ព័ត៌មានជាតិ

នៅរាជធានីភ្នំពេញនឹងបញ្ចប់ការចាក់វ៉ាក់សាំងរួចរាល់ដំណាច់ខែក្រោយ

បានផុស

៥ years មុន

នៅ

ថ្ងៃសុក្រ ២១ ឧសភា ២០២១

ដោយ

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល រំពឹងថា ខណ្ឌទាំង១៤នៅរាជធានីភ្នំពេញ នឹងអាចចាក់បានរួចរាល់នៅដំណាច់ខែមិថុនាខាងមុខនេះ ខណៈដែលខណ្ឌមួយចំនួន បានបញ្ចប់ដូសទី២ជាបណ្តើរៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ឱ វណ្ណឌីន ឱ្យដឹងថា នៅរាជធានីភ្នំពេញក្រុមគ្រូពេទ្យ កំពុងតែសម្រុកការស្រោចវ៉ាក់សាំង ជូនទៅដល់បងប្អូនប្រជាពលរដ្ឋ ដោយអាស្រ័យលើចំនួនវ៉ាក់សាំងដែលមកដល់ដោយកន្លងទៅបានចាប់ផ្ដើមជំហានដំបូងគឺចំនួន៤ ខណ្ឌ ដែលជាតំបន់ក្រហម ក្រោយមកទៀតយើងទទួលបានវ៉ាក់សាំងថែមទៀតយើងបានផ្គត់ផ្គង់ទៅកងទ័ពដើម្បីចាក់នៅពីរខណ្ឌទៀត ខណ្ឌឬស្សីកែវ និងខណ្ឌទួលគោក ដែលបច្ចុប្បន្នកំពុងតែចាក់នៅខណ្ឌទាំងពីរនេះ។

លោកជំទាវបន្តថា នៅថ្ងៃទី ១៦ ខែឧសភាកន្លងទៅ យើងក៏ទទួលបានវ៉ាក់សាំងមួយចំណែកទៀត ដូច្នេះយើងក៏បើកយុទ្ធនាការជាបន្តសម្រាប់ខណ្ឌ២ ទៀត គឺខណ្ឌបឹងកេងកង និងខណ្ឌសែនសុខ ដែលចាប់ផ្តើមចាក់តាំងពីថ្ងៃទី១៨ ខែឧភា ឆ្នាំ២០២១។

លោក ជំទាវ ឱ វណ្ណឌីន បានបញ្ជាក់ថា នៅថ្ងៃខាងមុខ នៅពេលដែលមានវ៉ាក់សាំងមកដល់ជាបន្តទៀតយើងនឹងបើកយុទ្ធនាការបន្តទៀតទៅដល់ខណ្ឌដែលនៅសេសសល់ ដូច្នេះអាស្រ័យទៅលើចំនួនវ៉ាក់សាំងដែលមកដល់ប្រសិនបើវ៉ាក់សាំងមកច្រើន យើងក៏ចាក់បានច្រើន ហើយរំពឹងថា ខណ្ឌទាំង១៤នៅរាជធានីភ្នំពេញ នឹងអាចចាក់បានរួចរាល់នៅដំណាច់ខែមិថុនាខាងមុខនេះ ខណៈដែលខណ្ឌមួយចំនួន បានបញ្ចប់ដូសទី២ជាបណ្តើរៗរួចទៅហើយ។

គិតត្រឹមថ្ងៃទី២០ខែឧសភា ចំនួនអ្នកចាក់វ៉ាក់សាំងការពារជំងឺកូវីដ១៩ នៅទូទាំងប្រទេសបានកើនដល់ ២១.៩៩ ភាគរយ ស្មើនឹង២ ១៩៨ ៥៤៧ នាក់៕

អត្ថបទ៖ ឡេង ដេត

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា