ដឹងប្រវត្តិបវរកញ្ញាអាមេរិកទើបច្បាស់ថា ពិតជាសក្តិសមឈ្នះមកុដ Miss Grand International

ការប្រកួតប្រជែងសម្រស់ក្នុងវគ្គផ្តាច់ព័ត្រ Miss Grand International ត្រូវបានបញ្ចប់ទៅកាលពីសប្ដាហ៍មុន ដោយម្ចាស់មកុដប្រចាំឆ្នាំបានទៅលើបវរកញ្ញាតំណាងសហរដ្ឋអាមេរិក កញ្ញា Abena Appiah។

ក្រោយប្រកាសលទ្ធផល Abena Appiah ហាក់រងការរិះគន់ចាស់ដៃដែរ ព្រោះរូបរាង ពណ៌សម្បុររបស់នាងមិនសូវស្រស់ស្អាត។

ទោះយ៉ាងណា Abena Appiah មិនមែនជាប់ជាម្ចាស់ជយលាភី ដោយសារតែរូបសម្រស់ប៉ុណ្ណោះទេ ប៉ុន្តែសមត្ថភាពនិងទេពកោសល្យរបស់នាង​ទៅវិញទេ​ដែលរុញច្រានបវរកញ្ញារូបនេះឱ្យដណ្ដើមបានមកុដកញ្ញាឯក។

តោះ! ងាកក្រោយ ទៅមើលបទ​ពិសោធន៍​និង​ទេព​កោសល្យ​ម្ចាស់​មកុដ Miss Grand International 2020 បន្តិចមើល យ៉ាងណាដែរ!

Abena Appiah ឈ្មោះពេញ Evelyn Abena Appiah អាយុ ២៧ ឆ្នាំ ជាជនជាតិអាហ្វ្រិក-អាមេរិកាំង រស់នៅសហរដ្ឋអាមេរិក។ នាងជានិស្សិតផ្នែកម៉ូដ នៅសកលវិទ្យាល័យ Radford ​ទីក្រុង Accra ក្នុងប្រទេសហ្គាណា។ នាងបានទទួលការអប់រំនៅវិទ្យាល័យ សហរដ្ឋអាមេរិក និងបានបញ្ចប់បរិញ្ញាប័ត្រវិទ្យាសាស្ត្រនិងគមនាគមន៍ នៅប្រទេសហ្គាណា។

Abena Appiah ធ្លាប់​ជា​បេក្ខភាព​តំណាង​ឱ្យ​ប្រទេស​ហ្គា​ណាក្នុងការ​ប្រកួត​ជា​ច្រើនដូចជា ​ Miss Universe ឆ្នាំ ២០១៤ Miss Earth ឆ្នាំ ២០១៩​ ​កម្ម​វី​ធី Queen Beauty ក្នុងឆ្នាំ ២០១២ និងឈ្នះ Top Model Ghana ក្នុងឆ្នាំ ២០១៣ ផងដែរ។

នាងជាតា​រា​ម៉ូ​ឌែលតាំងតែពីក្មេងម្ល៉េះ ហើយធ្លាប់​ចូលរួម​ក្នុង​កម្មវិធី​បង្ហាញ​ម៉ូ​ដ​ជាមួយកម្មវិធីធំៗរួមមាន Contour Fashion Week, New York Fashion Week, Vlisco, Woodin, Da Viva និង GTP​។

Miss Grand International 2020 រូបនេះ ជាអតីតបេក្ខនារីប្រកួត X Factor ប៉ុន្តែនាងមិនបានប្រឡងចប់ចុងចប់ដើមឡើយ ដោយសារប៉ះពាល់ដល់ការសិក្សា។ បន្ថែមពីលើការដើរម៉ូដ Abena Appiah ក៏មានមាន​សមត្ថភាព​​​ច្រៀង​ ​និពន្ធ​ចម្រៀង ​លេង​ហ្គី​តា​ឧបករណ៍​ផ្លុំ Recorder និង Clarinet យ៉ាង​ស្ទាត់ជំនាញ​។

បច្ចុប្បន្ន នាងចេញបទចម្រៀងបាន ៥ បទ ហើយចំណូលបានមកពីការចេញអាល់ប៊ុមដំបូងរបស់នាង Abena Appiah បានបង្កើតឱកាសសម្រាប់ស្ត្រីនិងក្មេងស្រីវ័យក្មេងរបស់ហ្គាណាតាមរយៈសាលារៀន។

កាលនៅរៀន Abena Appiah ត្រូវ​គេ​ធ្វើបាប​ចំអក​មើលងាយពីសម្បុរ រូបរាង និងមុខមាត់ ដោយគេប្រដូចនាងទៅនឹងស្វាខ្មៅ។ ​ នេះបើតាមអ្វីដែលនាង​បានបង្ហោះ​លើ​បណ្តាញ Instagam របស់នាង។ ទោះយ៉ាងណា ​ Abena Appiah នៅ​តែ​អាច​ជម្នះ​លើ​វា​បាន រហូត​ក្លាយជា​បវរ​កញ្ញាឯកដោយនាងនិយាថា “ឥឡូវ​ខ្ញុំ​ដឹង​ថា​អ្វី​ៗ​អាច​ធ្វើ​ទៅ​បាន​ដរាបណា​អ្នក​ជឿជាក់ ហើយ​ប្តេជ្ញា​ថា​នឹង​សម្រេច​វា​។ គ្មាន​នរណា​ម្នាក់​អាច​បញ្ឈប់​អ្នក​បាន​ឡើយ​”​។

ដោយឡែក សំណួរចុងក្រោយដែលធ្វើឱ្យបវរកញ្ញាអាមេរិករូបនេះ អាចឈ្នះពានគឺ ប្រសិនជាសល់វ៉ាក់សាំងកូវីដ១៩ មួយចុងក្រោយ​ តើនាងនិងឲ្យទៅក្មេងអាយុ១៥ឆ្នាំ ឬក៏មនុស្សចាស់អាយុ៧០ឆ្នាំ?

Abena Appiah បានឆ្លើយបប្រកបដោយភាពជឿជាក់ថា “បើសល់វ៉ាក់សាំងមួយចុងក្រោយ ខ្ញុំនឹងឲ្យទៅកាន់ក្មេង​ ព្រោះក្មេងជាអនាគតរបស់ពិភពលោក ពួកគេនឹងធ្វើឲ្យពិភពលោកជាកន្លែងកាន់តែប្រសើរជាងមុន”៕

ប្រែសម្រួល៖ សន្យា

ប្រភព៖ rappler

​ចុចអាន៖ តារា​ស្រី​ថៃ ៤ រូប មាន​ឱកាស​ក្លាយ​ជា​ទូត​សុឆន្ទៈ ប្រេន​ល្បីៗ​លំដាប់​អន្តរជាតិ ក្នុង​ឆ្នាំ ២០២១

ចុចអាន៖ កំពូល​តារា ​K-Pop ​ទាំង ​១៥រូប ​បានក្លាយ​ជាឯក​អគ្គរដ្ឋទូត​ឱ្យប្រេន​ម៉ាក​ល្បីទាំង ​១២​