សុខភាព
អ្នកវិទ្យាសាស្ត្រ រកឃើញមេរោគដ៏សាហាវប្រភេទថ្មី លាក់ខ្លួនក្នុងសត្វប្រចៀវ
អ្នកវិទ្យាសាស្ត្រ បានរកឃើញមេរោគដ៏សាហាវប្រភេទថ្មី ដែលលាក់ខ្លួននៅក្នុងខ្លួនសត្វប្រចៀវ។
មេរោគ Kiwira ដែលស្ថិតក្នុងក្រុមវីរុសចម្លងរាលដាលដោយពពួកសត្វករកេរ (Hantavirus) ត្រូវបានរកឃើញក្នុងខ្លួនសត្វប្រចៀវគ្មានកន្ទុយ នៅប្រទេសតង់ហ្សានី និងសាធារណរដ្ឋប្រជាធិបតេយ្យកុងហ្គោ។
ទោះបីជាយ៉ាងណាក៏ដោយ បច្ចុប្បន្នមិនមានព័ស្តុតាងណាមួយបង្ហាញថា មេរោគ Kiwira អាចបង្កការគំរាមកំហែងឆ្លងមកមនុស្សទេ ប៉ុន្តែអ្នកស្រាវជ្រាវកំពុងធ្វើការសិក្សាតាមដាន។
ក្រុមមេរោគប្រភេទនេះ ជាធម្មតាត្រូវបានគេរកឃើញនៅក្នុងពពួកសត្វកកេរ ហើយរាលដាលដល់មនុស្សតាមរយៈទំនាក់ទំនងជាមួយសត្វដែលមានមេរោគ។ វាជាប្រភេទមេរោគ ដែលមានអត្រាស្លាប់ មួយភាគបី ចំពោះសត្វដែលឆ្លងវា។
ក្រុមនៃមេរោគនេះ អាចបង្កជារោគសញ្ញាដូចជំងឺផ្តាសាយស្រាល ប៉ុន្តែក៏មានការហូរឈាមច្រើនហួសប្រមាណ និងខ្សោយតម្រងនោមផងដែរ។
លម្អិតអំពីមេរោគថ្មីនេះនៅក្នុងទិនានុប្បវត្តិ Viruses, អ្នកស្រាវជ្រាវដែលដឹកនាំដោយវេជ្ជបណ្ឌិត Sabrina Weiss ប្រធានផ្នែកសុខភាពសាធារណៈ នៅមជ្ឈមណ្ឌលការពារសុខភាពអន្តរជាតិក្នុងទីក្រុងបែរឡាំង ប្រទេសអាល្លឺម៉ង់ បានកត់សម្គាល់ថា សត្វប្រចៀវគ្មានកន្ទុយ គឺគ្របដណ្តប់លើ តំបន់ដ៏ធំ នៃអនុតំបន់សាហារ៉ាអាហ្រ្វិក។
ហើយសត្វប្រភេទនេះ ត្រូវបានគេដឹងថា ស្ថិតនៅខាងក្នុង និងជុំវិញលំនៅដ្ឋានរបស់មនុស្ស ដូច្នេះហើយវាពិតជាមានហានិភ័យ ក្នុងការសាយភាយនៃមេរោគ Kiwira ដល់មនុស្ស។
ការស្រាវជ្រាវនឹងត្រូវធ្វើឡើងក្នុងចំណោមសត្វប្រចៀវនៅក្នុងតំបន់ ដើម្បីយល់កាន់តែច្បាស់អំពីសមាសភាពរបស់វា និងថាតើវាអាចទៅរួចទេក្នុងការដែលមេរោគឆ្លងដល់មនុស្ស៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ អ្នកវិទ្យាសាស្រ្ត៖ ឧប្បទ្ទវហេតុនៅមន្ទីរពិសោធន៍ផ្តល់មូលនិធិដោយអាមេរិក អាចបង្កឲ្យផ្ទុះមេរោគអេបូឡា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ