សុខភាព

ប្រភេទលាមក អាចបញ្ជាក់ពីបញ្ហាសុខភាពពោះវៀន

បានផុស

២ years មុន

នៅ

ថ្ងៃសុក្រ ២៩ តុលា ២០២១

ដោយ

Blue Sky

ស្តាប់មើលទៅដូចជាចម្លែក ប៉ុន្តែតាមពិតទៅ វាជាគំនិតល្អវិញទេ ក្នុងការពិនិត្យមើលបញ្ហាសុខភាពផ្ទាល់ខ្លួនជាទូទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ក្រហម

ប្រសិនបើលាមកមានពណ៌ក្រហម វាបង្ហាញពីការហូរឈាមក្នុងក្រពះពោះវៀន។ ជាធម្មតា វាទម្លាក់ចុះក្រោមនៅក្នុងពោះវៀនធំ ឬរន្ធគូថ។ វាអាចបណ្តាលមកពីសុខភាពខាងក្នុង ដែលយូរៗទៅ នឹងបង្ករជាមហារីក ។ ដូច្នេះត្រូវកំណត់ពេល ណាត់ជួបជាមួយគ្រូពេទ្យ ដើម្បីពិគ្រោះពីរោគនេះឲ្យទាន់ពេលវេលា។

២ ខ្មៅ

ជាធម្មតា លាមកខ្មៅ ឬក្រហាយ ក៏ជាសញ្ញានៃការហូរឈាមដែរ ប៉ុន្តែវាប្រែជាខ្មៅ ដោយសារតែវាមានឈាមចាស់។ នេះជាការបង្ហាញពីការហូរឈាមនៅផ្នែកខាងលើ នៃបំពង់អាហារ។ ដែលអាចបណ្តាលមកពីទឹកនៅក្នុងបំពង់អាហារ ស្រទាប់ក្រពះរលាក ឬសរសៃឈាមខុសប្រក្រតី។

៣ រាគរ៉ាំរ៉ៃទៅជាអន្ធិលៗ

នៅពេលញ៉ាំអាហារមិនល្អ លាមកនឹងទន់ ហើយទៅជារាវ ដែលនេះគឺជាសញ្ញានៃជំងឺមូលដ្ឋានមួយចំនួន រួមមាន ជំងឺពោះវៀន ឈឺគ្រឿងក្នុង រហូតទៅជាសន្លប់ក៏មាន។

៤ ពណ៌ស្លេកឬដីឥដ្ឋ

លាមកពណ៌ស្លេក ឬដីឥដ្ឋ វាអាចទៅរួច ដែលអ្នកមានការឆ្លងមេរោគថ្លើម ដែលកាត់បន្ថយការផលិតទឹកប្រមាត់ ឬលំហូរទឹកប្រមាត់ចេញពីថ្លើមត្រូវបានរារាំង។ នេះអាចបណ្តាលមកពីកត្តាផ្សេងៗដូចជា គ្រួសក្នុងថង់ទឹកប្រមាត់ ដុំសាច់ រលាកថ្លើម ឬថ្នាំមួយចំនួន។

៥ លាមកអណ្តែត

លាមកអណ្ដែត មានន័យថា មកពីការផលិតឧស្ម័នលើសនៅក្នុងខ្លួន។ នោះមានន័យថា មកពីការរំលាយអាហាររបស់អ្នកមិនពេញលេញ ហើយមិនបានស្រូបយកសារធាតុចិញ្ចឹមបានល្អ។។ សូមព្យាយាមផ្លាស់ប្ដូររបបអាហារ ដើម្បីកែលំអការរំលាយអាហារ។

៦ បៃតង

លាមកពណ៌បៃតង ជាធម្មតាជាសញ្ញានៃការរំលាយអាហារមិនល្អ ឬមិនបានពេញលេញ។ ពណ៌គឺបណ្តាលមកពីវត្តមាននៃទឹកប្រមាត់។ ទឹកប្រមាត់ត្រូវបានរក្សាទុកនៅក្នុងថង់ ហើយត្រូវបានគេប្រើដើម្បីរំលាយខ្លាញ់។ ប៉ុន្តែប្រសិនបើលាមកផ្លាស់ទីលឿនពេក តាមរយៈប្រព័ន្ធរបស់អ្នក ទឹកប្រមាត់មិនមានឱកាសត្រូវបានរំលាយទេ។ ការឆ្លងមេរោគមួយចំនួនដូចជា salmonella ក៏អាចបណ្ដាលឲ្យលាមកពណ៌បៃតងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖បញ្ហាទាំងអស់នេះ បណ្តាលឲ្យកើតជំងឺទល់លាមករ៉ាំរ៉ៃ

ចុចអាន៖ពេលទល់លាមកប្រឹងបន្ទោបង់ខ្លាំងពេក ប្រយ័ត្នកើតជំងឺរហែករន្ធទ្វារបាត