ព័ត៌មានជាតិ
កម្ពុជានឹងទទួលបានវ៉ាក់សាំងស៊ីណូវ៉ាក់១លានដូសបន្ថែមទៀតនាចុងសប្តាហ៍នេះ
ភ្នំពេញ៖ កម្ពុជា នឹងទទួលវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន ១លានដូសទៀតនៅថ្ងៃទី ២៦ ខែមិថុនា ឆ្នាំ ២០២១ខាងមុខនេះ។
លោកស្រី វេជ្ជបណ្ឌិត យក់ សម្បត្តិរដ្ឋលេខាធិការក្រសួងសុខាភិបាល បានមានប្រសាសន៍នៅរសៀលថ្ងៃទី២៣មិថុនានេះ ថា បើមិនមានការប្រែប្រួលទេ វ៉ាក់សាំងកូវីដ-១៩ ប្រភេទស៊ីណូវ៉ាក់ របស់សាធារណរដ្ឋប្រជាមានិតចិនចំនួន ១លានដូសទៀតនឹងដឹកមកកម្ពុជានៅព្រឹកថ្ងៃទី ២៦ ខែមិថុនា ឆ្នាំ ២០២១ខាងមុខ។
លោកស្រី យក់ សម្បត្តិ ធ្លាប់បានប្រាប់អ្នកសារព័ត៍មានកាលពីថ្ងៃទី១៩ខែមិថុនាកន្លងទៅពេលទទួលវ៉ាក់សាំង១លានដូសនៅព្រលានយន្តហោះថាវ៉ាក់ស៊ីណូវ៉ាក់ ចំនួន២លានដូសបន្ថែមទៀត នឹងមកដល់កម្ពុជានៅសប្ដាហ៍ចុងក្រោយ នៃខែមិថុនានេះខណៈវ៉ាក់សាំងស៊ីណូវ៉ាក់ចំនួន៣លានដូសបន្ថែមទៀតនឹងដឹកមកដល់នៅខែកក្កដាខាងមុខនេះ។
រហូតមកដល់ពេលនេះកម្ពុជាបានទទួលវ៉ាក់សាំងការពារជំងឺកូវីដ១៩ចំនួន៩០២៤០០០ដូសហើយសម្រាប់ចាក់ជួនដល់ពលរដ្ឋគោលដៅប្រមាណ១០លាននាក់ខណៈមកដល់ពេលនេះចាក់បានជាង៣៥ភាគរយ។ បើតាមរបាយការណ៍របស់ក្រសួងសុខាភិបាលបានឱ្យដឹងថាក្នុងចំណោមវ៉ាក់សាំងប្រមាណជាង៩លាននាក់នោះក្នុងនោះមានវ៉ាក់សាំងប្រភេទស៊ីណូវ៉ាក់ដែលរាជរដ្ឋាភិបាលបានបញ្ជាទិញពីរដ្ឋាភិបាលចិនចំនួន៥លាន៥០ម៉ឺនដូសសម្រាប់ចាក់លើក្រុមមនុស្សដែលមានអាយុចាប់ពី១៨ឆ្នាំឡើងទៅ។
វ៉ាក់សាំងប្រភេទស៊ីណូហ្វាមដែលជាជំនួយរបស់រដ្ឋាភិបាលចិនផ្តល់ឱ្យរដ្ឋាភិបាលកម្ពុជាចំនួន២លាន២សែនដូសនិង១លានដូសទៀតបញ្ជាទិញពីចិនសម្រាប់ចាក់ដល់ក្រុមមនុស្សមានអាយុចាប់ពី១៨ឆ្នាំរហូតដល់៥៩ឆ្នាំ។ វ៉ាក់សាំងកូវីសែនដែលផលិតដោយក្រុមហ៊ុនអាស្ត្រាហ្សេនេកាតាមរយៈគម្រោងកូវ៉ាក់មានចំនួន៣២៤០០០ដូសសម្រាប់ចាក់លើក្រុមមនុ្សដែលមានអាយុចាប់ពី៦០ឆ្នាំឡើងទៅ។
វ៉ាក់សាំងជាង៩លានដូសនេះបូកទាំងវ៉ាកសាំងស៊ីណូវ៉ាក់ចំនួន១លានដូសទៀតដែលរដ្ឋាភិបាលបានបញ្ជាទិញពីរដ្ឋាភិបាលចិនបានមកដឹកមកដល់កម្ពុជានៅព្រឹកថ្ងៃទី១៩ខែមិថុនាឆ្នាំ២០២១នេះ។ បច្ចុប្បន្ននេះក្រុមការងារចាក់វ៉ាក់សាំងបង្ការជំងឺកូវីដ១៩កំពុងដំណើរការចាក់វ៉ាក់សាំងនៅក្នុងរាជធានីភ្នំពេញ ខេត្តកណ្តាលខេត្តព្រះស៊ីហនុនិងនៅថ្ងៃទី២១មិថុនាចាប់បើកយុទ្ធនាការចាក់ថ្នាំបង្ការជំងឺកូវីដ១៩នៅខេត្តកោះកុងជាបន្តបន្ទាប់ទៀត។
គួរបញ្ជាក់ថាចាប់ពីថ្ងៃទី១០ខែម្ភៈឆ្នាំ២០២១រហូតមកដល់ថ្ងៃទី២២ខែមិថុនាឆ្នាំ២០២១នេះកម្ពុជាបានចាក់វ៉ាក់សាំងបង្ការជំងឺកូវីដ១៩ចំនួន៣៥១៧៩៤៣នាក់ស្មើនឹង៣៥.១៨ភាគរយក្នុងនោះមានអ្នកចាក់ដូសទី២បានចំនួន២៧៥៧៧៩៦នៃផែនការចាក់សរុប១០លាននាក់៕
សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង