សុខភាព
សញ្ញាទាំងនេះបញ្ជាក់ថា ចរន្តឈាមរត់មិនល្អ នេះជាវិធីកែខៃ
ប្រព័ន្ធឈាម (ចរន្តឈាម) មាននាទីដឹកនាំឈាមពីបេះដូងដែលផ្ទុកទៅដោយអុកស៊ីសែន និង សារធាតុចិញ្ចឹមទៅកាន់ផ្នែកផ្សេងៗនៃរាងកាយរួមទាំងសរីរាង្គសំខាន់ៗ ហើយដឹកនាំឈាមត្រលប់ទៅកាន់បេះដូងវិញ។ លំហូរឈាមក៏ជួយដឹកជញ្ជូនកាកសំណល់ចេញពីជាលិការាងកាយទៅកាន់តម្រងនោម និងសួតដែរ។ ចុះមានរឿងអ្វីកើតឡើងបើចន្តឈាមរត់មិនល្អ? ហើយយើងគួរបង្កើនចរន្តឈាមរត់តាមវិធីណា?
នៅពេលចរន្តឈាមរត់មិនល្អ កោសិកានៅក្នុងរាងកាយយើងមិនអាចទទួលបានអុកស៊ីសែន និងសារធាតុចិញ្ចឹមគ្រប់គ្រាន់តាមតម្រូវការ ដែលធ្វើឱ្យកោសិកាទាំងនោះមិនអាចដំណើរការបានល្អ ឬងាប់ និងអាចបណ្តាលឱ្យសរីរាង្គសំខាន់ៗខូចទៀតផង។ ជាលទ្ធផលយើងអាចមានអាការៈដូចជា៖
- មានស្បែកស្លេកស្លាំង ឬស្ងួត
- មានក្រចកផុយ
- អស់កម្លាំង ឬខ្សោយ
- មិនអាចផ្តោតអារម្មណ៍ ឬភ្លេចភ្លាំង
- ជ្រុះសក់
- ត្រជាក់ចុងដៃចុងជើង ឬស្ពឹកដៃស្ពឹកជើង
- ងាប់លិង្គ
- ក្រជាពីរបួស
- ហើម
- រមួលក្រពើ
- ប៉ោងសរសៃវ៉ែន
ខាងក្រោមជាវិធីសាស្រ្តមួយចំនួនដែលអាចជួយឱ្យចរន្តឈាមរត់បានល្អ៖
១. ហាត់លំហាត់ប្រាណជំនួយបេះដូង
លំហាត់ប្រាណជំនួយបេះដូង ឬលំហាត់ប្រាណបែបអ៊ែរ៉ូបិកដូចជា ការរត់ ដើរលឿនៗ ហែលទឹក ជិះកង់ រាំ ចែវទូក លើកទម្ងន់ លោតអន្ទាក់ជាដើមគឺជាលំហាត់ប្រាណបែបដុតបំផ្លាញជាតិខ្លាញ់ ពង្រឹងសាច់ដុំបេះដូង និងបង្កើនចង្វាក់បេះដូង ធ្វើឱ្យ បេះដូងយើងច្របាច់ឈាមបន្ថែមដើម្បីចែកចាយទៅគ្រប់ផ្នែកនៃរាងកាយ។
២. ញុំាទឹកឱ្យបានគ្រប់គ្រាន់
ឈាមរបស់យើងមួយភាគធំគឺផ្សំពីទឹក ហើយបើរាងកាយយើងគ្មានជាតិទឹកគ្រប់គ្រាន់ទេ បរិមាណឈាមរបស់យើងថយចុះ ហើយបណ្តាលឱ្យសរីរាង្គសំខាន់ៗនៅក្នុងរាងកាយមិនអាចទទួលបានអុកស៊ីសែន និងសារធាតុចិញ្ចឹមគ្រប់គ្រាន់ទេ។
៣. បញ្ឈប់ការជក់បារី
ជាតិនីកូទីននៅក្នុងបារីអាចបំផ្លាញជញ្ជាំងសរសៃឈាម និងសរសៃឈាមបេះដូង ធ្វើឱ្យឈាមយើងខាប់ និងបណ្តាលឱ្យមានកំណកកំបោរនៅក្នុងសរសៃឈាមវ៉ែន។
៤. ចៀសវាងអង្គុយយូរ
ការអង្គុយយូរអាចធ្វើបន្ថយល្បឿនឈាមរត់ ដូច្នេះយើងគួរឧស្សាហ៍ងើបដើរ ពត់ដៃពត់ជើង និងសន្ធឹងជើងដើម្បីឱ្យឈាមរត់បានល្អ។
៥. ញុំាអាហារជួយឱ្យរំហូរឈាមរត់បានល្អ
– វីតាមីន B3៖ អាចកាត់បន្ថយកម្រិតកូឡេស្តេរ៉ូលអាក្រក់ដែលជាហេតុធ្វើឱ្យសរសៃឈាម និងសរសៃឈាមបេះដូងឡើងរឹង និងក្រិន។ វីតាមីន B3 សម្បូរនៅក្នុងអាហារដូចជា សាច់គោ ត្រី សាច់ទ្រូងមាន់ គ្រាប់ល្ពៅ សណ្ដែកដី គ្រាប់ផ្កាឈូករ័ត្ន និងប្រូខូលីជាដើម។
– វីតាមីន E៖ អាចជួយពង្រីកសរសៃឈាមដែលធ្វើឱ្យឈាមរត់បានល្អ។ ម្យ៉ាងទៀត រាងកាយយើងត្រូវការវីតាមីន E ដើម្បីផលិតកោសិកាឈាមក្រហម និងការពារការកកឈាម។ អាហារសម្បូរវីតាមីន E រួមមាន បន្លែស្លឹកបៃតង គ្រាប់ផ្លែឈើ គ្រាប់ធញ្ញជាតិ និងប្រេងបន្លែជាដើម។
– វីតាមីន C៖ ជួយការពារការកកំណកក្នុងសរសៃឈាមដែលរាំរាំងរំហូរឈាម ធ្វើឱ្យសរសៃឈាមមានភាពយឺត និងជួយរាងកាយស្រូបយកជាតិដែកបានល្អ។ វីតាមីន C សម្បូរនៅក្នុងផ្លែស្ត្របឺរី ក្រូច ឪឡឹក គីវី ក្រូចល្ហុង ស្វាយ ប៉េងប៉ោះ ប្រូខូលី បន្លែស្លឹកបៃតងជាដើម។
– វីតាមីន B6៖ អាចប្រយុទ្ធប្រឆាំងនឹងរ៉ាឌីកាល់ដែលបណ្តាលឱ្យមានជាតិសរសៃឈាមឡើងរឹង ហើយសម្បូរនៅក្នុងអាហារដូចជា ត្រីធូណា ត្រីសាល់ម៉ុន សាច់ទ្រូងមាន់ ខ្ទឹមស ដំឡូងបារាំង ខ្ទឹមបារាំង ស្បៃពួយឡេង ចេក បឺរ ស្វាយ ម្នាស់ និងទំពាំងបាយជូរជាដើម។
– អាស៊ីដខ្លាញ់អូមេហ្កា-៣៖ ជួយបង្កើនកូលេស្តេរ៉ូលល្អ និងជួយកម្ចាត់កូលេស្តេរ៉ូលអាក្រក់ ការពារការកកកំណកខ្លាញ់ក្នុងសរសៃឈាម និងការពារសរសៃឈាមពីការឡើងរឹង ហើយសម្បូរនៅក្នុងអាហារដូចជា ត្រីសាលម៉ុន ត្រីធូណា គ្រាប់ឈៀ គ្រាប់វ៉ុលណាត់ និងផ្លែបឺរជាដើម។
ដើម្បីឱ្យចរន្តឈាមរត់បានល្អ យើងគួរប្រកាន់ខ្ជាប់របៀបរស់នៅដែលល្អចំពោះសុខភាពដូចជា ហាត់ប្រាណ ចៀសវាងជក់បារី ញុំាអាហារសម្បូរសារធាតុចិញ្ចឹមល្អៗជាដើម៕
ចុចអាន៖ផលប៉ះពាល់ដល់សុខភាពរាងកាយ នៃការគេងបើកភ្លើងចោលនៅពេលយប់
ចុចអាន៖សរីរាង្គសំខាន់ៗចំនួន ៥ នឹងខូចខាតធ្ងន់ធ្ងរ ប្រសិនបើបរិភោគមិនប្រុងប្រយ័ត្ន
មួយគ្រួសារសុទ្ធតែអ្នកកីឡា បណ្តុះបាន Yuki Ishikawa ជាកំពូលកីឡាករបាល់ទះ
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១១មេសា
លោក ហេង សួរ ៖ កម្ពុជាប្តេជ្ញាធ្វើជាប្រទេសត្រួសត្រាយផ្លូវគំរូ សម្រាប់ប្រទេសដែលកំពុងអភិវឌ្ឍដទៃ
ក្រសួងការងារ ផ្សព្វផ្សាយស្តីពី “ការបង្ការនិងទប់ស្កាត់ការប្រើប្រាស់ពលកម្មកុមារតាមសហគ្រាស គ្រឹះស្ថានផលិតឥដ្ឋក្បឿង,កសិឧស្សាហកម្ម”
អ្នកឃ្លាំមើល ៖ រដ្ឋាភិបាលប្រឹងប្រែងជួយជនរងគ្រោះក្នុងករណីរញ្ជួយដីនៅថៃ និងអំពាវនាវសាច់ញាតិទាក់ទងទៅមន្រ្តីស្ថានទូត
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
ក្រឡាប់រថយន្តដឹកមាន់ សង្កត់រថយន្តអ្នកដំណើរ កៀបជាប់មនុស្ស ០៤ នាក់ នៅស្រុកមុខកំពូល
លោក ត្រាំ ឲ្យ EU ចាយលុយ៣៥០ពាន់លានដុល្លារទិញថាមពលពីអាមេរិក ដើម្បីបន្ធូរបន្ថយពន្ធ
ម៉ាក្រុង ទាមទារឲ្យប្រើធម៌ក្តៅលើរុស្ស៊ី បើពូទីន មិនព្រមឈប់បាញ់នៅអ៊ុយក្រែន
-
សន្តិសុខសង្គម៣ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ សប្តាហ៍ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា