ព័ត៌មានអន្ដរជាតិ
អ៊ីស្រាអែល កំពុងពិភាក្សាជាមួយប្រទេសចំនួន៥ ដើម្បីជម្លៀសពលរដ្ឋហ្គាហ្សា
អ៊ីស្រាអែល ត្រូវបានគេរាយការណ៍ថាកំពុងចរចាជាមួយប្រទេសចំនួន៥ ដូចជា ស៊ូដង់ខាងត្បូង សូម៉ាលី អេត្យូពី លីប៊ី និងឥណ្ឌូណេស៊ី ទាក់ទងនឹងការតាំងទីលំនៅថ្មីរបស់ប្រជាជនប៉ាឡេស្ទីនពីតំបន់ហ្គាហ្សា។
យោងតាម CNN មន្ត្រីជាន់ខ្ពស់អ៊ីស្រាអែលម្នាក់ បានឲ្យដឹងថា ជាថ្នូរនឹងការទទួលយកផ្នែកមួយនៃប្រជាជននៅតំបន់ហ្គាហ្សាសរុបជាង ២លាននាក់ ប្រទេសទាំងនោះរំពឹងថានឹងមាន«សំណងហិរញ្ញវត្ថុ និងអន្តរជាតិដ៏ច្រើនសន្ធឹក»។ យ៉ាងណាមិញ ប្រទេសមួយចំនួនក្នុងចំណោមប្រទេសទាំង៥ដែលអ៊ីស្រាអែលកំពុងចរចាជាមួយ បានច្រានចោលកិច្ចពិភាក្សាបែបនេះ។
ប្រទេសស៊ូដង់ខាងត្បូង បានបដិសេធថា ខ្លួនពុំបានចរចាជាមួយអ៊ីស្រាអែលអំពីការទទួលយកពលរដ្ឋប៉ាឡេស្ទីនឡើយ។ ចំណែកឯសូម៉ាលីវិញ ក៏ប្រកាសមិនចូលរួមក្នុងកិច្ចពិភាក្សាបែបនេះដែរ ខណៈឥណ្ឌូណេស៊ីបានបញ្ជាក់ថា ខ្លួននឹងទទួលយកជនជាតិប៉ាឡេស្ទីនចំនួន ២០០០នាក់ប៉ុណ្ណោះសម្រាប់ការព្យាបាល ប៉ុន្តែបានសង្កត់ធ្ងន់ថា ពួកគេនឹងត្រឡប់ទៅវិញបន្ទាប់ពីជាសះស្បើយ។
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ មិនដែលផ្តល់ព័ត៌មានលម្អិតអំពីអ្វីដែលនឹងកើតឡើងចំពោះតំបន់ហ្គាហ្សា បន្ទាប់ពីសង្គ្រាមនោះទេ ប៉ុន្តែបានអំពាវនាវម្តងហើយម្តងទៀតសម្រាប់ការតាំងទីលំនៅថ្មីរបស់ពលរដ្ឋប៉ាឡេស្ទីន។
មេដឹកនាំអ៊ីស្រាអែល បានធ្វើការស្តីបន្ទោសយ៉ាងខ្លាំងទៅកាន់សហគមន៍អន្តរជាតិ ដោយនិយាយថា រាល់ប្រទេសណាដែលព្រួយបារម្ភអំពីប៉ាឡេស្ទីនគួរតែទទួលយកជនភៀសខ្លួនទៅ ជាជាងរិះគន់យុទ្ធនាការយោធារបស់អ៊ីស្រាអែលនៅក្នុងតំបន់ហ្គាហ្សា។
ការលើកឡើងរបស់លោក ណេតាន់យ៉ាហ៊ូ ធ្វើឡើងក្រោយពីមានការថ្កោលទោសយ៉ាងចាស់ដៃពីអន្តរជាតិ ពាក់ព័ន្ធនឹងផែនការវាយដណ្ដើមយកហ្គាហ្សាទាំងមូល។ លោក ណេតាន់យ៉ាហ៊ូ បានអះអាងថា ការវាយលុកនឹងដំណើរការ«យ៉ាងឆាប់រហ័ស» ហើយមានគោលបំណងរំដោះហ្គាហ្សាពីក្រុមសកម្មប្រយុទ្ធប៉ាឡេស្ទីនហាម៉ាស។ លោកបានបដិសេធការចោទប្រកាន់ដែលថា អ៊ីស្រាអែលកំពុងបង្អត់អាហារប្រជាជនប៉ាឡេស្ទីន ហើយលោកថែមទាំងចោទប្រកាន់ទៅវិញថា ក្រុមហាម៉ាសនោះទេដែលមានចេតនាបង្អត់អាហារចំណាប់ខ្មាំងអ៊ីស្រាអែល។
សូមជម្រាបថា ក្រសួងសុខាភិបាលដែលគ្រប់គ្រងដោយក្រុមហាម៉ាស បានរាយការណ៍ថាមានអ្នកស្លាប់ជាជនជាតិប៉ាឡេស្ទីនជាង ៦១ ០០០នាក់ ចាប់តាំងពីសង្គ្រាមបានចាប់ផ្តើម។ យុទ្ធនាការយោធារបស់អ៊ីស្រាអែល បានធ្វើឡើងបន្ទាប់ពីការវាយប្រហារថ្ងៃទី៧ខែតុលាឆ្នាំ២០២៣ របស់ក្រុមហាម៉ាស ដែលបានសម្លាប់ជនជាតិអ៊ីស្រាអែល ១ ២០០នាក់ និងចាប់ចំណាប់ខ្មាំង ២៥១នាក់៕
ដោយ៖ ឈាង
ចុចអាន៖ ណេតាន់យ៉ាហ៊ូ ផ្ដាំទៅអន្តរជាតិថា បើអាណិតប៉ាឡេស្ទីន គួរបើកព្រំដែនទទួលយកពួកគេ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ