សុខភាព
អ្នកជំងឺទឹកនោមផ្អែម បាក់ទឹកចិត្ត គួរដោះស្រាយបែបណា?
អ្នកជំងឺទឹកនោមផ្អែម មិនត្រឹមតែមានផលវិបាកសុខភាពច្រើនយ៉ាងទេ ថែមទាំងមានហានិភ័យខ្ពស់ក្នុងការកើតជំងឺបាក់ទឹកចិត្តទៀតផង។ ពេលបាក់ទឹកចិត្ត អ្នកជំងឺទឹកនោមផ្អែមអាចមានអាការៈអ្វីខ្លះ? ប៉ះពាល់ដល់ជំងឺទឹកនោមផ្អែមបែបណា? គួរធ្វើម៉េច?
ភាពលំបាកនៃការគ្រប់គ្រងជំងឺទឹកនោមផ្អែមងាយនឹងធ្វើឱ្យអ្នកជំងឺទឹកនោមផ្អែមមានភាពតានតឹងដែលបង្កទៅជាជំងឺបាក់ទឹកចិត្តណាស់។
អ្នកជំងឺទឹកនោមផ្អែមដែលបាក់ទឹកចិត្តអាចមានអាការៈដូចជា៖
- គេងមិនលក់
- បាត់បង់ចំណង់ចំណូលចិត្ត
- អស់សង្ឃឹម
- ល្វើយគ្មានកម្លាំង
- ពិបាកផ្ចង់អារម្មណ៍
- ញុំាច្រើន ឬមិនឃ្លាន
ប្រសិនបើយើងមានជំងឺទឹកនោមផ្អែម ហើយបាក់ទឹកចិត្ត អាការៈជំងឺទឹកនោមផ្អែមរបស់យើងនឹងកាន់តែវិវឌ្ឍធ្ងន់ធ្ងរ ព្រោះជំងឺបាក់ទឹកចិត្តអាចបណ្តាលឱ្យយើងញ៉ាំអាហារមិនល្អចំពោះសុខភាព មិនសូវហាត់ប្រាណ ជក់បារី ឡើងទម្ងន់ ពិបាកផ្ចង់អារម្មណ៍ ដែលអាចរំខានដល់ការគ្រប់គ្រងជំងឺទឹកនោមផ្អែម។
ដូច្នេះយើងត្រូវព្យាបាលជំងឺបាក់ទឹកចិត្តឱ្យបានកាន់តែឆាប់កាន់តែល្អ។ ខាងក្រោមនេះជាវិធីសាស្រ្តមួយចំនួនក្នុងការកាត់បន្ថយអាការៈបាក់ទឹកចិត្ត៖
១. ចំណាយពេលធ្វើរឿងចូលចិត្ត
យើងអាចចំណាយពេលខ្លះជួបបងប្អូន មិត្តភ័ក្ដិ ដើរផ្សារ ដើរលំហែរ លេងហ្គេម ឬលេងជាមួយចៅជាដើមដើម្បីបន្ធូរអារម្មណ៍។
២. ហាត់ប្រាណ
នៅពេលយើងហាត់ប្រាណ រាងកាយយើងនឹងបញ្ចេញសារធាតុ Endorphins ដែលធ្វើឱ្យយើងមានអារម្មណ៍ល្អ។ លើសពីនេះទៅទៀត ការហាត់ប្រាណក៏អាចជួយឱ្យយើងគ្រប់គ្រងទម្ងន់ កាត់បន្ថយកម្រិតជាតិស្ករក្នុងឈាម និងជួយឱ្យរាងកាយយើងប្រើប្រាស់អាំងស៊ុយលីនបានល្អដែលមានប្រយោជន៍ដល់ការគ្រប់គ្រងជំងឺទឹកនោមផ្អែម។
៣. កាត់បន្ថយភាពតានតឹង
នៅពេលយើងមានភាពតានតឹងយូរអង្វែង រាងកាយយើងនឹងផលិតអ័រម៉ូន cortisol ច្រើនដែលធ្វើឱ្យយើងគេងមិនលក់ បាក់ទឹកចិត្ត និងប៉ះពាល់សុខភាពជាខ្លាំង។ យើងអាចកាត់បន្ថយភាពតានតឹងតាមរយៈការស្តាប់តន្រ្តី តាំងសមាធិ ហាត់យូហ្កា ឬដើរលំហែរជាដើម។
៤. គេងឱ្យបានគ្រប់គ្រាន់
ជាទូទៅ បើយើងបាក់ទឹកចិត្ត យើងអាចគេងមិនលក់ ឬគេងច្រើនជ្រុលដែលសុទ្ធតែជាកត្តាធ្វើឱ្យយើងមានអារម្មណ៍មិនល្អ និងធីងធោង។ យើងត្រូវព្យាយាមគេងឱ្យបាន ៨ ម៉ោងក្នុងមួយថ្ងៃទើបល្អ។
មុនគេងយើងអាចអានព្យាយាមសៀវភៅ ឬឈប់មើលទូរទស្សន៍ ឬទូរស័ព្ទមួយម៉ោងមុនដើម្បីឱ្យរាងកាយយើងសម្រាក និងងងុយគេង។
៥. ញុំាអាហារសម្បូរជាតិសង្ក័សី
តាមការសិក្សាបានឱ្យដឹងថា ការខ្វះជាតិសង្ក័សីអាចធ្វើឱ្យយើងបាក់ទឹកចិត្ត ដូច្នេះយើងអាចញុំាអាហារសម្បូរជាតិសង្ក័សីដូចជា សណ្តែក គ្រាប់ផ្លែឈើ គ្រាប់ធញ្ញជាតិ គ្រាប់ល្ពៅ និង គ្រឿង សមុទ្រជាដើម។
៦. ញុំាអាហារសម្បូរអាស៊ីដខ្លាញ់អូមេហ្គា-៣
ការញុំាអាហារសម្បូរអាស៊ីដខ្លាញ់អូមេហ្គា-៣ ដូចជាត្រីសាម៉ុង ប្រេងអូលីវ គ្រាប់ផ្លែឈើ គ្រាប់ឈៀឬផ្លែបឺរជាដើមអាចជួយឱ្យយើងមានអារម្មណ៍ល្អ ហើយថែមទាំងមានប្រយោជន៍ច្រើនដល់សុខភាពយើងទៀតផង។
៧. ចៀសវាងគ្រឿងស្រវឹង
ការញុំាគ្រឿងស្រវឹងមិនត្រឹមតែមិនអាចបំបាត់ទុកយើងទេ តែធ្វើឱ្យអាការៈបាក់ទឹកចិត្តកាន់តែធ្ងន់ធ្ងរព្រោះជាតិអាល់កុលក្នុងគ្រឿងស្រវឹងអាចធ្វើឱ្យថ្នាំប្រឆាំងជំងឺបាក់ទឹកចិត្តគ្មានប្រសិទ្ធិភាព។
ម្យ៉ាងទៀត គ្រឿងស្រវឹងធ្វើឱ្យប៉ះពាល់សុខភាពទូទៅរបស់យើងដែលធ្វើឱ្យអាការៈជំងឺទឹកនោមផ្អែមកាន់តែធ្ងន់ធ្ងរ។
៨. ឈប់គិតអវិជ្ជមាន
ជំងឺបាក់ទឹកចិត្តមិនត្រឹមតែធ្វើឱ្យយើងមានអារម្មណ៍មិនល្អប៉ុណ្ណោះទេ ថែមទាំងធ្វើឱ្យយើងគិតអវិជ្ជមានច្រើនទៀតផង។ ការព្យាយាមគិតវិជ្ជមាន និងអ្វីល្អៗអាចជួយឱ្យអារម្មណ៍យើងប្រសើរឡើង។
អ្នកជំងឺទឹកនោមផ្អែមដែលមានអាការៈបាក់ទឹកចិត្តយូរជាងពីរសប្តាហ៍ គួរទៅពិគ្រោះជាមួយពេទ្យចិត្តសាស្រ្ត ព្រោះបើទុកយូរនឹងបណ្តាលឱ្យអាការៈជំងឺកាន់តែធ្ងន់ធ្ងរ៕
-
ព័ត៌មានជាតិ៣ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៣ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៤ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានអន្ដរជាតិ៧ ម៉ោង agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម២ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៥ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច៤ ថ្ងៃ agoកម្ពុជារកចំណូលបាន ១៥៤ លានដុល្លារ ពីការនាំចេញជ័រកៅស៊ូនៅរយៈពេល ៤ ខែ