ព័ត៌មានអន្ដរជាតិ

ភ្លើងឆេះនៅអតីតមូលដ្ឋានទ័ពអង់គ្លេសសម្លាប់អ្នកពន្លត់អគ្គិភ័យ២នាក់ និងជនស៊ីវិលម្នាក់

បានផុស

១ year មុន

នៅ

ថ្ងៃសៅរ៍ ១៧ ឧសភា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី១៧ខែឧសភានេះ អ្នកពន្លត់អគ្គិភ័យពីរនាក់ និងជនស៊ីវិលម្នាក់បានបាត់បង់ជីវិតនៅក្នុងគ្រោះអគ្គិភ័យមួយនៅឯអតីតមូលដ្ឋានយោធាអង់គ្លេសដែលឥឡូវនេះត្រូវបានប្រើដើម្បីរំលឹកដល់ប្រវត្តិសាស្រ្តនៃទ័ពអាកាស និងកីឡាម៉ូតូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិភ័យបានឆាបឆេះកាលពីថ្ងៃព្រហស្បតិ៍នៅក្នុងឃ្លាំងដ៏ធំមួយនៅអតីតមូលដ្ឋានទ័ពអាកាសនៅទីក្រុង Bicester ជិតសកលវិទ្យាល័យ Oxford ។ ផ្សែងដ៏ខ្មួលខ្មាញ់បាញ់ទៅលើអាកាស ត្រូវបានគេមើលឃើញជាច្រើនគីឡូម៉ែត្រ ហើយសាក្សីបាននិយាយថា «ឮសំឡេងផ្ទុះ» ដ៏ខ្លាំង។ នៅក្នុងហេតុការណ៍នេះមានក្រុមការងារពន្លត់អគ្កិភ័យ២នាក់និងជនស៊ីវិលម្នាក់ បានស្លាប់ ចំណែកអ្នកពន្លត់អគ្គិភ័យ២នាក់ទៀតកំពុងសម្រាកព្យាបាលនៅមន្ទីរពេទ្យដោយរបួសធ្ងន់។

ប្រធានផ្នែកពន្លត់អគ្គីភ័យរបស់តំបន់ Oxfordshire លោក Rob MacDougall នៅក្នុងសេចក្តីថ្លែងការណ៍ដ៏រំជួលចិត្តមួយនៅជិតកន្លែងនោះថា គាត់មាន «មោទនភាពយ៉ាងខ្លាំង» ចំពោះភាពក្លាហានដែលបង្ហាញដោយក្រុមអ្នកសង្គ្រោះបន្ទាន់ទាំងអស់ចំពោះគ្រោះអគ្គីភ័យដ៏ធំនេះនិងមានការសោកស្ដាយជាខ្លាំងចំពោះការបាត់បង់ជីវិតក្នុងគ្រោះអគ្គិភ័យនេះ។

គ្រោះអគ្គិភ័យនេះអាចបានគ្រប់គ្រងបានកាលពីព្រឹកថ្ងៃសុក្រ ប៉ុន្តែក្រុមបុគ្គលិកនៅតែស្ថិតនៅកន្លែងកើតហេតុ។ ក្រោយប្រតិបត្តិការពន្លត់ប៉ូលិសនឹងធ្វើការការស៊ើបអង្កេតលើមូលហេតុនៃការឆេះនេះ៕