ព័ត៌មានអន្ដរជាតិ
អាមេរិក ថា លោក ចូ បៃដិន គ្មានផ្លូវជួបប្រជុំផ្ទាល់ជាមួយ គីម ជុងអ៊ុន ឡើយក្រោយបាញ់មីស៊ីល
អ្នកនាំពាក្យសេតវិមានបានច្រានចោលជំនួបកំពូលដែលអាចកើតមានរវាងប្រធានាធិបតីអាមេរិក ចូ បៃដិន និងមេដឹកនាំកូរ៉េខាងជើង គីម ជុងអ៊ុន ។
លោក បៃដិន បានធ្វើអត្ថាធិប្បាយ បន្ទាប់ពីការបាញ់មីស៊ីល Ballistic ចុងក្រោយបង្អស់របស់កូរ៉េខាងជើងកាលពីថ្ងៃព្រហស្បតិ៍សប្តាហ៍មុនថា លោកបានត្រៀមខ្លួនសម្រាប់ទម្រង់ការទូតមួយចំនួន ប៉ុន្តែវាត្រូវតែមានលក្ខខណ្ឌ នៅពេលទទួលបានលទ្ធផលចុងក្រោយនៃការរំសាយអាវុធនុយក្លេអ៊ែរ ។
ទន្ទឹមនោះអ្នកនាំពាក្យសេតវិមានលោកស្រី Jen Psaki ត្រូវបានគេសួរនៅក្នុងសន្និសីទសារព័ត៌មានមួយកាលពីថ្ងៃចន្ទថាតើការកត់សម្គាល់របស់លោក Biden អំពី “ទម្រង់ការទូតមួយចំនួន” នេះនឹងរួមបញ្ចូលការជួបដោយផ្ទាល់ជាមួយលោក គីម ដែរឬទេ ។
លោកស្រី Psaki បាននិយាយថា នេះមិនមែនជាចេតនារបស់គាត់ទេ ហើយលោកស្រីគិតថា វិធីសាស្រ្តរបស់ប្រធានាធិបតីនឹងខុសគ្នាឆ្ងាយពីអ្នកមុនៗ ។
លោក បៃដិន បានរិះគន់លោក ដូណាល់ ត្រាំ ចំពោះការខកខានមិនបានបញ្ឈប់ការអភិវឌ្ឍនុយក្លេអ៊ែរ និងមីស៊ីលរបស់ក្រុងព្យុងយ៉ាង ទោះបីមានកិច្ចពិភាក្សាកំពូលចំនួន ៣ លើកជាមួយលោក គីម ចាប់តាំងពីឆ្នាំ ២០១៨ ក៏ដោយ ។
រដ្ឋបាលលោក បៃដិន គ្រោងនឹងធ្វើកិច្ចចរចា ៣ ផ្លូវលើប្រទេសកូរ៉េខាងជើងនៅសប្តាហ៍នេះដោយមានការចូលរួមពីក្រុមមន្រ្តីសន្តិសុខជាតិជាន់ខ្ពស់មកពីជប៉ុន និងកូរ៉េខាងត្បូង ផងដែរ ។
រដ្ឋបាលរបស់លោកក៏នឹងត្រូវបញ្ចប់ការត្រួតពិនិត្យឡើងវិញនូវគោលនយោបាយរបស់កូរ៉េខាងជើងនៅពេលឆាប់ៗនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក រកឃើញអ្នកឆ្លងកូវីដបំប្លែងខ្លួនថ្មីជាង ១ ម៉ឺនករណី និងព្រមានពីជំងឺថ្មីផ្សេងទៀត
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»