ព័ត៌មានជាតិ
បើមានការផាកពិន័យលុយ ៣ ម៉ឺនដុល្លារ ប្រមុខរដ្ឋាភិបាលបញ្ជាឲ្យសងត្រឡប់ទៅម្ចាស់តោវិញ
ប្រមុខរដ្ឋាភិបាលសម្តេចតេជោ ហ៊ុន សែន បានសម្រេចអនុញ្ញាតឲ្យម្ចាស់តោជាជនជាតិចិន យកតោដែលខ្លួនចិញ្ចឹមជាច្រើនឆ្នាំដែលអាជ្ញាធរដកហូតត្រឡប់យកទៅថែទាំវិញ តែតម្រូវឲ្យម្ចាស់ធានាសុវត្ថិភាពទាំងមនុស្សក្នុងផ្ទះនិងអ្នករស់នៅជិតខាង។
ក្នុងពេលអាជ្ញាធរអនុវត្តការរឹបអូសសត្វតោ តាមមន្រ្តីឲ្យដឹងថាបើបុរសជនជាតិចិនដែលយកប្រភេទសត្វព្រៃទៅចិញ្ចឹមដោយខុសច្បាប់គ្មានការអនុញ្ញាតិ អាចប្រឈមនឹងការពិន័យអន្តរការណ៍ជាប្រាក់ប្រមាណ ៣ ម៉ឺនដុល្លារ។
យ៉ាងណាបន្ទាប់ពីការសម្រេចដោយប្រគល់សត្វតោទៅម្ចាស់ដើមមើលថែវិញនោះ ប្រមុខរដ្ឋាភិបាលក៏បានបញ្ជាក់បន្ថែមទៀតថា បើសិនម្ចាស់សត្វតោនេះរងការផាកពិន័យជាលុយកាក់ អាជ្ញាធរត្រូវតែសងត្រឡប់ទៅវិញ។
កាលពីល្ងាចមិញនេះ ក្រោយបានពិភាក្សាជាមួយរដ្ឋមន្ត្រីក្រសួងកសិកម្ម ប្រមុខរដ្ឋាភិបាលបានសម្រេចអនុញ្ញាតឱ្យម្ចាស់សត្វតោជាជនជាតិចិនយកសត្វតោចិញ្ចឹមរបស់ខ្លួនទៅថែទាំវិញ ក្នុងលក្ខណ្ឌម្ចាស់ត្រូវធ្វើទ្រុងឱ្យបានត្រឹមត្រូវដើម្បីធានាសុវត្ថិភាពទាំងមនុស្សក្នុងផ្ទះ និងអ្នករស់នៅជិតខាង និងក៍ត្រូវគិតដល់សុខភាពរបស់សត្វនេះផងដែរ។
ប្រមុខរដ្ឋាភិបាលបានបញ្ជាក់ការសម្រេចនេះថា ជាករណីយពិសេសដោយសារម្ចាស់ជនជាតិចិននេះ បានចិញ្ចឹមតោនេះតាំងពីតូចរហូតដល់ធំ ប្រៀបដូចជាសមាជិកគ្រួសារទៅហើយ ទើបអនុញ្ញាតិឲ្យយកទៅចិញ្ចឹមវិញ។
គួរបញ្ជាក់ថា កាលពីថ្ងៃទី ២៧ ខែមិថុនាឆ្នាំ ២០២១ អាជ្ញាធរបានសហការជាមួយអង្គការ Wildlife Alliance បានរឹបអូសសត្វតោចិញ្ចឹមមួយក្បាល នៅក្នុងផ្ទះវីឡាមួយកន្លែង ស្ថិតនៅផ្ទះលេខ ២២ ផ្លូវ ៣០៦ ភូមិ ៧ សង្កាត់បឹងកេងកង ១ រាជធានីភ្នំពេញ។
សត្វតោនោះជាសត្វតោឈ្មោលមានអាយុ ១៨ ខែ និងទម្ងន់ ៧០ គីឡូក្រាម ហើយក្រោយការដកហូត ក្រុមជួយសង្គ្រោះបានបញ្ជូនសត្វតោនេះទៅកាន់មជ្ឍមណ្ឌលសង្គ្រោះសត្វព្រៃភ្នំតាម៉ៅ។
ក្រោយសេចក្តីសម្រេចរបស់ប្រមុខរដ្ឋាភិបាល ម្ចាស់តោជាជនជាតិចិនក៏ថ្លែងអំណរគុណដល់ប្រមុខរដ្ឋាភិបាលដែលបានយកចិត្តទុកដាក់ចំពោះបញ្ហានេះ៕
អត្ថបទ៖ ប៊ុណ្ណារ៉ា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ