KPT+

កុំបណ្ដោយខ្លួនឲ្យក្លាយជាមនុស្សឯកោ ប្រយ័ត្នជួបបញ្ហាទាំង ៥នេះ

បានផុស

២ years មុន

នៅ

ថ្ងៃសុក្រ ១ តុលា ២០២១

ដោយ

ភាពឯកោគឺសំដៅលើការនៅតែម្នាក់ឯង គឺជាអារម្មណ៍មួយប្រភេទដែលធ្វើឲ្យយើងមានអារម្មណ៍ថាល្ហល្ហេវ និងមានអារម្មណ៍ថាគ្មានអ្នកណាត្រូវការ។ គ្នាយើងដែលមានអារម្មណ៍ឯកោអាចនឹងមានការលំបាកក្នុងបង្កើតទំនាក់ទំនងជាមួយនឹងអ្នកដទៃ។ ភាពឯកោនេះ ក៏អាចផ្តល់ផលអវិជ្ជមានទៅលើសុខភាពទាំងផ្លូវកាយ និងផ្លូវចិត្តយើងផងដែរ។

១. ជំងឺបាក់ទឹកចិត្ត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាភាពឯកោមានលក្ខណៈខុសពីជំងឺបាក់ទឹកចិត្ត ប៉ុន្តែភាពឯកោត្រូវបានគេចាត់ចូលជារោគសញ្ញាជំងឺបាក់ទឹកចិត្ត។ ការសិក្សាមួយចេញផ្សាយនៅក្នុងព្រឹត្តិបត្រវិទ្យាសាស្ត្រ The Lancet កាលពីខែមករាកន្លងទៅនេះបានរកឃើញថាការផ្តាច់ខ្លួនពីសង្គម គឺជាកត្តាហានិភ័យមួយនៃភាពឯកោ។ ការសិក្សានេះក៏បានឲ្យដឹងទៀតថាអ្នកដែលមានជំងឺបាក់ទឹកចិត្តតែងមានអារម្មណ៍ឯកោជានិច្ច។

២. បង្កឲ្យមានការរលាក

យោងតាមការសិក្សាឆ្នាំ២០១៥ គេរកឃើញថាភាពឯកោអាចមានទំនាក់ទំនងជាមួយនឹងការរលាក។ នេះមកពីភាពឯកោអាចធ្វើឲ្យប្រព័ន្ធភាពស៊ាំចុះខ្សោយ ដែលអាចបង្កការរលាកបន្ថែម និងបណ្ដាលឲ្យមានជំងឺរ៉ាំរ៉ៃផ្សេងៗ។

៣. បង្កើនហានិភ័យជំងឺបេះដូង

Close up sad beautiful asian woman from unrequire love,she think so much about boyfriend,life without love,sad woman heartbreak concept,sad woman concept on dark tone — sorrow, fear - Stock Photo | #316355206

ភាពឯកោអាចបង្កើនហានិភ័យនៃការវិវត្តជំងឺបេះដូង។ ការសិក្សាឆ្នាំ២០១៦ទៅលើសុខភាពបេះដូងបានឲ្យដឹងថាអ្នកដែលមានទំនាក់ទំនងក្នុងសង្គមតិចមានហានិភ័យខ្ពស់រហូតដល់៣០%នៃការមានជំងឺបេះដូង និងជំងឺគ្រោះថ្នាក់សរសៃឈាមខួរក្បាល។ អ្នកស្រាវជ្រាវក៏បានសន្មតថា នេះអាចមកពីកត្តាផ្សេងៗរួមផ្សំដែរ ដូចជាការជក់បារីជាដើម។

៤. ជំងឺលើសសម្ពាធឈាម

គ្នាយើងដែលមានអារម្មណ៍ឯកោងាយប្រឈមនឹងជំងឺលើសសម្ពាធឈាម នេះបើយោងតាមការសិក្សាឆ្នាំ២០១០ចេញផ្សាយនៅក្នុង អត្ថបទ Psychology and Aging។ ទោះបីជាអ្នកវិទ្យាសាស្ត្រមិនទាន់យល់ច្បាស់ពីមូលហេតុ ប៉ុន្តែការសិក្សានេះបានចង្អុលបង្ហាញថា ភាពឯកោអាចទាក់ទងនឹងការផ្លាស់ប្ដូរនៃសរសៃអាកទែរ។

៥. ជំងឺភ្លេចភ្លាំង

Young sad and depressed woman sitting on bed thoughtful and worried about problem or feeling sick and unwell covering face with hands in stress and depression feeling frustrated in pain — overwhelmed,

ភាពឯកោអាចបង្កផលវិបាកមួយចំនួនទៅលើមនុស្សវ័យចំណាស់ ដែលភាពឯកោនេះអាចមកពីការរស់នៅម្នាក់ឯង ឬបាត់បង់សមាជិកគ្រួសារ។ បញ្ហាដែលមនុស្សវ័យចំណាស់ងាយជួបប្រទះគឺ ជំងឺភ្លេចភ្លាំង។ ម៉្យាងទៀត បើសិនមនុស្សវ័យចំណាស់រស់នៅក្នុងបរិយាកាសដែលការប្រាស្រ័យទាក់ទងគ្នាក្នុងសង្គមមានកម្រិត នោះស្ថានភាពជំងឺភ្លេចភ្លាំងរបស់ពួកគាត់នឹងកាត់តែអាក្រក់ទៅៗដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កុំទុកអ្នកមានគុណឲ្យនៅឯកោ ព្រោះពួកគាត់អាចប្រឈមនឹងហានិភ័យខ្ពស់

ចុចអាន៖ មិនសូវមានមិត្ត? បង្កើតមិត្តថ្មី លែងឲ្យខ្លួនឯកោតាមវិធី៥នេះ ធានា!

Related Topics:អារម្មណ៍ឯកា