ព័ត៌មានជាតិ
មេធាវីការពារក្តីលោក សៀម ភ្លុក ស្នើសាលាដំបូងរាជធានីភ្នំពេញ ចេញដីកាបង្គាប់ឲ្យចូលខ្លួន ជំនួសការនាំខ្លួន
លោក ជូង ជូងី ដែលជាមេធាវីការពារក្តីឲ្យលោក សៀម ភ្លុក អតីតស្ថាបនិកគណបក្សបេះដូងជាតិ បានស្នើទៅប្រធានសាលាដំបូងរាជធានីភ្នំពេញ ចេញដីកាបង្គាប់ឲ្យចូលខ្លួន ជំនួសការបង្គាប់ឲ្យនាំខ្លួន ដោយសំអាងថា សមត្ថកិច្ចយកដីកាទៅបិទខុសអាសយដ្ឋាន។ នេះបើយោងតាមលិខិតរបស់លោក ជូង ជូងី ដែលដាក់ជូនប្រធានសាលាដំបូងរាជធានីភ្នំពេញ ហើយដែលទើបទទួលបាននៅថ្ងៃទី២២ ខែមេសា។
ជាការកត់សម្គាល់ ការស្នើសុំរបស់មេធាវីការពារក្តីឲ្យលោក សៀម ភ្លុក បានធ្វើឡើងមុន៣ថ្ងៃ នៃការកំណត់របស់តុលាការ ដើម្បីឲ្យសមត្ថកិច្ចនាំខ្លួន។
លិខិតលោក ជូង ជូងី បានលើកឡើងថា កាលពីថ្ងៃទី០៤ ខែមេសា ឆ្នាំ២០២២ ចៅក្រមសាលាដំបូងរាជធានីភ្នំពេញ បានចេញដីកាបង្គាប់ឲ្យនាំខ្លួនជនត្រូវចោទឈ្មោះសៀម ភ្លុក ឲ្យបានមុនថ្ងៃទី២៥ ខែមេសា ឆ្នាំ២០២២ ជាកំហិត ដើម្បីចាត់ការតាមច្បាប់។ លោកបញ្ជាក់ថា នៅក្នុងលិខិតរបស់តំណាងអយ្យការបានបញ្ជាក់យ៉ាងច្បាស់អំពីអាសយដ្ឋានរបស់លោក សៀម ភ្លុកគឺនៅសង្កាត់ទួលស្វាយព្រៃ១ ខណ្ឌបឹងកេងកង ប៉ុន្តែសមត្ថកិច្ចបែរជាបញ្ជូនដីកាបញ្ជូនដីកាកោះទៅឫស្សីកែវទៅវិញ ដែលមិនមែនជាអាស័យដ្ឋានរបស់លោក សៀម ភ្លុក ហើយប៉ុស្តិ៍នគរបាលបានធ្វើរបាយការណ៍ថា ទីតាំងត្រូវបានបិទ មិនអាចទាក់ទងជនត្រូវចោទបាន។
បើតាមលោក ជូង ជូងី លោក សៀម ភ្លុក មិនមានចេតនាគេចវេសពីការចូលបំភ្លឺនៅចំពោះមុខតុលាការនោះឡើយ ពីព្រោះលោកមានទីលំនៅច្បាស់លាស់ នៅខណ្ឌបឹងកេងកង។
សូមបញ្ជាក់ថា ចៅក្រមសាលាដំបូងរាជធានីភ្នំពេញ លោក លិ សុខា កាលពីថ្ងៃទី០៤ ខែមេសា ឆ្នាំ២០២២ បានចេញដីកាបង្គាប់ឱ្យកងកម្លាំងមានសមត្ថកិច្ចនាំខ្លួនលោក សៀម ភ្លុក ទៅឆ្លើយបំភ្លឺនៅសាលាដំបូងរាជធានីភ្នំពេញ ឱ្យបានមុនថ្ងៃទី២៥ ខែមេសា ឆ្នាំ២០២២ ពាក់ព័ន្ធនឹងបទចោទ “ក្លែងបន្លំ និងប្រើប្រាស់លិខិតក្លែង” ក្នុងការបង្កើតគណបក្សបេះដូងជាតិ។ ក្រោយពីឃើញដីការនេះ មានព័ត៌មានមួយចំនួនអះអាងថា លោក សៀម ភ្លុក បានគេចខ្លួនទៅកាន់ទីតាំងមានសុវត្ថិភាព ប៉ុន្តែប្រហែលជាលោក សៀម ភ្លុក មិនអាចគេចខ្លួនបាន ក៏ចេញមុខប្រកាសថា នឹងចូលខ្លួនទៅឆ្លើយបំភ្លឺការពិតនៅចំពោះមុខចៅក្រមស៊ើបសួរ ដោយមិនមានចេតនាគេចវេសពីការទទួលខុសត្រូវនោះឡើយ។
លោក សៀម ភ្លុក ត្រូវបានសាលាដំបូង រាជធានីភ្នំពេញចេញដីកាកោះហៅឱ្យចូលខ្លួនទៅឆ្លើយបំភ្លឺនៅសាលាដំបូងរាជធានីភ្នំពេញម្ដងរួចមកហើយ កាលពីថ្ងៃទី២២ ខែមីនា ឆ្នាំ២០២២ ពាក់ព័ន្ធនឹងរឿងក្លែងបន្លំស្នាមមេដៃសមាជិក ដើម្បីបង្កើតគណបក្សនយោបាយ ប៉ុន្តែនៅថ្ងៃទី២២ ខែមីនា នោះ លោកមិនបានចូលទៅបំភ្លឺទេ ដោយសំអាងថា មិនបានទទួលដីកាពីតុលាការ៕ កោះកែវ
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន