តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់
Connect with us
Helistar Cambodia - Helicopter Charter Services

KPT+

តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់

បានផុស

នៅ

ក្នុង​កាលៈទេសៈ​រាជ​រដ្ឋាភិបាល​ចេញ​វិធានការ​បិទ​ខ្ទប់​ទីក្រុង​ដើម្បីទប់​ស្កាត់​ការ​រាល​ដាល​វីរុស​កូវីដ​១៩ ​​បាន​តម្រូវ​ឲ្យ​ប្រ​ជា​ពល​រដ្ឋ​នៅ​ក្នុង​ផ្ទះ មិន​ត្រូវ​ចេញ​ក្រៅ​បើ​មិន​ចាំ​បាច់​។ ការ​នៅ​ក្នុង​ផ្ទះ​យូរ​ថ្ងៃ​អាច​ធ្វើ​ឲ្យ​គ្នា​យើង​មាន​អារម្មណ៍​តប់ប្រមល់ និង​អាច​កើត​ស្រេ្ដស​ផង​ដែរ​។ ​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីសាស្រ្ត​ដែល​ល្អ​ក្នុង​ការ​ធ្វើ​ឲ្យ​ខ្លួន​យើង​ធន់​នឹង​ស្ថានភាព​ពេល​នេះ​បាន​គឺ​ការ​ថែទាំ​សុខភាព​របស់​យើង​ឲ្យ​រឹងមាំ​ មិន​មាន​បញ្ហា​ស្ត្រេស​។

១. ហាត់ប្រាណ និង​ញ៉ាំ​អាហារ​ល្អ​ចំពោះ​សុខភាព​​

Asian girl take exercise and workout in living room in holiday Photograph  by Anek Suwannaphoom

វា​ជាការ​សំខាន់​ណាស់​ដែល​យើង​ត្រូវ​បញ្ចេញ​ញើស​ក្នុង​អំឡុង​ពេល​នៅ​តែ​ក្នុង​ផ្ទះ​នេះ វា​មិន​ត្រឹម​តែ​ជួយ​ឲ្យ​រាង​កាយ​យើង​មាន​សុខភាព​ល្អ​ទេ តែ​ការ​ហាត់​ប្រាណ​ក៏​ជួយ​កាត់​បន្ថយ​ស្ត្រេស​ផង​ដែរ​។ ការ​ហាត់​ប្រាណ​បាន​ជា​ប្រចាំ​ត្រឹម​៣០​នាទី​ក្នុង​មួយ​ថ្ងៃ ក៏​ជួយ​ឲ្យ​យើង​មាន​អារម្មណ៍​ល្អ​។ ក្រៅ​ពី​ការ​ហាត់​ប្រាណ គ្នា​យើង​ក៏​គួរ​គេង​ឲ្យ​បាន​គ្រប់​គ្រាន់​ចន្លោះ​ពី​ប្រាំពីរ​ទៅ​ប្រាំ​បី​ម៉ោង​ក្នុង​មួយ​យប់​។

ដូច​គ្នា​ដែរ ក្នុង​ពេល​នេះ យើង​គួរ​កាត់​បន្ថយ​ការ​ញ៉ាំ​អាហារ​កែច្នៃ​ច្រើន ហើយ​ងាក​មក​ញ៉ាំ​​បន្លែ ផ្លែឈើ និង​ផឹក​ទឹក​ឲ្យ​បាន​គ្រប់​គ្រាន់ ដើម្បី​ជួយ​ឲ្យ​ប្រព័ន្ធភាព​ស៊ាំ​របស់​យើង​រឹងមាំ អាច​ប្រឆាំង​នឹង​ជំងឺ​ផ្សេងៗ​បាន​។​​​​

២. រក្សា​ទំនាក់​ទំនង

Premium Photo | Asian young woman talking online to her mother

ថ្វី​បើ​យើង​មិន​អាច​ចេញ​ទៅ​ណា​បាន តែ​យើង​នៅ​មាន​បណ្ដាញ​សង្គម​សម្រាប់​ទាក់​ទង​ជាមួយ​គ្រួសារ​បាន​។ ការ​ចែក​រំលែក​ក្ដី​កង្វល់ ជាមួយ​នរណា​ម្នាក់ ឬ​គ្រួសារ​ នឹង​ជួយ​យើង​កាត់​បន្ថយ​អារម្មណ៍​តាន​តឹង​បាន​។ យ៉ាង​ណា គ្នា​យើង​ត្រូវ​ចាំ​ថា​ ថ្វី​បើ​យើង​អាច​ប្រើ​បណ្ដាញ​សង្គម​សម្រាប់​ទាក់​ទង​គ្នា​មែន តែ​ក៏​មិន​គួរ​ប្រើ​ច្រើន​ពេក​ដែរ ព្រោះ​អាច​នាំឲ្យ​យើង​មាន​អារម្មណ៍​មិន​ល្អ ពេល​ឃើញ​ព័ត៌មាន​ច្រើន​ពី​កូវីដ១៩​។

៣. បង្កើត​ភាព​រីក​រាយ​ក្នុង​គ្រួសារ

Happy Asian Couple Images | Free Vectors, Stock Photos & PSD

ទោះ​មិន​អាច​ចេញ​ក្រៅ​បាន ក៏​យើង​មិន​ត្រូវ​ភ្លេច​ការ​បង្កើត​សកម្មភាព​សប្បាយ​ក្នុង​គ្រួសារ​ដែរ​។ ការ​សម្រាក​ ញ៉ាំ​កាហ្វេ​ជាមួយ​សមាជិក​គ្រួសារ ជជែក​ពីនេះពីនោះ ឬ​លេង​ជាមួយ​កូន សុទ្ធ​តែ​អាច​ជួយ​សម្រួល​​អារម្មណ៍​កុំ​ឲ្យ​យើង​គិត​តែ​រឿង​កូវីដ១៩ នាំ​ឲ្យ​ស្ត្រេស​កាន់តែ​ខ្លាំង​។

៤. កុំ​អាន​ព័ត៌មាន​កូវីដ-១៩ ច្រើនពេក

Premium Photo | Happy young asian woman using digital tablet and feeling  happiness while reading ebook, media book library or study on e-learning  online concept

ការ​តាម​ដាន​ព័ត៌មាន​កូវីដ១៩ ច្រើនពេក​អាច​នាំឲ្យ​យើង​កើត​ស្ត្រេស​ និង​អាច​ហត់​នឿយ​ផង​ដែរ​។ មួយ​វិញ​ទៀត នៅ​លើ​បណ្ដាញ​សង្គម​អាច​មាន​ការ​ផ្សាយ​ពាក្យចចាមអារ៉ាម​ច្រើន​ទាក់ទង​នឹង​កូវីដ១៩ ដែល​នាំឲ្យ​យើង​អាន​ច្រើន​កាន់​តែ​មាន​អារម្មណ៍​មិន​ល្អ។ ក្នុង​ចំណុច​នេះ យើង​គួរ​ចេះ​ជ្រើស​រើស​ព័ត៌​មាន​សម្រាប់​អាន នឹង​ប្រាកដ​ថា​ជា​ព័ត៌មាន​មាន​ប្រភព​ច្បាស់​លាស់ និង​ជឿ​ជាក់​បាន​។​ ផ្ទុយ​ពី​តាម​ដាន​បញ្ហា​កូវីដ១៩ ច្រើន​ ចូរ​ងាក​មក​តាម​ដាន​ព័ត៌មាន​និយាយ​ពី​សុខភាព និង​អាន​ព័ត៌​មាន​​ណា​ដែល​មើល​ទៅ​ហាត់​ផ្ដល់​កម្លាំង​ចិត្ត​ដល់​យើង ជា​ជាង​ឃើញ​តែ​ពី​បញ្ហា​បង្ក​ដោយ​កូវីដ១៩​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កូវីដមិនទាន់ទៅណា! ប្រសិនមានសមាជិក​ក្នុងផ្ទះ​ឆ្លងជំងឺ ត្រូវការពារដោយវិធីទាំងនេះ

ចុចអាន៖ នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services