ព័ត៌មានអន្ដរជាតិ
ត្រាំ បញ្ជាឲ្យអ៊ីស្រាអែលត្រៀមទ័ពប្រយុទ្ធ បើកិច្ចចរចានុយក្លេអ៊ែរជាមួយអ៊ីរ៉ង់មិនជោគជ័យ
ប្រធានាធិបតីអាមេរិក លោក ដូណាល់ ត្រាំ បាននិយាយថា អ៊ីស្រាអែលនឹងត្រូវដឹកនាំសកម្មភាពយោធាប្រឆាំងនឹងអ៊ីរ៉ង់ បើការចរចាបរាជ័យក្នុងការរុះរើកម្មវិធីអាវុធនុយក្លេអ៊ែររបស់ទីក្រុងតេហេរ៉ង់។
ថ្លែងនៅមុនកិច្ចពិភាក្សាដែលបានគ្រោងទុករវាងមន្ត្រីអាមេរិកនិងអ៊ីរ៉ង់ក្នុងប្រទេសអូម៉ង់ លោក ត្រាំ បានលើកឡើងកាលពីថ្ងៃទី៩ខែមេសាថា៖ «បើវាត្រូវការយោធា យើងនឹងមានយោធា។ អ៊ីស្រាអែលច្បាស់ជានឹងចូលរួមយ៉ាងច្រើនក្នុងរឿងនេះ។ ពួកគេនឹងក្លាយជាអ្នកដឹកនាំ»។
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានសម្តែងការយល់ស្របទៅនឹងជំហររបស់លោក ត្រាំ ដោយបានរំលឹកឡើងវិញនូវការប្រឆាំងដ៏យូរអង្វែងរបស់អ៊ីស្រាអែលចំពោះអ៊ីរ៉ង់ដែលមានអាវុធនុយក្លេអ៊ែរ។ លោក ណេតាន់យ៉ាហ៊ូ បានស្នើឲ្យមានការគាំទ្រចំពោះដំណោះស្រាយការទូតដែលស្រដៀងនឹងកិច្ចព្រមព្រៀងរំសាយអាវុធនុយក្លេអ៊ែរឆ្នាំ២០០៣របស់លីប៊ី។
ថ្មីៗនេះអាមេរិកបានដាក់ទណ្ឌកម្មយ៉ាងចាស់ដៃឡើងវិញលើប្រទេសអ៊ីរ៉ង់ និងដាក់ពង្រាយកងកម្លាំងជាយុទ្ធសាស្ត្រនៅក្នុងតំបន់មជ្ឈិមបូព៌ា។ អាមេរិកកំពុងសម្ដែងការព្រួយបារម្ភជាខ្លាំងដែលថា អ៊ីរ៉់ង់ជិតសម្រេចនូវការផលិតអាវុធនុយក្លេអ៊ែររបស់ខ្លួនហើយ។
សូមរឭកថា អាមេរិក និងអ៊ីរ៉ង់ធ្លាប់ធ្វើកិច្ចព្រមព្រៀងនុយក្លេអ៊ែរអន្តរជាតិកាលពីឆ្នាំ២០១៥អំឡុងពេលលោក Barack Obama ធ្វើជាប្រធានាធិបតីអាមេរិក ដែលបានរឹតបន្តឹងកម្មវិធីនុយក្លេអ៊ែររបស់អ៊ីរ៉ង់ជាថ្នូរនឹងការដកទណ្ឌកម្ម។ ប៉ុន្តែលោក ត្រាំ បានដកសហរដ្ឋអាមេរិកជាឯកតោភាគីចេញពីកិច្ចព្រមព្រៀងនុយក្លេអ៊ែរក្នុងឆ្នាំ២០១៨ ដោយហៅវាថាជា «កិច្ចព្រមព្រៀងដ៏អាក្រក់បំផុតមិនធ្លាប់មាន»។
លុះដល់អាណត្តិរបស់លោក ចូ បៃដិន អ៊ីរ៉ង់និងអាមេរិកបានធ្វើការចរចាដោយប្រយោលនៅទីក្រុងវីយែនប្រទេសអូស្ត្រាលីក្នុងឆ្នាំ២០២១ ក្នុងគោលបំណងស្តារឡើងវិញនូវកិច្ចព្រមព្រៀងនុយក្លេអ៊ែរ។ យ៉ាងណាមិញ កិច្ចពិភាក្សានោះ មិនបានឈានដល់កិច្ចព្រមព្រៀងណាមួយឡើយ៕
ដោយ៖ ឈាង
ចុចអាន៖ អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម