កីឡា

ចំណងស្នេហ៍កីឡាការិនីអត្តពលកម្ម កាន់ ស្រីរ័ត្ន ជាមួយគូដណ្ដឹងជាអ្នកប្រដាល់កើកចេញពីស្តាតមរកតេជោ

បានផុស

៥ ខែ មុន

នៅ

ថ្ងៃសុក្រ ៦ កុម្ភៈ ២០២៦

ដោយ

កីឡាការិនីឆ្នើមលើប្រភេទកីឡាអត្តពលកម្ម កាន់ ស្រីរ័ត្ន និងគូដណ្ដឹងនឹងចូលរោងការនៅថ្ងៃទី១៤ ខែកុម្ភៈ ឆ្នាំ២០២៦ នេះហើយនៅភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាច ខេត្តកំពត ខណៈចំណងស្នេហ៍អ្នកទាំងពីរផ្ដើមចេញពីកម្មវិធីនៅស្តាតមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រីរ័ត្ន និងគូដណ្ដឹង

កីឡាការិនី កាន់ ស្រីរ័ត្ន បានឲ្យដឹងថា គូដណ្ដឹងរបស់ខ្លួនមានឈ្មោះ យិប ឌុក ឬឈ្មោះប្រដាល់ហៅថា ឃីម យីឡុង។ អ្នកទាំងពីរបានស្គាល់គ្នាអំឡុងឆ្នាំ២០១៩ ខណៈពេលដែលបានចូលរួមពិធីបំពាក់កៅអីក្នុងពហុកីឡដ្ឋានមរតកតេជោជាមួយគ្នាមកម្ល៉េះ។

ស្រីរ័ត្ន និងគូដណ្ដឹង

ម្ចាស់មេដាយម៉ារ៉ាតុងជាច្រើនគ្រឿងខាងលើនេះបន្ថែមទៀតថា គូដណ្ដឹងបានចាប់អារម្មណ៍ និងតាមដានខ្លួនយូរដែរហើយនៅអំឡុងការប្រមូលផ្ដុំហ្វឹកហាត់នៅឯពហុកីឡដ្ឋានមរកតេជោ និងទើបមានឱកាសស្គាល់គ្នាដោយបានអង្គុយកៅអីក្បែរគ្នាអំឡុងពិធីបំពាក់កៅអីស្តាតនោះរហូតដល់ក្លាយជាគូដណ្ដឹងតែម្ដង។

ស្រីរ័ត្ន និងគូដណ្ដឹង

ស្រីរ័ត្ន លើកឡើងទៀតថា បន្ទាប់ពីរៀបការហើយខ្លួន និងស្វាមី មិនទាន់មានគម្រោងការងារអ្វីនោះទេ ពោលម្នាក់ៗចង់បន្តការហ្វឹកហាត់ដដែល។ ជំហានបន្ទាប់យ៉ាណាទៀតនោះរង់ចាំមើលជាក់ស្ដែងក្រោយរៀបការរួចរាល់សិនទើបជជែកគ្នាបន្ត។

ស្រីរ័ត្ន និងគូដណ្ដឹង

បញ្ជាក់ដែរថា កាន់ ស្រីរ័ត្ន ជាកីឡាការិនីឆ្នើមលើប្រភេទកីឡាអត្តពលកម្ម និងជាកីឡាការិនីជម្រើសជាតិផងដែរ។ រូបគេជាជើងខ្លាំង និងធ្លាប់ឈ្នះមេដាយទាំងថ្នាក់ជាតិ អន្តរជាតិ ក្នុងព្រឹត្តិការណ៍ធំៗកន្លងមក។ ស្រីរ័ត្ន និងគូដណ្ដឹងនឹងចូលរោងការនៅថ្ងៃទី១៤ ខែកុម្ភៈ ឆ្នាំ២០២៦ នេះហើយនៅខេត្តកំពត៕

អត្ថបទដោយ៖ នូន ស៊ីណា