សុខភាព

អ្នកជំងឺទឹកនោមផ្អែម ត្រូវថែខ្លួនឲ្យមែនទែន បើឆ្លង Delta គឺមានសភាពធ្ងន់ធ្ងរខ្លាំង ជាងអ្នកផ្សេង

បានផុស

៥ years មុន

នៅ

ថ្ងៃអង្គារ ៣ សីហា ២០២១

ដោយ

ចំពោះអ្នកជំងឺទឹកនោមផ្អែម ដែលមិនអាចគ្រប់គ្រងកម្រិតជាតិគ្លុយកូសក្នុងឈាមបានធម្មតា ប្រសិនបើឆ្លង Delta អាចនឹងធ្លាក់ក្នុងសភាពធ្ងន់ ព្រមទាំងមានឱកាសស្លាប់ងាយជាងអ្នកផ្សេង។ ដូច្នេះក្រុមអ្នកជំងឺបែបនេះ គួរតែមានការប្រុងប្រយ័ត្ន និងចៀសវាងហានិភ័យជួបផ្ទាល់ជាមួយមនុស្សច្រើនគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត P.D. Rattanapan Smiththarak គ្រូពេទ្យឯកទេសខាងប្រព័ន្ធ Endocrine នៅមជ្ឈមណ្ឌលជំងឺទឹកនោមផ្អែមក្រពេញទីរ៉ូអ៊ីដ នៃមន្ទីរពេទ្យបាងកក បាននិយាយថា អ្វីដែលអ្នកជំងឺទឹកនោមផ្អែមគួរប្រុងប្រយ័ត្នខ្លាំង ប្រសិនបើពួកគេឆ្លង Delta គឺ៖

អ្នកជំងឺទឹកនោមផ្អែមដែលមានការគ្រប់គ្រងជាតិស្ករមិនល្អ ទំនងជាប្រឈមនឹងផលប៉ះពាល់ពី Delta ជាងមនុស្សធម្មតា ដោយសារកម្រិតជាតិគ្លុយកូសខ្ពស់ជាងធម្មតា។ ជាលទ្ធផលប្រព័ន្ធភាពស៊ាំរបស់រាងកាយកំពុងដំណើរការ និងប្រយុទ្ធប្រឆាំងនឹងមេរោគយ៉ាងលំបាក។ មេរោគនេះ អាចរីកលូតលាស់និងបែកខ្ចាត់ខ្ចាយបានយ៉ាងងាយស្រួល។ អ្នកជំងឺទឹកនោមផ្អែមដែលមានជំងឺសន្លាក់ ប្រសិនបើឆ្លងកូវីដបំប្លែងថ្មីនេះ ទំនងជាមានរោគសញ្ញាធ្ងន់ធ្ងរ ឬផលប៉ះពាល់កើនឡើងទ្វេដង។

ជាពិសេសប្រតិកម្មរលាក ពីការឆ្លងមេរោគ អាចធ្វើឲ្យការគ្រប់គ្រងជំងឺទឹកនោមផ្អែមកាន់តែអាក្រក់ ហើយរាងកាយមានប្រតិកម្មប្រឆាំងនឹងមេរោគ។ លទ្ធផលនេះធ្វើឲ្យកម្រិតជាតិគ្លុយកូសក្នុងឈាមខ្ពស់ ប៉ះពាល់ដល់ប្រព័ន្ធភាពស៊ាំ និងមានអត្រាមរណភាពខ្ពស់ជាង ២ ទៅ ៣ ដង ចំពោះមនុស្សទូទៅ ដែលនេះជាមូលហេតុដែលត្រូវយកចិត្តទុកដាក់ខ្ពស់ចំពោះការព្យាបាលអ្នកជំងឺទឹកនោមផ្អែម ប្រសិនបើពួកគេឆ្លងមេរោគបំប្លែងខ្លួនថ្មី។

ការប្រុងប្រយ័ត្នចំពោះអ្នកជំងឺទឹកនោមផ្អែមក្នុងកំឡុងពេលផ្ទុះ Delta ក្នុងសហគមន៍

វិធីសាស្ត្រគ្រប់គ្រងជំងឺទឹកនោមផ្អែម គឺត្រូវលេបថ្នាំគ្រប់គ្រងជំងឺទឹកនោមផ្អែមរាល់ថ្ងៃ។ បើអ្នកមិនអាចទៅមន្ទីរពេទ្យបានដូចការណាត់ជួបរបស់គ្រូពេទ្យទេ វាជាការសំខាន់ដើម្បីពិនិត្យមើលកម្រិតជាតិស្ករដោយខ្លួនឯង។ ដោយសារស្ថានភាពអ្នកជំងឺទឹកនោមផ្អែម ត្រូវបានគេចាត់ទុកថាជាជំងឺរ៉ាំរ៉ៃ ដូច្នេះត្រូវលេបថ្នាំបញ្ចុះជាតិស្ករ។

ជាពិសេសត្រូវថែរក្សាសុខភាពរាងកាយរបស់អ្នកជានិច្ច។ ការធ្វើលំហាត់ប្រាណឲ្យបានត្រឹមត្រូវ ដើម្បីភាពស៊ាំមានសុខភាពល្អ ចំពោះអ្នកជំងឺ។ សូមចៀសឲ្យឆ្ងាយពីកូវីដគ្រប់ប្រភេទនិងកុំនៅជិតមនុស្សដែលឧស្សាហ៏ដើរហើរចេញក្រៅច្រើន ហើយត្រូវស្ដាប់តាមការណែនាំរបស់វេជ្ជបណ្ឌិត។ លាងដៃជាមួយសាប៊ូនិងទឹកស្អាត ឬបាញ់អាល់កុលនិងជែល ពាក់ម៉ាស់ឲ្យបានត្រឹមត្រូវ ដើម្បីកាត់បន្ថយការរីករាលដាលនៃជំងឺ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ក្រោយចាក់វ៉ាក់សាំង Johnson & Johnson រួច យុវវ័យ និងមនុស្សចាស់ ត្រូវប្ដូរទម្លាប់ហូបចុកភ្លាមៗ

ចុចអាន៖WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ

Related Topics:វីរុសប្រភេទ Delta អ្នកជំងឺទឹកនោមផ្អែម

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា