Connect with us

KPT+

លោក ប៊ុន តឿង ចំណាយពេលជិត ៥ឆ្នាំ និពន្ធសៀវភៅ«ចិត្តសាស្រ្ត និងអត្តចរិតអ្ន​កដឹក​នាំ»

បានផុស

នៅ

រយៈពេលជិត ៥ឆ្នាំ ដែលលោក ប៊ុន តឿង និពន្ធសៀវភៅ “ចិត្តសាស្ត្រនិងអត្តចរិតអ្នកដឹកនាំមានប្រសិទ្ធភាព” ក្នុងគោលបំណង ចែករំលែកនូវចំណេះដឹងដែលមានអត្ថប្រយោជន៍ និងគុណតម្លៃ សម្រាប់មិត្តអ្នកអានទូទៅ ដែលមានកម្រាស់ដល់ ៣៥០ទំព័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ មុននឹងការចាប់ផ្តើមនិពន្ធសៀវភៅ “ចិត្តសាស្ត្រ និងអត្តចរិតអ្នកដឹកនាំមានប្រសិទ្ធភាព” ដែលជា​ស្នាដៃដំបូងនេះឡើង លោកប៊ុន តឿង គឺជាអ្នកគ្រប់គ្រងផ្ទះសំណាក់មួយកន្លែងនៅក្នុងក្រុងសៀមរាប។ ក្រោយបញ្ចប់ការងារជាអ្នកគ្រប់គ្រង លោកក៏ក្លាយអ្នកបង្ហាត់ជំនាញទន់ ដែលហៅថា Soft skill នៅតាមអង្គការ ផ្ទះសំណាក់ និងសណ្ឋារគារផ្សេងៗ រហូតមកដល់បច្ចុប្បន្ន។

នៅឆ្នាំ ២០១៧ ជាឆ្នាំដែលលោកចាប់ផ្តើមតែងនិពន្ធសៀវភៅ។ លោកប៊ុន តឿង បានលើកឡើងថា ការចាប់ផ្តើមនិពន្ធសៀវភៅដំបូងនេះ គឺមានភាពពិបាកដោយសារតែនៅខ្វះបទពិសោធន៍។ ទោះបីជាខ្វះបទពិសោធន៍ តែលោក ប៊ុន តឿង ក៏មានទុនក្នុងការអាន និងជាមនុស្សម្នាក់ចូលចិត្តផ្នែកអក្សរសាស្ត្រតាំងពីវ័យក្មេងមក។ ចំណង់ចំណូលចិត្តនេះហើយ ដែលនាំឱ្យលោក ស្រឡាញ់ការតែងនិពន្ធ។

«កាលពីនៅកុមារ ខ្ញុំតែងតែសន្សំលុយទិញសៀវភៅសម្រាប់អាន ហើយពេលរៀនវិទ្យាល័យ សៀវភៅ ហិតោបតិ ច្បាប់ក្រមង៉ុយ សៀវភៅវេយ្យករណ៍សុភមង្គលជាដើម គឺខ្ញុំតែងតែអាននិងកត់ត្រាជានិច្ច»

ការអានសៀវភៅផ្សេងៗដែលទាក់ទងទៅនឹងចំណេះដឹងទូទៅ ទំនាក់ទំនង ឥរិយាបទរបស់មនុស្ស កត់ត្រាចំណាំផ្សេងៗ បានបណ្តុះគំនិតរបស់លោកឱ្យចាប់ផ្តើមសរសេរសៀវភៅឡើង ដើម្បីចងក្រងជាចំណេះដឹងមួយ ដែលលោកបានស្វែង​យល់អំពីសៀវភៅផ្សេងៗរួមផ្សំជាមួយបទពិសោធន៍របស់ខ្លួនផ្ទាល់។

សៀវភៅ “ចិត្តសាស្រ្តនិងអត្តចរិតអ្នកដឹកនាំមានប្រសិទ្ធភាព” ដែលលោក ប៊ុន តឿង បានសរសេរឡើងនេះ បញ្ជាក់ថា លោកបានប្រមូលខ្លឹមសារផ្សេងៗពីអានសៀវភៅ បកប្រែពីបរទេសដូចជា ណាប៉ូឡេអុងហិល រូបឺតសេនីន អាប្រាហាម​លីនតុន ជាដើម ដោយប្រមូលគំនិតទ្រឹស្តីចេញពីសៀវភៅទាំងនោះ មកចងក្រងជាថ្មីក្នុងសៀវភៅរួមមួយ ដើម្បីកាន់​តែងាយ និងកាន់តែយល់ច្បាស់បន្ថែមទៀត។

ពាក់ព័ន្ធវិស័យតែងនិពន្ធ នៅស្រុកខ្មែរ អ្នកនិពន្ធថ្មីរូបនេះ យល់ឃើញថា ភាគច្រើនតែងនិពន្ធបែប ប្រលោមលោកស្នេហា ដែលទទួលបានការពេញនិយមពីសំណាក់យុវវ័យ។ ប៉ុន្តែលោកចង់ឱ្យមនុស្សគ្រប់វ័យ គួរតែស្វែងយល់ឱ្យបានកាន់តែ​ច្រើនទៀត ពីចំណេះដឹងដែលទាក់ទងទៅនឹងកិច្ចការងារការទូត ចិត្តសាស្ត្រ នយោបាយ និងជំនាញ Soft skill ផ្សេងៗ ដែលប្រើប្រាស់ជាប្រយោជន៍ បាននៅក្នុងសង្គមជីវភាពរស់នៅសព្វថ្ងៃ។

នាពេលបច្ចុប្បន្ន លោកប៊ុន តឿងទើបតែនិពន្ធសៀវភៅបានតែមួយក្បាលប៉ុណ្ណោះ ហើយបានបោះពុម្ព ផ្សាយចំនួន​ពីរលើក ដោយលើកទីមួយបោះពុម្ពបានចំនួន៣០០ក្បាល និងលើកទី២បាន ១០០០ក្បាល៕ នាង រតនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

ស្ពានអាកាសច្រមុះជ្រូកក្បាលថ្នល់ គ្រោងដាក់ប្រើប្រាស់បណ្ដោះអាសន្ន ជាង ៧០ ថ្ងៃទៀត

ព័ត៌មានជាតិ៣២ នាទី មុន

កម្ពុជា បានផ្គត់ផ្គង់សាច់សត្វ ៣៣០ពាន់តោន នៅក្នុងឆ្នាំ ២០២៣

នយោបាយ៤៩ នាទី មុន

បក្សកម្លាំងជាតិ ចាត់ទុកបក្សភ្លើងទៀន កំពុងដើរលើផ្លូវនយោបាយផ្ដាច់ការ គំរាមកំហែងលើអង្គបោះឆ្នោត  

ព័ត៌មានអន្ដរជាតិ៥២ នាទី មុន

តុលាការ មីយ៉ាន់ម៉ា ចេញបញ្ជាឲ្យដាក់លក់ផ្ទះវីឡាលោកស្រី អ៊ុងសាន ស៊ូជី តម្លៃចាប់ពី ៩០ លានដុល្លារ

ជីវិតកម្សាន្ដ១ ម៉ោង មុន

ភ្នាក់ងារ Rain បញ្ចាក់ផ្លូវការ ក្រោយធ្លាយចចាមអារ៉ាមថា លោកត្រូវគេប្តឹងពីបទឆបោកប្រាក់ ៦.៣ លានដុល្លារ

Sokha Hotels

ព័ត៌មានពេញនិយម