ភ្លៀងមួយមេលាយឡំខ្យល់កន្ត្រាក់រលំផ្ទះប្រជាពលរដ្ឋ​៣៣ខ្នងនៅបន្ទាយមានជ័យ

ផ្ទះប្រជាពលរដ្ឋចំនួន៣៣ខ្នង និងសាលារៀន២ខ្នងនៅក្រុងសិរីសោភ័ណ ស្ទើររលំរាបដល់ដីដោយសារខ្យល់កន្ត្រាក់ពេលភ្លៀងមួយមេនៅវេលាម៉ោង ៦ ល្ងាច ថ្ងៃទី២១ ខែមេសា ឆ្នាំ២០២១ នៅសង្កាត់ទឹកថ្លាក្រុងសិរីសោភ័ណ ខេត្តបន្ទាយមានជ័យ។

លោកហុឹលរ៉ាយ៉ា អភិបាលក្រុងសិរីសោភ័ណបានប្រាប់អ្នកយកព័ត៍មានឱ្យដឹងថានៅវេលាម៉ោង៦ល្ងាចនោះមានភ្លៀងធ្លាក់លាយឡំនិងខ្យល់កន្ត្រាក់បោកបក់ចំសង្កាត់ទឹកថ្លាក្រុងសិរីសោភ័ណ ខេត្តបន្ទាយមានជ័យ បង្កខូចខាតផ្ទះសម្បែងពលរដ្ឋ៣៣ខ្នង សាលារៀន២ខ្នងនៅសង្កាត់ទឹកថ្លា ជាយខាងលិចក្រុងសិរីសោភ័ណ។

អភិបាលក្រុងសិរីសោភ័ណ បានដឹកនាំកម្លាំងចុះ ជួយរុះរើសំណង់ខូចខាតនិងសម្រួលទីជម្រកបណ្តោះអសន្នជូនពល​រដ្ឋរងគ្រោះនិងវាយតម្លៃផលប៉ះពាល់ដើម្បីអាជ្ញាធរនិងកងកម្លាំងត្រៀមជួសជុលជូននៅថ្ងៃទី ២២ ខែមេសានេះ។យ៉ាងណាក៏ដោយ គ្រោះធម្មជាតិដ៏កាចសាហាវនេះពុំមានមនុស្សរងគ្រោះនិងស្លាប់ដោយសារផ្ទះរលំសង្កត់លើនោះឡើយ ៕

អត្ថបទ៖ វ៉ាន់ ណា