ព័ត៌មានជាតិ
រយៈពេល៧ថ្ងៃចុងក្រោយ កម្ពុជាមានអ្នកឆ្លងកូវីដ១៩ ដល់ទៅជាង៤ពាន់នាក់
ក្នុងរយៈពេល៧ថ្ងៃចុងក្រោយនេះ អត្រាឆ្លងជំងឺកូវីដ‑១៩នៅកម្ពុជាបានហក់ខ្ពស់ឡើងវិញ ចាប់ពីខ្ទង់ជិត៥០០នាក់រហូតដល់ជាង៦០០នាក់ក្នុង១ថ្ងៃៗ ខណៈកាលពី១សប្តាហ៍មុនមានអ្នកឆ្លងត្រឹមតែជាង៣០០នាក់ទៅ៤០០នាក់ប៉ុណ្ណោះ។
យោងតាមរបាយការណ៍របស់ក្រសួងសុខាភិបាលបានឱ្យដឹងថា រយៈពេល៧ថ្ងៃចុងក្រោយនេះចាប់ពីថ្ងៃទី២២រហូតមកដល់ថ្ងៃទី២៨ឧសភានេះ មានអ្នកឆ្លងប្រមាណជាង៤ពាន់នាក់ ក្នុងនោះនៅថ្ងៃទី២២ឧសភាមាន៤៨៨នាក់ ថ្ងៃទី២៣ឧសភា មាន៥៦០នាក់ ថ្ងៃទី២៤ឧសភា មាន ៥៤០ ថ្ងៃទី២៥ឧសភា មាន ៥៦៨នាក់ ថ្ងៃទី២៦ ឧសភា មាន ៦៦០នាក់ ថ្ងៃទី២៧ឧសភា មាន ៦៤៩នាក់និងថ្ងៃទិ២៨ឧសភានេះមាន ៥៩៩ នាក់។
បើតាមក្រសួងសុខាភិបាលការកើនឡើងនៃចំនួនអ្នកឆ្លងជំងឺកូវី‑១៩នេះភាគច្រើនឆ្លងទៅលើកម្មករកម្មការិនីរោងចក្រនិងពលករខ្មែរដែលវិលត្រឡប់មកពីប្រទេសថៃ។
នៅតាមបណ្តាខេត្តមួយចំនួនមានកម្មករកម្មការិនីរោងចក្របានឆ្លងជាបន្តបន្ទាប់ដូចជានៅរាជធានីភ្នំពេញ ខេត្តកំពង់ចាម ស្វាយរៀង តាកែវ កំពង់ស្ពឺ ព្រះសីហនុ និងខេត្តកណ្តាលជាដើមបូករួមទាំងពលករធ្វើដំណើរមកពីប្រទេសថៃ។ ចំណែកខេត្តនៅជាប់ព្រំដែនកម្ពុជាថៃវិញរួមមានខេត្តបាត់ដំបង បន្ទាយមានជ័យនិងឧត្តរមានជ័យមាពលករមកពីប្រទេសថៃឆ្លងច្រើនរួមទាំងអ្នកធ្វើដំណើរពីតំបន់ដែលមានហានិភ័យខ្ពស់ផងដែរដូចជារាជធានីភ្នំពេញនិងខេត្តព្រះសីហនុ។
ជាក់ស្តែងនៅថ្ងៃទី២៨ខែឧសភាឆ្នាំ២០២១នេះក្រសួងសុខាភិបាលបានប្រកាសរកឃើញរកឃើញអ្នកឆ្លងថ្មីចំនួន៥៩៩នាក់ក្នុងនោះជាករណីឆ្លងសហគមន៍ចំនួន៥៧៤នាក់ និងអ្នកដំណើរមកពីបរទេសចំនួន២៥នាក អ្នកជាសះស្បើយចំនួន៥០២នាក់ និងស្លាប់ចំនួន០២នាក់។
គួរបញ្ជាក់ថាគិតត្រឹមព្រឹក ថ្ងៃទី២៨ ខែឧសភា ឆ្នាំ២០២១ កម្ពុជាមាន អ្នកឆ្លងជំងឺកូវីដ‑១៩សរុបចំនួន២៨២៣៧នាក់ អ្នកជាសះស្បើយចំនួន២០៩០០នាក់និងអ្នកស្លាប់ចំនួន១៩៦នាក់៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)