជាមួយឥស្សរជនក្នុងជួរកងទ័ពរុស្ស៊ី (រូបថត៖ AP)

សារព័ត៌មាន Kyiv Independent រាយការណ៍ថា រុស្ស៊ីបានបញ្ជូនយន្តហោះគ្មានមនុស្សបើកចំនួន២៦៧គ្រឿង វាយប្រហារទូទាំងប្រទេសអ៊ុយក្រែន កាលពីរាត្រីថ្ងៃអាទិត្យ ប៉ុន្តែខែលការពារដែនអាកាស បាញ់ទម្លាក់បានត្រឹម១៣៨គ្រឿងប៉ុណ្ណោះ។

ទោះបីជាយ៉ាងណាក៏ដោយ មិនមាននរណាម្នាក់បាត់បង់ជីវិតឡើយ ប៉ុន្តែមានមនុស្សរងរបួសចំនួន៣នាក់។

ការវាយប្រហារដោយយន្តហោះគ្មានមនុស្សបើករបស់រុស្ស៊ី លើអ៊ុយក្រែន (រូបថត៖ Reuters)

មិនមែនតែយន្តហោះ​គ្មាន​មនុស្ស​បើកទេ ​រុស្ស៊ី​ក៏​​បាញ់​មីស៊ីលស្រោចលើ​អ៊ុយក្រែន​ដែរ ខណៈការវាយប្រហារធ្ងន់ធ្ងរបំផុត បានកើតឡើងនៅក្នុងទីក្រុង Kryvyi Rih នៃតំបន់ Dnipropetrovsk។

ការវាយប្រហារនោះធ្វើឲ្យខូចខាតសំណង់ហេដ្ឋារចនាសម្ព័ន្ធស៊ីវិលរបស់ទីក្រុងយ៉ាងដំណំ រួមទាំងអគារផ្ទះល្វែងចំនួន១២កន្លែង មណ្ឌលចាស់ជរានិងព្រះវិហារមួយផងដែរ៕

អត្ថបទ៖ សុខ សុវណ្ណ

ចុចអាន៖ រ៉យទ័រ៖ រុស្ស៊ី​អាចយល់ព្រម​​យក​លុយ​ដែល​បង្កក​ ៣០០​ពាន់​លាន​ដុល្លារ​ទៅ​ដោះស្រាយ​សង្គ្រាម​នៅ​អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ១៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៨ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ១៩ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម