ស្ត្រី​ រុស្ស៊ី​ សុខចិត្តលក់​ព្រលឹង ដើម្បីយកលុយបំពេញផ្លូវចិត្ត និងសេចក្ដីសុខ

ស្ត្រីជនជាតិរុស្ស៊ីម្នាក់ បានលក់ព្រលឹងក្នុងតម្លៃ ១០០,០០០ រូពីរុស្ស៊ី (១,២០៤.៦៩ដុល្លារ) ដើម្បីទិញតុក្កតា Laboo Boo និងសំបុត្រប្រគំតន្ត្រី។ យ៉ាងណា ខាងសាសនាព្រះវិហារ​បាន​ព្រមាន​ថា នេះ​ត្រូវ​បាន​គេ​ចាត់​ទុក​ថា​ជា​ការ​ជ្រើសរើស​អារក្ស ហើយ​អាច​បណ្ដាល​ឲ្យ​នាងស្លាប់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៥ ខែកញ្ញា គេហទំព័រ AuditieCentral បានរាយការណ៍អំពីឧប្បត្តិហេតុចម្លែកមួយក្នុងប្រទេសរុស្ស៊ី បន្ទាប់ពីអ្នកជំនាញផ្នែកទីផ្សារ Dimitri បានបង្ហោះសារបែបកំប្លែងនៅលើប្រព័ន្ធផ្សព្វផ្សាយសង្គមថា គាត់ត្រៀមខ្លួនបង់ប្រាក់ ១០០,០០០ រូពីរុស្ស៊ី (១,២០៤.៦៩ដុល្លារ) ដល់នរណាម្នាក់ដែលចង់លក់ព្រលឹងរបស់ពួកគេ និងចុះហត្ថលេខាលើកិច្ចសន្យាដោយឈាមរបស់ពួកគេ ។ គាត់មិនរំពឹងថានរណាម្នាក់នឹងទទួលយកការផ្តល់ជូនរបស់គាត់ទេ។

ទោះជាយ៉ាងណាក៏ដោយ នាង Karina ដែលមានអាយុ ២៦ ឆ្នាំបានទទួលយកការផ្តល់ជូននេះ ហើយ Dimitri បានបំពេញតាមការសន្យារបស់គាត់ដោយឲ្យនាងចុះហត្ថលេខាលើកិច្ចសន្យាជាមួយនឹងឈាមរបស់នាង ដោយបញ្ជាក់ថា ស្រ្តីនោះបានលក់ព្រលឹងរបស់នាង ហើយថតរូបជាភស្តុតាង។

នៅក្នុងបទសម្ភាសន៍ជាមួយប្រព័ន្ធផ្សព្វផ្សាយក្នុងស្រុក Mash Karina បានបង្ហាញថានាងបានប្រើលុយដើម្បីទិញតុក្កតា Laboo Boo និងសំបុត្រប្រគំតន្ត្រីជាកាដូលួងផ្លូវចិត្ត។ ក្នុងនោះនាងក៏បានបញ្ជាក់ថា មិនខ្វល់ពីអ្វីដែលម្ចាស់កិច្ចសន្យាបានធ្វើជាមួយព្រលឹងរបស់នាងនោះទេ។

ទោះជាយ៉ាងណាក៏ដោយ ព្រះវិហារនៅប្រទេសរុស្ស៊ីបាននិយាយថា នេះមិនមែនជារឿងកំប្លែងទេ! Karina ពិតជាលក់ព្រលឹងរបស់នាង ពោលគឺនាងបានជ្រើសរើសផ្នែកខាងអាក្រក់។ នៅពេលអនាគត នាងនឹងក្លាយជាមនុស្សមានបាបជាផ្លូវការ​អាចប្រឈមមុខនឹងការធ្លាក់ចុះខាងសីលធម៌ និងផ្ទាល់ខ្លួន ជំងឺ និងការរងទុក្ខ ។ ការលក់ព្រលឹង គឺដូចជាការជ្រើសរើសអារក្ស នាងនឹងរងទុក្ខឬអាចស្លាប់នាពេលខាងមុខ៕

អត្ថបទ៖ សាង ស្រីល័ក្ខ

ចុចអាន៖ចង់ទាក់ទាញ​អ្នកទស្សនា ស្ត្រី​ វៀតណាម​ ម្នាក់ បង្ហោះ​រូបរន្ធត់ ដោយទាំងប៉ូលិសកោះហៅទៅសាកសួរ