ព័ត៌មានជាតិ
មន្ត្រីជាន់ខ្ពស់មួយរូបបង្ហើបថា លោក សម រង្ស៊ី កំពុងប្រមូលយកលុយពីអ្នកគាំទ្រ ដាក់ចូលវិនិយោគជាមួយក្រុមហ៊ុនបារាំងឈ្មោះ PATRIMEA
លោក សួន សេរីរដ្ឋា រដ្ឋលេខាធិការក្រសួងអភិវឌ្ឍជនបទ និងប្រធានក្រុមប្រឹក្សាភិបាលវេទិកាសន្តិភាពកម្ពុជា បានអះអាងនៅថ្ងៃនេះថា មកដល់ពេលនេះ លោក សម រង្ស៊ី កំពុងប្រមូលយកលុយពីអ្នកគាំទ្រ ក៏ដូចជាមូលនិធិទូរទស្សន៍ព្រះអាទិត្យ មូលនិធិបោកចូលស្រុក ៩ វិច្ឆិកា និងមូលនិធិបោកលក់នាឡិកាដៃ ទៅដាក់ចូលវិនិយោគជាទ្រព្យផ្ទាល់ខ្លួនជាមួយក្រុមហ៊ុនបារាំងឈ្មោះ PATRIMEA ដែលមានអាសយដ្ឋាននៅប្រទេសបារាំង។
លោក សួន សេរីរដ្ឋា លើកឡើងថា តាមប្រភពច្បាស់ការមួយបានឲ្យដឹងថា បុគ្គល សម រង្ស៊ី បានប្រមូលយកលុយពីអ្នកគាំទ្រ ទាំងមូលនិធិទូរទស្សន៍ព្រះអាទិត្យ មូលនិធិចូលស្រុក ៩ វិច្ឆិកា និងចុងក្រោយមូលនិធិបោកលក់នាឡិកាដៃ ទាំងអស់យកទៅដាក់ចូលវិនិយោគជាទ្រព្យសម្បត្តិផ្ទាល់ខ្លួន ជាមួយនិងក្រុមហ៊ុនបារាំងមួយឈ្មោះ ក្រុមហ៊ុន PATRIMEA ដែលមានអាសយដ្ឋាននៅ (Gestion de patrimoine) 91, Rue Faubourg St Honoré 75008 PARIS Tél. 01.83.62.38.72 ប្រទេសបារាំង។
ប្រភពនោះបញ្ជាក់ថា ក្រុមហ៊ុន PATRIMEA ជាក្រុមហ៊ុនជំនាញវិនិយោគទ្រព្យសម្បត្តិ លុយកាក់ដែលប្រមូលបានមកពីបរទេស និងជំនាញចំពោះអ្នកវិនិយោគនៅបរទេស ឬយកលុយមកពីបរទេស ដែលគ្មានប្រភពទទួល ឬប្រភពចំណូលច្បាស់លាស់។
បើតាមប្រភពនោះ “នេះមិនមែនជាលើកទី១ ទេដែលអ្នកឃ្លាំមើលរបស់យើងបានឃើញបុគ្គលនេះ ចេញចូលក្រុមហ៊ុន PATRIMEA នេះដោយមានកាន់ចង់វេចខ្ចប់ (វេចលុយ) មកជាមួយតាំងពីសម័យរៃអង្គាសលុយថាយកយកជួយកម្មករធ្វើបាតុកម្ម និងរៃអង្គាសលុយថា យកមកជួយគ្រួសារលោក កែម ឡី ជាដើម ។ ពោលគឺការរៃអង្គាសលុយពីខ្មែរនៅក្រៅស្រុកគ្រប់ព្រឹត្តិការណ៍ ក្រោមរូបភាពយកមកជួយគ្រួសារជនរងគ្រោះនោះ គឺបុគ្គលនេះ និងបក្ខពួកមិនដែលយកលុយដែលរៃអង្គាសបានមកនោះ មកជួយគ្រួសារជនរងគ្រោះទេ ដោយគ្រាន់តែយកខ្មោចជនរងគ្រោះ និងគ្រួសារជនរងគ្រោះធ្វើជាលេស យកទៅធ្វើបុណ្យរៃអង្គាសយកលុយចាយខ្លួនឯងមួយចំនួន រួចសល់មួយចំនួនយកទៅដាក់ចូលវិនិយោគជាមួយក្រុមហ៊ុន PATRIMEA នេះទុកជាទ្រព្យឯកជនរបស់ខ្លួន និងក្រុមបក្ខពួកប៉ុណ្ណោះ”។
គួររំលឹកថា មួយរយៈចុងក្រោយនេះ មានអតីតមន្ត្រីជាន់ខ្ពស់មួយចំនួន នៃអតីតគណបក្សសង្គ្រោះជាតិ បានចេញប្រតិកម្មរឿងបាត់លុយមូលនិធិទូរទស្សន៍ព្រះអាទិត្យប្រមាណ៧០ម៉ឺនដុល្លារ មិនដឹងទៅណា បូលរួមទាំងមូលនិធិវិលចូលស្រុក ៩ វិច្ឆិកា ថែមទៀត ប៉ុន្តែប្រតិកម្មនេះ មិនមានថ្នាក់ដឹកនាំណាម្នាក់ហ៊ានចេញមុខបំភ្លឺនោះទេ រាប់ទាំងលោក សម រង្ស៊ី លោក អេង ឆៃអ៊ាង លោកស្រី មូរ សុខហួរ និងលោក កឹម សុខា ផង៕
ដោយ ៖ កោះកែវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត