មន្ទីរធនធានទឹក ខេត្តប៉ៃលិន ប្រកាសឲ្យពលរដ្ឋប្រុងប្រយ័ត្នពីស្ថានភាពអាកាសធាតុប្រែប្រួល

មន្ទីរធនធានទឹក និងឧតុនិយម ខេត្តប៉ៃលិល នៅព្រឹកថ្ងៃទី១ ខែកក្កដា ឆ្នាំ២០២៦នេះ បានប្រកាសឲ្យប្រជាពលរដ្ឋនៅទូទាំងក្នុងខេត្តទាំងអស់ត្រូវប្រុងប្រយ័ត្នពីស្ថានភាពអាកាសធាតុប្រែប្រួលចាប់ពីថ្ងៃទី២ ដល់ថ្ងៃទី៧ ខែកក្កដា ដែលអាចនឹងធ្វើឲ្យមានភ្លៀងផ្គររន្ទះលាយឡំជាមួយខ្យល់បោកបក់ខ្លាំង។

ការដែលចេញមកប្រកាសឲ្យប្រជាពលរដ្ឋប្រុងប្រយ័ត្នបែបនេះ ក៏ដោយសារជ្រលងនៃវិសម្ពាធមានឥទ្ធិពលមកលើខេត្តប៉ៃលិន អាចនឹងបង្កឲ្យធាតុអាកាសមានពពកច្រើនដេរដាស មានភ្លៀងធ្លាក់លាយឡំជាមួយផ្គររន្ទះ ក្នុងកម្រិតពីតិចទៅមធ្យម សីតុណ្ហភាពមានចន្លោះពី ២៧% ទៅ ៣៧% ខ្យល់បក់មកពីទិសនិរតី ល្បឿនពី ២ទៅ ៥ម៉ែត្រក្នុង១វិនាទី និងមានខ្យល់បក់ខ្លាំងក្នុង ល្បឿនពី ៧ទៅ ១១ម៉ែត្រក្នុង១វិនាទី។

ដើម្បីជៀសវាងពីគ្រោះថ្នាក់ផ្សេងៗដែលអាចកើតមានជាយថាហេតុ មន្ទីរធនធានទឹក និងឧតុនិយម ខេត្តប៉ៃលិន បានប្រកាសឲ្យប្រជាពលរដ្ឋ និអសាធារណជនមេត្តាយកចិត្តទុកដាក់ និងប្រុងប្រយ័ត្នខ្ពស់អំពីស្ថានភាព អាកាសធាតុប្រែប្រួល ភ្លៀងផ្គររន្ទះ លាយឡំជាមួយខ្យល់បោកបក់ខ្លាំង៕