ព័ត៌មានជាតិ

អ្នកនាំពាក្យក្រសួងអប់រំ ៖ សាលារៀននៅភ្នំពេញនិងទីរួមខេត្តកណ្តាលនឹងបើកឡើងវិញក្រោយបិទបញ្ចប់ព្រឹត្តិការណ៍០៣វិច្ឆិកា

បានផុស

៦ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ភ្នំពេញ ៖ លោករស់ សុវាចា អ្នកនាំពាក្យក្រសួងអប់រំ យុវជន និងកីឡាបានមានប្រសាសន៍នៅរសៀលថ្ងៃទី១៨វិច្ឆិកានេះថា សាលារៀននៅរាជធានីភ្នំពេញនិងនៅទីរួមខេត្តកណ្តាលនឹងបើកដំណើរការឡើងវិញ ក្រោយបិទបញ្ចប់ព្រឹត្តិការណ៍០៣វិច្ឆិកា។

លោកបានបន្តថា «ក្រសួងអប់រំ យុវជន និងកីឡាគោរពទទួលអនុវត្តតាមការសម្រេចរបស់ប្រមុខរាជរដ្ឋាភិបាលដើម្បីរៀបចំបើកដំណើរការសាលារៀនឡើងវិញនៅរាជធានីភ្នំពេញ និងទីរួមខេត្តកណ្តាលក្រោយបិទបញ្ចប់ព្រឹត្តិការណ៍ ០៣ វិច្ឆិកា»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តទៀតថា គ្រឹះស្ថានសិក្សាសាធារណៈនិងឯកជននៅទូទាំងប្រទេស ត្រូវបន្តអនុវត្តវិធានការសុវត្ថិភាពសុខភាពឲ្យបានខ្ជាប់ខ្ជួនតាមគោលការណ៍ប្រតិបត្តិស្តង់ដារបស់ក្រសួងអប់រំ យុវជន និងកីឡា និងតាមការណែនាំរបស់ក្រសួងសុខាភិបាល។

សម្ដេចតេជោហ៊ុន សែន បានបង្ហោះសារតាមផេកហ្វេកប៊ុកផ្លូវការដោយបញ្ជក់ពីការបើកសាលារៀននិងសាលាបណ្តុះបណ្តាលវិជ្ជាជីវៈឡើងវិញ ក្រោយបិទបញ្ចប់ព្រឹត្តិការណ៍០៣វិច្ឆិកានេះ។

សម្តេចបានបន្តថា« យើងបិទបញ្ចប់ព្រឹត្តិការណ៍៣វិច្ឆិកា សំដៅឲ្យក្រសួងអប់រំយុវជន និងកីឡាក្រសួងការងារ និងបណ្តុះបណ្តាលវិជ្ជាជីវៈរៀបចំបើកសាលារៀន និងសាលាបណ្ដុះបណ្ដាលវិជ្ជាជីវៈឡើងវិញ ព្រមទាំងធ្វើឲ្យសភាពការណ៍គ្រប់ផ្នែកគ្រប់វិស័យវិលទៅរកភាពប្រក្រតីដូចមុនថ្ងៃ៣វិច្ឆិកាឡើងវិញ តែការប្រយុទ្ធជាមួយកូវីដ-១៩នៅតែជាអាទិភាពនៃការងាររបស់យើងទាំងអស់គ្នាដដែល»។

គួរបញ្ជាក់ថា ក្នុងអំឡុងពេលផ្ទុះព្រឹត្តិការណ៍៣វិច្ឆិកានេះក្រសួងអប់រំយុវជននិងកីឡាបានផ្អាកសាលារៀនរដ្ឋនិងឯកជននៅរាជធានីភ្នំពេញនិងនៅទីរួមខេត្តកណ្តាលរយៈពេលពីរសប្តាហ៍ចាប់ពីថ្ងៃទី៨ខែវិច្ឆិកាកន្លងទៅ។

ក្នុងនោះមានគ្រឹះស្ថានសាធារណៈចំនួន៩ និងសាលារដ្ឋចំនួន១០ ត្រូវបានរកឃើញថា មានការប៉ះពាល់ដោយផ្ទាល់ និងប្រយោល ជាមួយនឹងព្រឹត្តិការណ៍ ៣វិច្ឆិកា៕
ដោយ ៖ សំអឿន

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា