សុខភាព

ចំណុចមួយចំនួន ដែលបញ្ជាក់ថាមនុស្សនោះ កំពុងប្រើប្រាស់សារធាតុញៀន

បានផុស

៤ years មុន

នៅ

ថ្ងៃអាទិត្យ ៣១ តុលា ២០២១

ដោយ

សារធាតុញៀនមានច្រើនប្រភេទ ក្នុងនោះមានសារធាតុមួយចំនួនដែល យើងជួបប្រទះជាញឹកញាប់ និងបង្កផលវិបាកដល់អ្នកប្រើប្រាស់ ដូចជា មេតំហ្វេតាមីន(Méthamphétamine) អំហ្វេតាមីន(Amphétamine) កញ្ឆា(Cannabis) កូកាអ៊ីន(Cocaïne) និងEctasy ជាដើម ល។ ជាទូទៅសារធាតុទាំងនេះអាចបង្កបញ្ហាដល់ អ្នកប្រើប្រាស់ ឲ្យបាត់បង់ នូវភាពជាម្ចាស់ការក្រោយពីការប្រើប្រាស់លើសកម្រិត ឬប្រើជាប្រចាំ។ ផលវិបាកទាំង នោះរួមមាន ការរំខានក្នុងការបំពេញភារកិច្ច ការសិក្សា ជីវភាពរស់នៅ និងសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោគសញ្ញា នៃការបង្ករឡើងដោយសារធាតុញៀន ចំពោះអ្នកប្រើប្រាស់សារធាតុញៀន ប្រភេទ៖

១) Méthamphétamine និង Amphétamine៖

មិនឃ្លានអាហារ ចុះស្គម រីកប្រស្រីភ្នែក ឆាប់ផ្អើល ធ្លាក់ទឹកចិត្ត បាត់បង់វិចារណញ្ញាណ បែកញើសជោគខ្លួន ញ័រ ឆេវឆាវ ថប់បារម្ភ កាច ស្រវាំងភ្នែក វង្វេង ឡេះឡះ។

២) Ectasy

រមួលក្រពើ ឡើងកម្ដៅខ្លួន អាចបណ្ដាលដល់ស្លាប់ កើនឡើងចំណង់ផ្លូវភេទ

៣) Cocaïne

ពិបាកផ្តោតអារម្មណ៍ វង្វេង ថប់បារម្ភណ៍ ធ្លាក់ទឹកចិត្ត ឆាប់ផ្អើល រីកប្រស្រីភ្នែក វិបត្តិដំណេក មិនឃ្លាន ថយចំណង់ ផ្លូវភេទ និយាយច្រើន ឆេវឆាវ។

៤) Cannabis

ភ្នែកក្រហម ស្ងួតមាត់ សើចម្នាក់ឯងមិនឈប់ ភ្លេចភ្លាំង គ្មានកម្លាំង ល្វើយ ផ្លាស់ប្ដូរឥរិយាបថភ្លាមៗ។ ការធើ្វការវិភាគរោគវិនិច្ឆ័យ រកវត្តមាន សារធាតុញៀន ត្រូវពឹងផ្អែកលើការពិនិត្យទឹកនោម។

ដើម្បីជៀសផុតពីផលវិបាកទាំងនេះ សូមនៅឆ្ងាយពីអ្នកប្រើប្រាស់ គ្រឿងញៀន និងបើមានបញ្ហាសុខភាពសូមពិនិត្យពិគ្រោះជាមួយ គ្រូពេទ្យជំនាញមន្ទីរពេទ្យកាល់ម៉ែត ដើម្បីទទួលបានការព្យាបាល ទាន់ពេលវេលា៕