ព័ត៌មានជាតិ
សម្ដេចតេជោ ចេញសារលិខិតពញ្ញាក់ស្មារតីកុំឱ្យយុវជន ជួញដូរ និងប្រើប្រាស់គ្រឿងញៀន ថ្ងៃទិវាអន្តរជាតិប្រយុទ្ធប្រឆាំងគ្រឿងញៀន
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងសារលិខិតដល់ជនរួមជាតិ បង្ហាញឆន្ទៈ របស់រាជរដ្ឋាភិបាលកម្ពុជា ក្នុងការបន្តប្រយុទ្ធប្រឆាំងគ្រឿងញៀន ស្របតាមកម្មវិធីនយោបាយ ផែនការជាតិស្តីពីការត្រួតពិនិត្យគ្រឿងញៀន។
សារលិខិតរបស់ម្ដេចតេជោ ហ៊ុន សែន ធ្វើឡើងក្នុងឱកាស ប្រារព្ធទិវាអន្តរជាតិ ប្រយុទ្ធប្រឆាំងគ្រឿងញៀន នៅថ្ងៃទី ២៦ ខែមិថុនា ឆ្នាំ២០២១។
សម្ដេចតេជោ មានប្រសាសន៍ថា នៅឆ្នាំ២០២១នេះ បើទោះបីជាសកលលោក ឬប្រទេសជាតិនៅតែបន្តរងឥទ្ធិពល ការឆ្លងរាលដាលជំងឺកូវីដ១៩ ក៏រាជរដ្ឋាភិបាលកម្ពុជា នៅតែរៀបចំប្រារព្ធទិវាអន្តរជាតិ ប្រយុទ្ធប្រឆាំងគ្រឿងញៀនប្រយុទ្ធប្រឆាំងគ្រឿងញៀន ក្នុងកម្រិតថ្នាក់ជាតិ ក្រោមប្រធានបទ “គ្មានគ្រឿងញៀន និងគ្មានជំងឺកូវីដ-១៩ សហគមន៍មានសុវត្ថិភាព និងការអភិវឌ្ឍ” ក្នុងរូបភាពជាយុទ្ធនាការអប់រំ តាមប្រព័ន្ធផ្សព្វផ្សាយព័ត៌មាន តាមបណ្ដាញទំនាក់ទំនងសង្គម និងការរៀបចំដុតបំផ្លាញគ្រឿងញៀន ដែលចាប់បាននាពេលកន្លងមក។
នៅក្នុងសារលិខិត ចេញផ្សាយមុនមួយថ្ងៃ នៃទិវាអន្តរជាតិប្រឆាំងគ្រឿងញៀន សម្តេចតេជោ ហ៊ុន សែន បានណែនាំឱ្យអាជ្ញាធរជាតិ ប្រយុទ្ធប្រឆាំងគ្រឿងញៀន និងគណៈបញ្ជាការយុទ្ធនាការ ប្រយុទ្ធប្រឆាំងគ្រឿងញៀនខុសច្បាប់ ព្រមទាំងស្ថាប័នពាក់ព័ន្ធ ត្រូវបន្តយកចិត្តទុកដាក់ម្ចាស់ការ ទទួលខុសត្រូវខ្ពស់ អនុវត្តការងារឱ្យមានប្រសិទ្ធភាព។
ម្យ៉ាងទៀត ស្ថាប័ន ភាគីពាក់ព័ន្ធទាំងអស់ត្រូវ ផ្សព្វផ្សាយអប់រំ បង្ការទប់ស្កាត់ បង្ក្រាប និងដោះស្រាយបញ្ហាដែលមានជាប់ពាក់ព័ន្ធនឹងគ្រឿងញៀន។
សូមបញ្ជាក់ថា នៅឆ្នាំ២០២០ សមត្ថកិច្ចបានបង្ក្រាបបទល្មើសគ្រឿងញៀនចំនួន ១០ ៤៦១ ករណី ដែលកើន ៦,៧៩ ភាគរយ ប្រៀបធៀបនឹងឆ្នាំ២០២១៩ ក្នុងនោះមានជនសង្ស័យពាក់ព័ន្ធចំនួន ២១ ៥៦៦នាក់ ត្រូវបានឃាត់ខ្លួន និងចាប់យកគ្រឿងញៀនគ្រប់ប្រភេទបាន ៣ ៨៧៥ គីឡូក្រាម៕
អានពិស្ដារ៖
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល