មេរោគស្រដៀងកូវីដ គួរឲ្យបារម្ភ ត្រូវបានរកឃើញ នៅប្រទេសចិន

ក្រុមអ្នកវិទ្យាសាស្ត្របាននិយាយថា មេរោគស្រដៀងនឹង កូវីដ ដែលត្រូវបានរកឃើញក្នុងខ្លួនសត្វប្រចៀវនៅភាគខាងត្បូងប្រទេសចិន គឺជាមេរោគមួយក្នុងចំណោម ៥ ដែលមានសក្តានុពលអាចចម្លងមកមនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុស BtSY2 មានទំនាក់ទំនងយ៉ាងជិតស្និទ្ធជាមួយ SARS-CoV-2 ដែលជាមេរោគបង្កឲ្យមានជំងឺកូវីដ១៩ ហើយមានហានិភ័យពិសេសសម្រាប់ការផ្ទុះឡើង។

អ្នកវិទ្យាសាស្ត្រនិយាយថា វាជាមេរោគមួយក្នុងចំណោម មេរោគគួរឲ្យព្រួយបារម្ភទាំងប្រាំដែលត្រូវបានរកឃើញនៅក្នុងសត្វប្រចៀវ ទូទាំងខេត្ត យូណាន ប្រទេសចិន ហើយទំនងជាបង្កជំងឺដល់មនុស្ស ឬសត្វពាហនៈ។

ក្រុមការងារបានព្រមានអំពីជំងឺ “Zoonotic” ដែលជាជំងឺបង្កឡើងដោយមេរោគ ឆ្លងពីសត្វទៅមនុស្ស។

ការស្រាវជ្រាវនេះ ត្រូវបានដឹកនាំដោយអ្នកស្រាវជ្រាវនៅសាកលវិទ្យាល័យ Sun Yat-sen ក្នុងទីក្រុង Shenzhen, វិទ្យាស្ថាន Yunnan Institute of Endemic Control និងសាកលវិទ្យាល័យ Sydney។

សម្រាប់ការសិក្សា អ្នកស្រាវជ្រាវបានប្រមូលសំណាកពីសត្វប្រចៀវចំនួន ១៤៩ ក្បាលដែលតំណាងឲ្យ ១៥ប្រភេទនៅក្នុងស្រុក ឬទីក្រុងចំនួន៦ ក្នុងខេត្ត យូណាន ប្រទេសចិន។

វាត្រូវបានរៀបរាប់លម្អិតនៅក្នុងការសិក្សាថ្មីមួយដែលបោះពុម្ពជាក្រដាស មុនពេលបង្ហោះនៅលើគេហទំព័រ bioRxiv៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្ត្រ រកឃើញមេរោគដ៏សាហាវប្រភេទថ្មី លាក់ខ្លួនក្នុងសត្វប្រចៀវ