ព័ត៌មានជាតិ

ទីបំផុតមានអ្នកបំបែកកំណត់ត្រាលោក ហែម ប៊ុនទីង គិតចាប់ពីឆ្នាំ២០១២ មកដល់ ២០២៦ ទើបសម្រេចពេលនេះ

បានផុស

៥ ខែ មុន

នៅ

ថ្ងៃសុក្រ ១៣ កុម្ភៈ ២០២៦

ដោយ

កីឡាករឆ្នើមប្រចាំកីឡាអត្តពលកម្ម និងជាកីឡាកររត់ចម្ងាយឆ្ងាយ វ៉ាន់ ភារ៉ា បានបំបែកកំណត់ត្រាថ្នាក់ជាតិលើវិញ្ញាសាម៉ារ៉ាតុង ៤២គីឡូម៉ែត្រដោយធ្វើបានក្នុងថេរវេលា ២ម៉ោង ២២នាទី ៤៦វិនាទី នៅក្នុងកម្មវិធី VnExpress Marathon All-Star ឯប្រទេសវៀតណាម។

វ៉ាន់ ភារ៉ា ពេលដែលប្រកួត

វិញ្ញាសាចម្ងាយឆ្ងាយម៉ារ៉ាតុង ៤២គីឡូម៉ែត្រនេះគឺជាវិញ្ញាសាមួយដែលកីឡាករគ្រប់រូបពិបាកធ្វើបាន និងជាកំណត់ត្រាចាស់អតីតអ្នករត់ប្រណាំងលោក ហែម ប៊ុនទីង ធ្លាប់ធ្វើបាននៅថេរវេលា ២ម៉ោង ២៣នាទី ២៩វិនាទី អំឡុងឆ្នាំ២០១២ ។ កំណត់ត្រាចាស់របស់លោក ហែម ប៊ុនទីង នេះគឺរក្សាចាប់តាំងពីឆ្នាំ២០១២ នោះរហូតដល់ខែកុម្ភៈ ឆ្នាំ២០២៦ នេះទើបជើងខ្លាំងជំនាន់ក្រោយ វ៉ាន់ ភារ៉ា អាចបំបែកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាន់ ភារ៉ា ពេលដែលប្រកួត

បច្ចប្បន្នកីឡាករ វ៉ាន់ ភារ៉ា គឺជាអ្នកដែលកំពុងឈរលើកំណត់ថ្នាក់ត្រាថ្នាក់ជាតិថ្មី ២ម៉ោង ២២នាទី ៤៦វិនាទី នៅក្នុងប្រទេសកម្ពុជាលើវិញ្ញាសាម៉ារ៉ាតុងនេះហើយ។ ក្នុងនាមសិស្សប្អូនជំនាន់ក្រោយគឺកីឡាករ ឧក រហ៊ីត សម្ដែងនូវការសប្បាយរីករាយជាខ្លាំងដែលរៀមច្បងអាចធ្វើបាន និងត្រូវតែកោតសរសើរចំពោះសមត្ថភាពដ៏ល្អមួយនេះ។ កីឡាអត្តពលកម្មនេះគឺត្រូវការហ្វឹកហាត់ តស៊ូ និងព្យាយាមខ្លាំងបំផុតទើបអាចទទួលបានលទ្ធផលល្អ។

ថេរវេលារបស់ វ៉ាន់ ភារ៉ា ដែលបានបំបែក

បញ្ជាក់ដែរថា កីឡាករ វ៉ាន់ ភារ៉ា ដែលជាជម្រើសជាតិកីឡាអត្តពលកម្មបានចូលរួមព្រឹត្តិការណ៍រត់ប្រណាំង VnExpress Marathon All-Star ឯទីក្រុងហាណយ ប្រទេសវៀតណាម កាលពីថ្ងៃទី៨ ខែកុម្ភៈ ឆ្នាំ២០២៦។ រូបគេប្រកួតជាប់ចំណាត់ថ្នាក់លេខ៤ ដោយធ្វើបានក្នុងថេរវេលា ២ម៉ោង ២២នាទី ៤៦វិនាទី នៅព្រឹត្តិការណ៍មួយនេះ។ ចាប់តាំងពីឆ្នាំ២០១២ មកដល់ដើមឆ្នាំ២០២៦ នេះទើបតែមានកីឡាករ វ៉ាន់ ភារ៉ា ម្នាក់ប៉ុណ្ណោះដែលទើបអាចបំបែកកំណត់ត្រាអតីតកីឡាករអត្តពលកម្ម ហែម ប៊ុនទីង កន្លងមកនេះ៕