ព័ត៌មានជាតិ

រដ្ឋបាលខណ្ឌមានជ័យបញ្ឈប់កម្លាំងសណ្តាប់ធ្នាប់ដែលធ្វើខុសនីតិវិធីណែនាំ

បានផុស

៥ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ភ្នំពេញ៖ បន្ទាប់ពីមានការចុះផ្សាយ និងចែករំលែកអំពីសកម្មភាពរបស់កម្លាំសណ្តាប់ធ្នាប់ខណ្ឌមានជ័យចុះចាប់អីវ៉ាន់អ្នកលក់ដូរនៅតាមបណ្តោយផ្លូវផ្សារ លឹម ឈាងហាក់ ក្នុងសង្កាត់ស្ទឹងមានជ័យ៣ ភ្លាមៗនោះរដ្ឋបាលខណ្ឌមានជ័យបានបើកកិច្ចប្រជុំពិនិត្យលើករណីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសព័ត៌មានបានបញ្ជាក់ថា ក្រោយបើកកិច្ចប្រជុំពិនិត្យលើករណីនេះ រដ្ឋបាលខណ្ឌមានជ័យយល់ឃើញថាការអនុវត្តន៍របស់កម្លាំងសណ្តាប់ធ្នាប់នៅម្តុំផ្សារ លឹម ឈាងហាក់ គឺខុសនីតិវិធីណែនាំរបស់ថ្នាក់ដឹកនាំ។

ចំពោះកម្លាំងសណ្តាប់ធ្នាប់ដែលពាក់ព័ន្ធនោះ រដ្ឋបាលខណ្ឌសម្រេចបញ្ឈប់ពីភារកិច្ចចាប់ពីពេលនេះតទៅ។ចំណែកអ៊ីវ៉ាន់ដែលបានចាប់យកទាំងអស់ត្រូវប្រគល់ជូនម្ចាស់ដើមវិញ៕

អត្ថបទ៖ ចាន់រ៉ា