ប៉ុន្មាន​ចំណុច សម្គាល់​រោគសញ្ញា​ក្រពេញប្រូស្តាតរីកធំ និង​វិធី​ព្យាបាល

ក្រពេញប្រូស្តាត (prostate) ជាក្រពេញមួយដែលមានតែលើសរីរាង្គមនុស្សប្រុស។ វាមានទំហំជាង ៣ សង់ទីម៉ែត និងទម្ងន់ធម្មតាពី ១៥ ទៅ ២៥ក្រាម។ ចំពោះមនុស្សប្រុសពេញវ័យ វាស្ថិតនៅខាងក្រោមប្លោកនោម និងជុំវិញផ្លូវបំពង់នោមខាងក្រៅរបស់បុរស។ ក្រពេញប្រូស្តាតរីកធំ កើតឡើងភាគច្រើនចាប់ពី អាយុ៥០ឆ្នាំឡើងទៅ។

ក) មូលហេតុ៖ ការសិក្សាបញ្ជាក់ថា ដោយសារភាពមិនស្មើគ្នារវាង អ័រម៉ូន Androgènes និង Estrogènes នៅក្នុង ៨ ក្រពេញប្រូស្តាត។
ខ) រោគសញ្ញាមាន២ក្រុមធំៗ៖
១) រោគសញ្ញាខ្លះ
– ពិបាកនោមពេលប្រឹងនោមដំបូង
– កម្លាំងទឹកនោមចេញខ្សោយ (ទឹកនោមធ្លាក់ជិតជើង)
– នោមដាច់ នោមដាច់
– នោមតក់ៗ

២) រោគសញ្ញារំខាន
– នោមញឹកទាំងពេលថ្ងៃ និងពេលយប់ (រំខានដល់ដំណេក)
– មានទឹកនោមហៀរចេញសើមៗរហូត។
គ) ផលវិបាក៖
– នោមលែងចេញ
– នោមឈាម
– ខ្សោយតម្រងនោម។
– រលាក់ផ្លូវបង្ហូរនោម និងក្រពេញប្រូស្តាត

ឃ) ការធ្វើរោគវិនិច្ឆ័យ៖
– ការពិនិត្យដោយក្រុមគ្រូពេទ្យជំនាញ តាមរយៈការស្ទាបពោះ រកការឈឺចាប់ពីការស្ទះទឹកនោមក្នុងប្លោកនោម
– ការពិនិត្យក្រពេញប្រូស្តាតដោយការលូកតាមផ្លូវបាត ដើម្បីស្ទាបទំហំ និងការវាយតំលៃសភាពរបស់ក្រពេញថាធម្មតា ឬក៏ធំខុសពីធម្មតា (toucher rectal)

– ការឆ្លុះអេកូពោះដើម្បីវាស់ទំហំប្រូស្តាត និងរកផលវិបាករបស់ជំងឺ (échographie)
– ពិនិត្យឈាម មើលកំរិត PSA (Prostate Specific Antigen) ដើម្បីជម្រុះចោលពីមហារីកក្រពេញប្រូស្តាត។
ង) ការព្យាបាល៖
– ការព្យាបាលដោយប្រើថ្នាំដែលណែនាំដោយវេជ្ជបញ្ជា
– ការព្យាបាលដោយការកោសក្រពេញប្រូស្តាត ដោយម៉ាស៊ីនអង់ដូស្កូប និងរួមផ្សំជាមួយក្រុមគ្រូពេទ្យ ដែលមានជំនាញឯកទេស
សូមបងប្អូនបុរសៗ ដែលមានអាយុចាប់ពី៥០ឆ្នាំឡើង ទៅ មកពិគ្រោះជាមួយក្រុមគ្រូពេទ្យឯកទេសនៅ មន្ទីរពេទ្យកាល់ម៉ែត ដើម្បីស្វែងរករោគវិនិច្ឆ័យនៃជំងឺ នេះ និងចូលរួមពិភាក្សាអំពីវិធីសាស្រ្តនៃការបង្ការ និង ការព្យាបាលឱ្យទាន់ពេលវេលាប្រកបដោយប្រសិទ្ធិភាព ជៀសវាងបង្កគ្រោះថ្នាក់ដល់អាយុជីវិត៕

អត្ថបទ៖ រស្មី