Connect with us

ព័ត៌មានជាតិ

ក្រុមហ៊ុនវៀតណាមគ្រោងសាងសង់រីសតតម្លៃ ១,៣ ប៊ីលាន​ដុល្លារ​​ នៅកោះភូកុក

បានផុស

នៅ

ក្រុមហ៊ុន Enclave Phu Quoc ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនសំណង់​វៀតណាម ThaiGroup គ្រោង​សាងសង់​រីសត និងអគារលំនៅដ្ឋានដ៏ធំនៅលើកោះត្រល់ ឬភូកុក ក្នុងទំហំវិនិយោគប្រមាណ ​៣៤ ​ទ្រីលានដុង (១,៣ ប៊ីលានដុល្លារអាមេរិក)។ នេះបើតាមការចុះផ្សាយរបស់់កាសែត VnExpress កាលពីថ្ងៃអង្គារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសំណើដែលបានដាក់ជូនទៅអាជ្ញាធរពាក់ព័ន្ធវៀតណាមដើម្បីទទួលបាន​ការអនុម័ត​ ក្រុមហ៊ុន Enclave បានឱ្យដឹងថា គម្រោងរបស់ខ្លួនគ្របដណ្ដប់លើផ្ទៃដីប្រមាណ ១៩៦ ហិចតា។

គម្រោងដដែល កំពុងស្ថិតនៅដំណាក់កាល​វាយតម្លៃសម្រាប់ផលប៉ះពាល់បរិស្ថាន ហើយ​នឹងកំណត់ផ្ទៃដីចំនួន ២៦ ហិកតា សម្រាប់​រីសត និងសេវាថែទាំសុខភាព ​ខណៈ​តំបន់ដែលនៅសល់នឹងត្រូវធ្វើវីឡា ផ្ទះអាជីវកម្ម អគារអាផាតមិន និងសណ្ឋាគារ។

គេមើលឃើញថា កោះភូកុក ​ក្លាយជាគោលដៅទេសចរណ៍កំពូលមួយរបស់ប្រទេសវៀតណាម ដោយ​សារ​តែ​ឆ្នេរខ្សាច់វែងៗ និងសមុទ្រដ៏​ខៀវ​ស្រងាត់។

កោះនេះបានទាក់ទាញភ្ញៀវទេសចរបរទេសជិត ១,៦ លាននាក់ ក្នុង​រយៈពេល ១១ ខែដំបូង​ ឆ្នាំ ២០២៥ ដោយ​កើនឡើង ៨០,៩% ធៀបនឹង​រយៈពេលដូចគ្នាកាលពីឆ្នាំមុន៕

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម