ព័ត៌មានជាតិ
អត្តពលករអត្តពលកម្ម ប៉ែន សុគង់ ប្តេជ្ញាបំបែកកំណត់ត្រាខ្លួនឯង ក្នុងអូឡាំពិកហ្គេមនៅជប៉ុន
កីឡាករ ប៉ែន សុគង់ ជាអត្តពលិកជម្រើសជាតិកីឡាអត្តពលកម្ម ដែលបច្ចុប្បន្នមានវ័យ២៨ឆ្នាំ បានប្តេជ្ញាចិត្តខ្ពស់ថា នឹងប្រឹងប្រែងឲ្យកម្លាំងកាយចិត្តដែលខ្លួនមាន ដើម្បីបំបែកកំណត់ត្រាថ្មីមួយសម្រាប់ខ្លួនឯង នៅក្នុងការប្រកួតកីឡាអូឡាំពិក នៅទីក្រុងតូក្យូ ប្រទេសជប៉ុន ឆ្នាំ២០២០ (Tokyo Olym pic Games 2020) ដែលគ្រោងដំណើរ ការជាផ្លូវការពីថ្ងៃទី២៣ ខែកក្កដា រហូត ដល់ថ្ងៃទី៨ ខែសីហា ឆ្នាំ២០២១។
កីឡាករ ប៉ែន សុគង់ លើកឡើងថា «នេះជាលើកដំបូងរបស់ខ្ញុំ ដែលនឹងត្រូវចូលរួមប្រកួត នៅក្នុងព្រឹត្តិការណ៍កីឡាអូ ឡាំពិក ដែលមានរៀងរាល់៤ឆ្នាំម្តងនេះ ហើយក៏ជាការប្រកួតកម្រិតបច្ចេកទេសខ្ពស់បំផុតក្នុងពិភពលោក ប៉ុន្តែអ្វីដែលសំខាន់ គឺខ្ញុំមានការតាំងចិត្តប្រឹងប្រែងឲ្យអស់ពីសមត្ថភាព បច្ចេកទេសទាំងអស់ ដែលធ្លាប់ហ្វឹកហាត់ ដើម្បីឲ្យស័ក្តិសមនឹងការផ្តល់ឱកាស ការលើកទឹកចិត្ត ការជួយជ្រោមជ្រែងគ្រប់បែបយ៉ាងពីថ្នាក់ដឹកនាំសហព័ន្ធខ្មែរអត្តពលកម្មស្ម័គ្រចិត្ត គណៈ កម្មាធិការជាតិអូឡាំពិកកម្ពុជា (NOCC) ព្រមទាំងក្រសួងអប់រំ យុវជន និងកីឡា»។
កីឡាករដែលមានស្រុកកំណើតនៅខេត្ត ពោធិ៍សាត់រូបនេះ កំពុងបង្កើនការហ្វឹកហា ត់យ៉ាងយកចិត្តទុកដាក់ ដោយហ្វឹកហាត់ក្នុង១ថ្ងៃរយៈពេលពី៤ ទៅ៥ម៉ោង និងហាត់៥ថ្ងៃកន្លះ ក្នុង១សប្តាហ៍ ដោយផ្តោតលើការហ្វឹកហាត់មូលដ្ឋានបច្ចេកទេសកម្លាំងកាយសម្បទា រត់ល្បឿនជាដើម។ ប៉ែន សុគង់ បន្ថែមទៀតថា «បើទោះបីជាលទ្ធផលនៅក្នុងការប្រកួតកម្រិតពិភព លោកនេះ ទទួលបានក្នុងកម្រិតណាក៏ ដោយ ក៏ខ្ញុំនៅតែសម្រួចគោលដៅដោយខិតខំបំបែកកំណត់ត្រាសិទ្ធផលខ្លួនឯងដែរ ហើយការខិតខំនេះ ក៏ដូចជាការត្រៀម លក្ខណៈត្រៀមឆ្ពោះទៅចូលរួមប្រកួតប្រ ជែងស៊ីហ្គេម នៅប្រទេសវៀណាម នាចុងឆ្នាំ២០២១ ជាពិសេសគឺគោលដៅត្រៀមឆ្ពោះទៅប្រកួតប្រជែងការប្រកួតស៊ីហ្គេម លើកទី៣២ ឆ្នាំ២០២៣ ក្នុងពេលដែលកម្ពុជាទទួលធ្វើម្ចាស់ផ្ទះផងដែរ»។
កីឡាករអត្តពលកម្ម ប៉ែន សុគង់ ដែលត្រៀមប្រកួតលើវិញ្ញាសារត់ល្បឿន ១០០ ម៉ែត្រ មានសិទ្ធផលក្នុងពេលហ្វឹកហាត់សម្រេចបានក្នុងថិរវេលា ១០.៨៧វិនាទី។ កីឡាករអត្តពលកម្មរបស់កម្ពុជារូបនេះ ក៏ធ្វើសម្រេចក្នុងថិរវេលា ១០.៨៧វិនាទី ដែរ កាលពីស៊ីហ្គេម ឆ្នាំ២០១៩ នៅប្រទេសហ្វីលីពីន ដែលលើកនេះលោកធ្វើបានល្អជាងស៊ីហ្គេម ឆ្នាំ២០១៧ ដែលខ្លួនបានចូលរួមជាលើកដំបូង។
កីឡាករប៉ែន សុគង់ បានចូលរួមហ្វឹក ហាត់កីឡាអត្តពលកម្មដំបូងកាលពីឆ្នាំ ២០១៤ ហើយបានជាប់ជាកីឡាករជម្រើសជាតិអត្តពលកម្មរបស់កម្ពុជា កាលពីឆ្នាំ២០១៥ រហូតដល់ពេលបច្ចុប្បន្ន៕
ដោយ ៖ វិសិទ្ធ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៨ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»