ព័ត៌មានជាតិ
មុខសញ្ញាកាច់សោ ក ម៉ូតូ និងលួចរថយន្ត ត្រូវឃាត់ខ្លួនបញ្ជូនទៅតុលាការ
កម្លាំងនគរបាល ព្រហ្មទណ្ឌ នៃអធិការដ្ឋាននគរបាល ខណ្ឌកំបូល បានឃាត់ខ្លួនមុខសញ្ញាកាច់សោ ក ម៉ូតូ និងលួចរថយន្ត ម្នាក់ នៅក្នុងមូលដ្ឋាន កសាងសំណុំរឿងបញ្ជូនទៅកាន់តុលាការ នាថ្ងៃទី២៣ ខែវិច្ឆិកា នេះ ដើម្បីផ្តន្ទាទោសតាមច្បាប់ ។
លោកវរសេនីយ៍ទោ ឈឹម សាវុទ្ធ អធិការរងខណ្ឌកំបូល ទទួលផ្នែកព្រហ្មទណ្ឌ ប្រាប់ឲ្យដឹងថា ជនសង្ស័យ ឈ្មោះ ពៅ វ៉ាន់ ( ហៅ ) ខ្មៅ ភេទប្រុស អាយុ ៣៥ឆ្នាំ មុខរបរមិនពិតប្រាកដ ស្នាក់នៅភូមិគោកបញ្ជាន់ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ ( ប្រើប្រាស់គ្រឿងញៀន ) ត្រូវសមត្ថកិច្ចឃាត់ខ្លួន ក្នុងករណី ប៉ុនប៉ងលួចម៉ូតូ នៅចំណុចតាមផ្លូវបេតុង ភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ កាលពីថ្ងៃទី ២១ ខែវិច្ឆិកា ឆ្នាំ ២០២០ វេលាម៉ោងប្រហែល ៦ និង ២០ នាទីព្រឹក ។
លោកប្រាប់បន្តថា មុនពេលកើតហេតុ សមត្ថកិច្ចនគរបាល នៃ អធិការដ្ឋាននគរបាលខណ្ឌកំបូល បានល្បាតក្នុងភូមិសាស្ត្រ លុះដល់ចំណុចតាមផ្លូវបេតុង ភូមិកន្ទោកខាងជើង (សង្កាត់កន្ទោក) ក៏ឃើញជនសង្ស័យកំពុងដើរតាមផ្លូវ ដោយមានការសង្ស័យ សមត្ថកិច្ចបានហៅឲ្យឈប់ត្រួតពិនិត្យនៅលើដងខ្លួន ក៏ឃើញដែកកែច្នៃចុងស្រួចសម្រាប់កាច់សោ ក ម៉ូតូចំនួន ២ និងកូនសោរ លេខប្រាំបី ចំនួន ១ នៅក្នុងហោប៉ៅខោ ភ្លាមនោះសមត្ថកិច្ច ក៏បានដកហូត ហើយនាំខ្លួនជនសង្ស័យ និងវត្ថុតាងយកមកប៉ុស្តិ៍នគរបាលរដ្ឋបាលកន្ទោក រួចបញ្ជូនទៅកាន់អធិការដ្ឋាននគរបាលខណ្ឌកំបូល ដើម្បីចាត់ការតាមច្បាប់។
ជាមួយគ្នានេះ លោកអធិការរងខណ្ឌកំបូលរូបនេះ ក៏បានបញ្ជាក់ផងដែរថា នាពេលកន្លងមកជនសង្ស័យ ឈ្មោះ ពៅ វ៉ាន់ ( ហៅ ) ខ្មៅ ក៏ធ្លាប់ធ្វើសកម្មភាពលួចយករថយន្ត ១គ្រឿង ម៉ាក គា ពណ៌ស ពាក់ផ្លាកលេខ ភ្នំពេញ 2AE-5502 នៅក្នុងមូលដ្ឋានខណ្ឌកំបូល ផងដែរ៕
អត្ថបទ ៖ រ៉ាវុទ្ធ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ