ភ្លៀងលាយឡំនឹងខ្យល់កន្ត្រាក់នៅខេត្តឧត្តរមានជ័យបណ្តាលឲ្យផ្ទះប្រជាពលរដ្ឋ០១ខ្នងដួលរលំទាំងស្រុង

នៅវេលាម៉ោង៧ និង៣០នាទី ថ្ងៃទី២៦ ខែឧសភា ឆ្នាំ២០២១ កំលាំងមូលដ្ឋានកងរាជអាវុធហត្ថស្រុកអន្លង់វែងចំនួន០៣នាក់ ដឹកនាំដោយ លោក អនុសេនីយ៍ឯក ហើន សំបោន មេបញ្ជាការរងស្រុកអន្លង់វែងចុះពិនិត្យផ្ទះរបស់ប្រជាពលរដ្ឋ០១ខ្នង ដែលបានទទួលរងគ្រោះ ដួលរលំ ដោយសារភ្លៀងលាយឡំនិងខ្យល់កន្រ្តាក់ ស្ថិតនៅភូមិស្វាយចេក ឃុំថ្លាត ស្រុកអន្លង់វែង ខេត្តឧត្តរមានជ័យ។

អាវុធហត្ថស្រុកបានឲ្យដឹងថា ម្ចាស់ ឈ្មោះ អូន សុខឡេង ភេទប្រុស អាយុ៤៣ឆ្នាំ (ជាបុរសពោះម៉ាយ) មានមុខរបរជាងសិប្បកម្ម តុ .ទូ រស់នៅក្នុង ភូមិ ឃុំ ខាងលើ ក្នុងពេលកើតហេតុ ម្ចាស់មិនបានស្នាក់នៅផ្ទះឡើយ។

សម្ភារៈខូចខាតរួមមាន ផ្ទះទំហំ ទទឹង០៥ម៉ែត្រ បណ្តោយ០៦ម៉ែត្រ ធ្វើអំពីឈើប្រក់ស័ង្កសី និងសម្ភារៈប្រើប្រាស់មួយចំនួនទៀត៕

អត្ថបទ៖ ចាន់ ធី