សុខភាព

ឈឺត្រចៀកនៅរដូវរងាមែនអត់? អាចបណ្ដាល មកពីមូលហេតុទាំងនេះ

បានផុស

៣ years មុន

នៅ

ថ្ងៃចន្ទ ១២ ធ្នូ ២០២២

ដោយ

ឈឺត្រចៀកនៅរដូវរងា ជាបញ្ហាទូទៅមួយដែលគ្នាយើងតែងជួបប្រទះ។ ជាធម្មតា ការឈឺចាប់នេះ កើតឡើងនៅក្នុងត្រចៀក និងបរិវេណជុំវិញ ហើយក៏អាចរាលដាលទៅកាន់ខួរក្បាលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើបញ្ហាឈឺត្រចៀកនៅរដូវរងាបណ្ដាលមកពីអ្វី?

១. ការបង្ករោគ

គ្នាយើងមួយចំនួន ដែលកើតជំងឺផ្ដាសាយធម្មតា ក៏ប្រឈមនឹងបញ្ហាឈឺត្រចៀក។ នេះបណ្ដាលមកពីមានការឆ្លងបាក់តេរីពីបំពង់កទៅផ្នែកកណ្ដាលនៃត្រចៀក។ ក្នុងករណីឆ្លងបាក់តេរី យើងគួរតែពិគ្រោះយោបល់ជាមួយនឹងគ្រូពេទ្យភ្លាមៗ ពីព្រោះស្ថានភាពនេះ អាចនាំឲ្យមានការកកើតឡើងនៃសារធាតុរាវនៅក្នុងត្រចៀកផ្នែកកណ្ដាល។

២. តឹងច្រមុះ

ទន្ទឹមនឹងនេះដែរ ការស្ទះរន្ធខ្យល់ភ្ជាប់ផ្នែកត្រចៀកកណ្ដាលក៏ជាហេតុបង្កឲ្យមានការឈឺចាប់ ដែលតែងតែកើតឡើងជាញឹកញាប់នៅរដូវរងា។

៣. ក្អក និងកណ្ដាស់

រាល់ពេលដែលក្អក ឬកណ្ដាស់ យើងអាចនឹងមានសម្ពាធនៅក្នុងត្រចៀក។ ហេតុនេះហើយ ប្រសិនបើគ្នាយើងខ្លះប្រឈមនឹងជំងឺផ្ដាសាយរ៉ាំរ៉ៃ នោះនឹងធ្វើឲ្យសម្ពាធកាន់តែខ្លាំង ឬបង្កការឈឺចាប់នៅក្នុងត្រចៀកកាន់តែខ្លាំងឡើងដូចគ្នា។

៤. ខ្យល់ត្រជាក់

ជាមួយគ្នានេះដែរ បើយើងកើតមានបញ្ហាឈឺត្រចៀក ក្រោយចេញទៅខាងក្រៅនៅរដូវរងា គឺបណ្ដាលមកពីសរសៃប្រសាទនៅក្នុងរន្ធត្រចៀក ប៉ះពាល់ទៅនឹងខ្យល់ត្រជាក់ និងបង្កឲ្យកើតមានប្រតិកម្មជាការឈឺចាប់ខ្លាំងនៅក្នុង ឬបរិវេណត្រចៀក។

គន្លឹះទាំង៤ ដោះស្រាយបញ្ហាឈឺត្រចៀកនៅរដូវរងា

ដើម្បីបញ្ចៀសបញ្ហាត្រចៀកផ្សេងៗ ប្រការសំខាន់បំផុតគឺយើងត្រូវរក្សាអនាម័យត្រចៀកឲ្យបានល្អ និងអនុវត្តន៍តាមតិចនិកមួយចំនួនខាងក្រោមនេះ៖

គ្របត្រចៀកឲ្យបានជិត ដើម្បីបញ្ចៀសការប៉ះពាល់ទៅនឹងខ្យល់ត្រចៀក ជាពិសេសប្រសិនបើយើងរស់នៅក្នុងតំបន់ដែលត្រជាក់
ជៀសវាងប្រើប្រាស់ថ្នាំបន្តក់ត្រចៀក ដែលមិនមានការណែនាំត្រឹមត្រូវពីគ្រូពេទ្យ
ប្រសិនបើអាការៈឈឺត្រចៀកកើតឡើងដោយសារតែអាកាសធាតុត្រជាក់ គ្នាយើងអាចស្អំកំណាត់ក្ដៅ ឬត្រជាក់
ចាក់ថ្នាំបង្ការជំងឺគ្រុនផ្ដាសាយធំ

អត្ថបទផ្ដល់ដោយ៖Hello Krupet

ចុចអាន៖ប្រុងប្រយ័ត្ន! ប្រើសំឡីជូតក្នុងរន្ធត្រចៀកញឹកញាប់ អាចធ្វើឲ្យស្ទះ ឬគ្រោះថ្នាក់

Related Topics:ត្រចៀក