ព័ត៌មានជាតិ
រដ្ឋបាលសង្កាត់ទួលសង្កែទី ១ ស្ថាបនាផ្លូវបេតុងអាមេ ១៦២ ម៉ែត្រ ក្នុងភូមិទួលសង្កែ
កាលពីព្រឹកថ្ងៃទី ១០ ខែកុម្ភៈ ឆ្នាំ ២០២៦ នេះ រដ្ឋបាលសង្កាត់ទួលសង្កែទី ១ ដឹកនាំដោយលោកស្រី រាជ ផាវឿន ចៅសង្កាត់ទួលសង្កែទី ១ និងលោក ប៉ែន ស៊ីមាន សមាជិកក្រុមប្រឹក្សាសង្កាត់ ព្រមទាំងមន្ត្រីសង្កាត់ពាក់ព័ន្ធ បានចុះពិនិត្យសកម្មភាពការដ្ឋានជួសជុលផ្លូវបេតុងអាមេ ឆ្អឹងដែក ដែលកំពុងដំណើរការអនុវត្តជាក់ស្តែងក្នុងមូលដ្ឋាន។
ការជួសជុលផ្លូវខាងលើ មានប្រវែងសរុប ១៦២ ម៉ែត្រ ទទឹង ៦,៥០ ម៉ែត្រ និងកម្រាស់ ០,១៥ ម៉ែត្រ ស្ថិតនៅច្រកផ្លូវលំ ក្រុមទី ៧ ភូមិទួលសង្កែ សង្កាត់ទួលសង្កែទី ១ ខណ្ឌឫស្សីកែវ ដែលជាគម្រោងអភិវឌ្ឍន៍ហេដ្ឋារចនាសម្ព័ន្ធក្រោមមូលនិធិអភិវឌ្ឍន៍របស់រដ្ឋបាលសង្កាត់ ក្នុងគោលបំណងលើកកម្ពស់គុណភាពជីវភាព និងភាពងាយស្រួលក្នុងការធ្វើដំណើររបស់ប្រជាពលរដ្ឋ។
ជាលទ្ធផល នៃការចុះពិនិត្យបានឃើញថា ការដ្ឋានបានអនុវត្តសកម្មភាពចាក់បេតុងរួចរាល់ប្រវែង ៦៥ ម៉ែត្រ ហើយក្រុមការងារកំពុងបន្តធ្វើការចងដែក ដាក់ក្តារពុម្ព និងរៀបចំដំណើរការបន្ត រហូតដល់បញ្ចប់គម្រោងឱ្យបានរួចរាល់ជាស្ថាពរ តាមផែនការកំណត់។
ក្នុងឱកាសនោះ លោកស្រីចៅសង្កាត់ទួលសង្កែទី ១ បានណែនាំដល់អ្នកទទួលការជួសជុលផ្លូវ ឱ្យយកចិត្តទុកដាក់ខ្ពស់លើការលាយបេតុង កម្រាស់បេតុង និងបច្ចេកទេសសំណង់ ឱ្យបានត្រឹមត្រូវតាមស្តង់ដារ ដើម្បីធានាគុណភាព និងអាយុកាលប្រើប្រាស់បានយូរអង្វែង។ ជាពិសេស លោកស្រីបានណែនាំឱ្យដាក់ស្លាកសញ្ញាបញ្ចៀសយានយន្តគ្រប់ប្រភេទ ឆ្លងកាត់តំបន់ការដ្ឋានជាបណ្តោះអាសន្ន ដើម្បីរក្សាសុវត្ថិភាពជូនប្រជាពលរដ្ឋ និងបុគ្គលិកសំណង់ ខណៈការដ្ឋានកំពុងស្ថាបនាផ្លូវ៕
អត្ថបទ ៖ សំណាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ