Connect with us

ព័ត៌មានជាតិ

ចាប់​ពី​ស្អែក​នេះ កម្ពុជា​​រង​ឥទ្ធិពល​ខ្យល់​មូសុង មាន​កូន​ព្យុះ​ សូម​បងប្អូនជ្រាប​ជា​ព័ត៌មាន​

បានផុស

នៅ

ក្រសួង​ធនធានទឹកនិង​ឧតុនិយម​បាន​ជូន​ដំណឹង​ពី​​អាកាស​ធាតុ​ ដែល​កម្ពុជា​នឹង​រង​ឥទ្ធិពល​ពីខ្យល់​មូសុង និង​ជ្រលង​នៃ​កូន​ព្យុះ​ឈ្មោះ កូហ្គូម៉ា ដែល​បង្ក​ឲ្យ​ាមានភ្លៀង​ផ្គរ​​ធ្លាក់​រាយប៉ាយ​ទូទាំង​ប្រទេស។

ក្នុង​សេចក្តី​ជូន​ដំណឹង​បាន​បញ្ជាក់លម្អិត​ថា៖

-នៅថ្ងៃទី ៩-១២ ខែមិថុនា ឆ្នាំ២០២១ ព្រះរាជាណាចក្រកម្ពុជានឹងទទួលឥទ្ធិពលពីខ្យល់មូសុង និរតីខ្លាំង និងប្រព័ន្ធសម្ពាធទាប ។

– នៅថ្ងៃទី១៣-១៥ ខែមិថុនា ឆ្នាំ២០២១ ព្រះរាជាណាចក្រកម្ពុជា នឹងទទួលឥទ្ធិពលពីខ្យល់មូសុង និរតីខ្លាំង និងជ្រលងនៃកូនព្យុះឈ្មោះ កូហ្គូម៉ា លើកទី៤ TS KOGUMA 2104 ។

ស្ថានភាពបែបនេះនឹងធ្វើឲ្យ ៖

១-បណ្តាខេត្តនៅតំបន់វាលទំនាបកណ្ដាល ៖

– សីតុណ្ហភាពអប្បបរមា មានពី ២៣-២៦ °C
– សីតុណ្ហភាពអតិបរមា មានពី ៣១-៣៤ °C
– មានភ្លៀងផ្គរ រន្ទះ ផ្លេកបន្ទោរ ពីបង្គួរ ទៅច្រើន ជាមួយនិងខ្យល់កន្ត្រាក់ខ្លាំង រាយប៉ាយនៅភាគពាយ័ព្យ និងភាគខាងត្បូង ។

២-បណ្តាខេត្ត ដាប់ជួរភ្នំដងរែក និងខ្ពង់រាបឦសាន ៖

– សីតុណ្ហភាពអប្បបរមា មានពី ២៣-២៦ °C
– សីតុណ្ហភាពអតិបរមា មានពី ៣០-៣៣ ១C
– មានភ្លៀង ផ្គររន្ទះ ផ្លេកបន្ទោរ ពីបង្គរ ទៅច្រើន ជាមួយនិងខ្យល់កន្ត្រាក់ខ្លាំង រាយប៉ាយនៅភាគ ឦសាន ភាគខាងជើង ជួរភ្នំដងរែក និងជួរភ្នំក្រវាញ ។

៣-តំបន់មាត់សមុទ្រ ៖
– សីតុណ្ហភាពអប្បបរមា មានពី ២២-២៥ °C
– សីតុណ្ហភាពអតិបរមា មានពី ២៦-២៩ °c
– មានភ្លៀងផ្គរ រន្ទះ ផ្លេកបន្ទោរ ច្រើនជាមួយនិងខ្យល់កន្ត្រាក់ខ្លាំងរលកសមុទ្រខ្ពស់ៗ ។

ប្រជានេសាទ និងអ្នកដំណើរសមុទ្រ សូមប្រុងប្រយ័ត្នខ្ពស់ចំពោះបាតុភូតភ្លៀង ផ្គររន្ទះខ្យល់បក់បោកខ្លាំង និងរលកសមុទ្រខ្ពស់ៗ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម