ខេត្ត​បន្ទាយមានជ័យបើក​យុទ្ធនាការ​​ចាក់វ៉ាក់សាំង​ដូស​ទី​៣ ដល់មន្រ្តីជួរមុខ ប្រើប្រាស់​ទីតាំង​ចំនួនពីរ

នៅព្រឹកទី៨ ខែសីហា ឆ្នាំ២០២១ ខេត្តបន្ទាយមានជ័យបានចាប់ផ្តើម​បើកដំណើរការចាក់វ៉ាក់សាំងដូសទី៣ ជូនមន្ត្រីជួរមុខឬដូសជម្រុញ ជូនមន្ត្រីជួរមុខ​ទូទាំងខេត្ត ចំនួន២ទីតាំងដែលទី១ នៅសាលប្រជុំធំសាលាខេត្តនិង ទីតាំងទី២ នៅសាលប្រជុំគណបក្សប្រជាជនកម្ពុជាខេត្ត។

តាមរយៈសារជាសំឡេងកាលពីថ្ងៃទី៦សីហា សម្តេចតេជោនាយករដ្ឋមន្ត្រីបានដាក់បទបញ្ជាឱ្យលោកស្រី ឱវណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងក្នុងក្របខណ្ឌទូទាំងប្រទេស ចាក់វ៉ាក់សាំងជូនដល់ក្រុម​ជួរមុខ​នៅតាមព្រំដែនកម្ពុជាថៃ ដើម្បីទប់ស្កាត់ការឆ្លងរីករាលដាលជំងឺដែលតា។

ខេត្តជាប់ព្រំដែនថៃ​ចំនួន៧ រួមមានខេត្តបាត់ដំបង បន្ទាយមានជ័យ ប៉ៃលិន កោះកុង ឧត្តរមានជ័យ ពោធិ៍សាត់ និងខេត្តព្រះវិហារ បាន​រៀបចំចាក់វ៉ាក់សាំងអាស្ត្រាហ្សេនីកាដែលជាដូសជម្រុញ ឬសទី៣សម្រាប់អ្នកដែលបានចាក់វ៉ាក់សាំងស៊ីណូហ្វាម ឬ ស៊ីណូវ៉ាក់ ដែល​មាន​ក្រុមគ្រូពេទ្យជួរមុខទាំងរដ្ឋ និងឯកជន មន្ត្រីរាជការនៅខេត្ត មន្ត្រីជាប់កិច្ចសន្យា កងទ័ពគ្រួសារកងទ័ព នគរបាល និងអតីតយុទ្ធជនចាប់ពីថ្ងៃទី០៨ ខែសីហា ឆ្នាំ២០២១ តទៅ។

ដើម្បីឱ្យដំណើរការចាក់វ៉ាក់សាំងប្រកបដោយរលូន សម្តេចតេជោបានបញ្ចេញយន្តហោះដឹកជញ្ជួនវ៉ាក់សាំងទៅតាមខេត្តទាំង៧ទៅតាមចំនួនកំណត់ដូចជាខេត្តបន្ទាយមានជ័យទទួលបាន១៣០០០ដូសសម្រាប់ចាក់ដូសទី៣នេះ៕

អត្ថបទ៖ សំអឿន